Stöðugur áróður Bændablaðsins gegn Evrópusambandinu

Hin gjörspilltu og ríkisstyrktu Bændasamtök Íslands reka í dag stöðugan og linnulausan áróður gegn Evrópusambandinu í gegnum Bændablaðið og vefsíðu Bændablaðsins sem kallast bbl.is. Allur þeirra áróður er eins og annar hver áróður, blanda af lygum og sannleika.

Núna nýjast er grein frá þeim sem kallast „Hið heilaga ESB„. Þar sem einhver fáfróður, illa menntaður og illra innrættur maður sem er titlaður ritstjóri Bændablaðsins kemur með lengstu þvælu um Evrópusambandið sem fæst fyrir allan þann pening sem dælt er í hítina sem Bændasamtökin og Bændablaðið er. Enda er bæði gjörspillt, handónýtt og rotið inn að kjarna og hefur valdið íslenskum bændum gífurlegu efnahagslegu tjóni með því að standa gegn aðild Íslands að Evrópusambandinu og almennri framþróun á Íslandi síðustu áratugina. Það eru ekki nein merki þess láta eigi af þeirri hegðun og því tjóni sem þetta veldur íslenskum bændum. Tap íslenskra bænda telur í milljöðrum á ári hverju og lítið mun breytast þar á næstunni.

Í umræddri grein er fullyrt að íslendingar muni láta af stjórn orkumála með því að samþykkja þriðja orkupakkann. Það er fyrir löngu búið að afsanna þessa fullyrðingu. Þetta er ekkert nema lygi sem sögð er í Bændablaðinu. Í fullyrðingum um tollasamning Íslands og Evrópusambandsins er þess ekki sagt frá því íslendingar geta núna flutt út meira til Evrópusambandsins en áður. Til að toppa rökleysuna, þá nefnir Bændablaðið Hitler og þar sem þetta er ekki umfjöllun um nasista og aðra slíka. Þá gildir Godwin’s law.

There are many corollaries to Godwin’s law, some considered more canonical (by being adopted by Godwin himself)[3] than others.[1] For example, there is a tradition in many newsgroups and other Internet discussion forums that, when a Hitler comparison is made, the thread is finished and whoever made the comparison loses whatever debate is in progress.[8] This principle is itself frequently referred to as Godwin’s law.[9]

Godwin’s law (Wikipedia)

Bændablaðið og Bændsamtök Íslands eru búin að tapa rökræðunni og þeim væri best að leggja sjálfa sig niður.

Skjáskot af umræddri grein.

Staðreyndin er að Bændasamtök Íslands eru gjörspillt peningahít sem almenningur á Íslandi borgar fyrir dýrum dómi. Þessi samtök viðhalda einokun og háu landbúnaðarverði á Íslandi á kostnað neytenda og íslenskra bænda (framleiðanda). Íslenska ríkið var dæmt í órétti fyrir dómstólum EFTA varðandi bann á ferskum kjötvörum til Íslands. Það er alveg ljóst í því máli að málflutningur Bændasamtaka Íslands er haugur af þvælu. Ástæða þess að Bændasamtök Íslands eru svona á móti Evrópusambandinu snýst um peninga. Ef Ísland gengur í Evrópusambandið þá fá Bændasamtök Íslands ekki ótakmarkaðan aðgang að ríkissjóði Íslands eins og er núna í dag. Innan Evrópusambandsins er sérstök greiðslustofnun sem sér um greiðslur til bænda. Á Íslandi eru það Bændasamtök Íslands og eru á sama tíma hagsmunaaðili fyrir íslenska bændur. Þetta eru glórulausir hagsmunaárekstrar enda sitja Bændasamtök Íslands beggja vegna borðsins í þessu og það er ekki eðlilegt. Þegar Ísland var í aðildarferli að Evrópusambandinu þá mótmæltu Bændasamtök Íslands því að taka ætti fjárveitingarvaldið af þeim (greiðslur til bænda) og færa til sérstakarar greiðslustofnunar sem yrði stofnuð áður en Ísland mundi ganga inn í Evrópusambandið.

Bændasamtök Íslands og Bændablaðið eru einnig búinn að tapa rökræðunni með nýjustu ritstjórnargreininni.

Efnahagur Íslands á leið til helvítis á ný

Efnahagur Íslands er á leið til helvíti á ný. Misræmið í ákveðnum þáttum efnahagsins á Íslandi er orðið of mikið og pressan er orðin of mikil á ákveðna hluta efnahagsins á Íslandi. Verðbólgan mun á ný verða stjórnlaus á Íslandi þegar húsnæðisbólan springur með látum á Íslandi. Ég reikna með að á svipuðum tíma þá hverfi ferðmannabólan á Íslandi. Það er nú þegar byrjað að fjara undan ferðamannabólunni á Íslandi þó þessi atburðarrás sé mjög hægfara eins og stendur. Það sem efnahagshrunið á Íslandi verður ekki er svipað hrun og varð árið 2008. Seðlabanki Íslands mun bregðast við á mjög augljósan hátt og hætta vexti sem mun eingöngu gera stöðuna verri þar sem það mun auka vaxtamun milli Íslands og Evrópu. Staðan í Bandaríkjunum skiptir íslendinga engu máli í stóra samhengingu, staðan í Evrópu gerir það hinsvegar vegna efnahagstengsla.

Það er enga hjálp að fá frá núverandi ríkisstjórn sem er of upptekin við að klappa sjálfri sér á bakið fyrir ekki neitt. Núverandi ríkisstjórn Íslands (Mars 2018) er einnig eins og þær ríkisstjórnir sem hafa setið undanfarið einstaklega löt ríkisstjórn af afkastar ekki neinu og lætur allt vera í handraðanum og býst augljóslega við því að efnahagsmálin á Íslandi gangi bara upp eins og þau hafa verið að gera undanfarin ár. Það er ekki raunveruleikinn og staðreyndin er sú að ef efnahag Íslands er ekki stjórnað í gegnum fjárlög ríkisstjórnar Íslands þá getur þetta bara endað illa og það er nákvæmlega það sem mun gerast. Fjármálaráðherra Íslands (Bjarni Benediktsson) er of upptekin við að sinna persónulegri spillingu til þess að skipta sér af því sem þarf að skipta sér af á Íslandi. Grotnandi innviðir Íslands eru gott merki um þetta áhugaleysi. Einhver ætti að skutla 10 tonnum af drullu upp í fjármálaráðuneytið við tækifæri til þess að minna Bjarna á ástand vega á Íslandi.

Katrín Jakobsdóttir er of upptekin við að vera forsætisráðherra Íslands til þess að taka eftir því hvað er að gerast í hennar ríkisstjórn. Eins og dæmin sanna nú þegar. Verkleysið er einnig algert hjá henni og hennar undirmönnum. Summa lítilla hluta getur endað í stóru efnahagshruni og það mun gerast á Íslandi á endanum. Það er með efnahagsmál byggð á svindli eins og með svo margt annað. Það er engin leið til þess að vita hvenær svindlið hættir að ganga upp. Ég veit ekki hvenær svindlið á Íslandi hættir að ganga upp en einn daginn þá mun allt fara til helvítis innan íslensk efnahags og þetta getur eingöngu endað illa.

Á Íslandi ráða Bændastök Íslands miklu um stöðu mála. Staðreyndin er hinsvegar sú að Bændasamtök Íslands eru gjörspillt og uppfull af vanhæfum einstaklingum sem ættu ekki að koma nálægt búskap eða stjórnunarstöðum nokkurntímann á sinni lífsleið. Ákvarðanir og áherslur Bændasamtaka Íslands hafa valdið því núna að sauðfjárbændur eru núna að síðasta strengnum með því að halda sér á floti fjárhagslega. Mörg þúsund tonn af sauðfjárkjöti sitja núna inná frysti hjá Sláturhúsum Íslendinga og eru þar óseld og það eru engar líkur á því að þetta kjöt seljist á næstunni. Þetta er vegna þröngsýni og skammsýni í Bændasamtökum Íslands sem hafa ímyndað sér óvin í Evrópusambandinu sem er þó það eina sem gæti bjargað fjárhag íslenskra sauðfjárbænda og tæmt fyrsta íslenskra sláturhúsa. Hinsvegar er það ákvörðun innan Bændasamtaka Íslands að það skuli vera setið við sinn keip og íslenskir bændur skuli vera fyrir utan Evrópusambandið, jafnvel þó svo að slíkt muni gera þá gjaldþrota einn daginn. Kannski ekki alla íslenska bændur á sama tíma en marga íslenska bændur. Þessi ákvörðun kemur einnig kerfisbundið í veg fyrir endurnýjun íslenskra bænda. Margir íslenskir bændur eru orðnir svo gamlir að þeir ættu frekar að fara á elliheimili og hætta að vinna heldur en að sinna búskap. Enda er það stórt erfiði að sinna búskap í dag eins og áður fyrr.

Það er einnig skaðlegt íslenskum efnahag að ríkisvarin einokun skuli vera til staðar í formi MS (Mjólkursamsölunnar). Þetta er skaðlegt þar sem það skilar verra verði til mjólkurbænda og verri vöru til neytenda. MS þarf ekki að vanda sig þegar engin er samkeppnin á Íslenskum markaði og hægt er að hafa vöruþróun í skötulíki á sama tíma. Það er enginn hvati fyrir MS að þróa nýjar vörur þegar allar vörur á markaðinum eru frá MS.

Íslendingar endurtaka efnahagskreppur á rúmlega 10 ára fresti (það er rúmlega þessi árafjöldi) og núna er komið að nýrri efnahagskreppu með öllu tilheyrandi á Íslandi. Þetta er allt saman í boði vanhæfra stjórnmálamanna á Íslandi sem eru á móti aðild Íslands að Evrópusambandinu.

Bændasamtök Íslands eru gjörspillt og handónýt samtök

Það er að sjá á lestri nýjasta Bændablaðsins að Bændasamtök Íslands ætla sér að fara í áróðursherferð gegn innflutningi á kjöti, mjólk og eggjum til Íslands. Þar sem Bændasamtök Íslands eru eingöngu borguð með skattpenginum íslenskra skattgreiðanda þá er ljóst að íslenskir skattgreiðendur munu borga fyrir þennan lyga-áróður sem Bændasamtök Íslands ætla sér að fara að dreifa til íslendinga.

Bændasamtök Íslands eru gjörspillt samtök sem þjóna ekki hagsmunum íslenskra bænda að neinu leiti. Þetta er klúbbur örfárra ríkra einstaklinga sem hafa náð þar völdum og fara með alla bændur eins og leiguliða á 19 öldinni.

Það á að leggja niður alla tolla á innflutning á matvöru. Enda kosta íslenskir matvælatollar íslenskan almenning milljarða króna árlega og þessi verndarstefna kostar íslenska bændur ennþá hærri upphæðir. Ólíkt því sem lygin segir frá Bændasamtökum Íslands þá er matvælaframleiðsla á Íslandi sáralítil og mun aldrei framleiða nóg ofan í alla þá ferðmenn sem munu koma til Íslands árið 2018 en sú talað er áætluð 2,8 milljónir manna. Íslenskir bændur rétt svo framleiða ofan í 348.000 manns eins og staðan er í dag og í sumri framleiðslu er ekki framleitt nóg. Helst er skortur í svínakjöti, kjúklingi og nautakjöti. Það er alveg ljóst að lambakjöt verður seint flutt til Íslands enda er lítið framleitt af lambakjöti í ríkjum á meginlandi Evrópu.

Bændasamtök Íslands í núverandi mynd á að leggja niður. Íslenska ríkið á að taka þennan málaflokk af þessum sérhagsmunastamtökum enda er núverandi fyrirkomulag þannig að það getur eingöngu boðið upp á spillingu og sóun almannafjár. Skýrsla Ríkisendurskoðunar frá árinu 2011 um þetta mál er að finna hérna. Það á einnig að afnema lög 130/1994 um Bændasamtök Íslands. Þetta geta verið frjáls félagsamtök og það krefst ekki sérstakrar lagasetningar af hálfu Alþingis.

Þess má einnig geta (víst að þessi auglýsing er í Bændablaðinu). Þá er ekki gott að gefa kanínum gulrætur þar sem slíkt veldur þeim tannskemmdum og er vont fæði fyrir þær. Fái kanínur að velja þá borða þær græna sem er á gulrótum fyrst og hafi þær ekkert annað þá borða þær sjálfa gulrótina. Best er að gefa kanínum grænfóður (gras, kál og annað slíkt) og sleppa gulrótum algerlega.

Bændasamtökin ljúga kerfisbundið um hættuna af innflutning á matvælum

Bændasamtök Íslands ljúga kerfisbundið um stöðu mála á Íslandi. Staðreyndin er sú að Ísland er með sömu matvælalög og gilda annarstaðar í Evrópusambandinu og á Evrópska Efnahagssvæðinu. Líkunar á því að smitað kjöt berist til Íslands eru engar, enda lifa umræddar bakteríur og veirur ekki í dauðum vef. Þessar sýkingar þurfa lifandi dýr til þess að geta smitað áfram og það er ennfremur engar líkur því að beljur eða svín komist í tæri við kjöt af slátruðum beljum eða svínum í útihúsum þar sem þau eru hýst.

Það yrði enginn innflutningur á lambakjöti til Íslands. Vegna þess að á meginlandi Evrópu er svo til ekkert framleitt af lambakjöti til útflutnings og það sem er framleitt fer allt á innanlandsmarkað í viðkomandi ríkjum eða til nágrannaríkjanna. Ógerilsneydda mjólk þarf að gerilsneyða áður en hægt er að vinna úr henni vöru eins og osta og aðrar mjólkurvörur. Sýkingarhætta þar er því engin.

Það eru afskaplega lítil hætta á smiti í fuglum vegna eggja, þar sem farfuglar koma til Íslands árlega og það sem þrífst í þeim (sjúkdómar) getur einnig þrifist í hænsnum ef hænunnar komast nærri veikum fugli.

Bændasamtökin geta ekki fengið dómi EFTA breytt og Evrópusambandið mun ekki samþykkja neinar undanþágur fyrir íslendinga. Enda hefur Evrópusambandið sína eigin sérfræðinga sem eru margfalt betri og óháðari en spillingaröflin sem er að finna innan Bændasamtaka Íslands. Það á að svipta Bændasamtök Íslands öllu fjármálavaldi sem samtökin hafa yfir íslenskum bændum enda er hérna um að ræða alvarlega hagsmunarárekstra sem ekki er hægt að sætta sig við. Síðan á að afnema með öllu þá einokun sem er á sölu mjólkurvara á Íslandi og er varin með lögum. Mjólkursamsalan getur verið á frjálsum markaði eins og önnur fyrirtæki á Íslandi. Það er ekki réttlætanlegt að þetta fyrirtæki sé varið með lögum sem eru hugsanlega brot á stjórnarskrá en örugglega brot á Samningum um Evrópskt Efnahagsvæði.

Frétt Rúv

Óttast áhrif hráakjötsdóms og tollasamnings

Kjaftæðið nær nýjum hæðum í Bændablaðinu

Í grein núna sem er í Bændablaðinu er skrifað um gervivísindi og rafmagn. Það er einnig mjög hættulegt sem þessi maður virðist mæla með. Fyrsti hluti greinarinnar er svona meiri og minna réttur og þá eingöngu þeir hlutar sem snúna að jarðtengingum húsa þar sem rafmagn er tekið inn. Þessar tengingar eru alltaf til staðar alveg óháð því hvort að um er að ræða þriggja fasa rafmagn eða eins fasta rafmagn. Þarna er líka talað um rafmagn í lofthjúpnum sem er rétt hugtak en útskýring viðkomandi er röng. Vandamálið við greinina er það að hún blandar saman raunverulegum vísindum ofan í bull til þess að réttlæta kjaftæðið sem viðkomandi er að selja fólki.

Um rafmagn í lofthjúpnum þá stendur þetta hérna í Wikipedia. Þetta eru alvöru kraftar en fólk verður ekki veikt af þeim nema það fái eldingu í sig. Ástæðan er sú að mótstaða í lofthjúpnum er svo mikil að þessi straumur getur ekki haft áhrif á fólk, dýr og plöntur. Áður en það gerist þarf rafmagnið að komast yfir mótstöðu lofthjúpsins.

The voltages involved in the Earth’s circuit are significant. At sea level, the typical potential gradient in fair weather is 120 V/m. Nonetheless, since the conductivity of air is limited, the associated currents are also limited. A typical value is 1800 A over the entire planet.

Global atmospheric electrical circuit (Wikipedia), Atmospheric electricity (Wikipedia)

Fullyrðingar um jarðstraum eru einnig ruglandi og ekki endilega alltaf staðreyndalega réttar. Þetta er straumur sem er alltaf til staðar og er almennt ekki hættulegur og svo sannarlega gerir fólk ekki veikt. Vandamálið með jarðstrauminn og strauminn í lofthjúpnum kemur mest fram þegar mikil sólarvirkni á sér stað sem þrýstir á segulsvið jarðar. Slíkt getur valdið straumsveiflum og slegið út rafmagnskerfum og brennt yfir spennustöðvar í stórum rafkerfum.

Í greininni er talað um mínusjónir og annað slíkt eins og það hafi áhrif á heilsu fólk. Þetta er allt saman kjaftæði og stenst ekki neina skoðun. Hús tapa ennfremur ekki rafeindum vegna þess að ekkert í náttúrunni getur tapað rafeindum. Það er ekki þannig sem þær virka. Þarna byrjar kjaftæðið og það er mikið af því. Þarna er talað um að hús missi lausar rafeindir en það gerist ekki, þar sem það er ekki vísindalega hægt að slíkt gerist. Þetta einfaldlega virkar ekki þannig. Síðan eru flökkustraumar ekki til, þetta orð er skáldskapur og allt sem tengist því er skáldskapur. Ef að það væri 2A straumur í blöndunartækjum húsa þá væru margir sem hefðu látist af slíku, þar sem það þarf eingöngu 100mA til þess að valda hjartaáfalli í fullorðinni manneskju.

Orðið „Galvanó áhrif“ er uppspuni. Það er svipað orð á ensku en það hefur með tannviðgerðir að gera. Í greininni eru nokkrar myndir, þar er straummælir notaður rangt þar sem hann á að sýna meintan rafstraum í blöndunartæki (01.2A eða 1,2mA) og síðan við jarðtengingu (sem enginn straumur fer um) og þar sést 09.9A eða 9,9mA. Stillingin á mælinum er 200A sem þýðir að hann sýnir eingöngu straum upp að 200 Amaper. Síðan virðist sem að húsasótt sé uppskáldaður sjúkdómur til þess að geta selt fólki kjaftæðislausnir sem hafa aldrei virkað og munu aldrei virka.

Sé flett upp á Valdemar Gísli Valdemarsson á internetinu þá kemur í ljós að maðurinn er að selja fleira ný-aldarkjaftæði til fólks með rándýrum kostnaði (gott dæmi er að finna hérna). Lausnir sem virka ekki og munu aldrei virka. Ef fólk heldur að eitthvað sé að rafmagninu hjá sér þá á það að fá alvöru rafmagnsfræðing til þess að komast að því hvað er að gerst. Segulsvið hafa ennfremur engin áhrif á fólk og hefur aldrei haft áhrif á fólk. Síðan kemur einnig í ljós að maðurinn er skólastjóri fyrir skóla þar sem kennd er rafmagnsfræði fyrir framtíðar rafvirkja. Það er ekki hægt að samþykkja slíka stöðu á meðan þessi maður er að svindla á fólki með þessum hætti sem hann augljóslega gerir. Svona fólk á heima í fangelsi fyrir svindl og blekkingar.

Hérna er greinin á vefsíðu Bændablaðsins. Ég set tengill á greinina sem heimild, flest allt sem kemur fram í þessari grein er kjaftæði eins og fer yfir hérna að ofan. Fyrir utan nokkur atriði sem eru bara grunn atriði í rafmagnsfræðum.

Málflutningur Sigurðar Inga Jóhannsonar, formanns framsóknarflokksins er skolp

Það er ekki að spurja að því. Málflutningur formanns framsóknarflokksins, sem er þessa stundina sveitamaður að nafni Sigurður Ingi Jóhansson er algert skolp. Enda er fullyrðing hans um innflutt grænmeti ekkert nema meiriháttar lygi sem væri afsagnarverð í þeim ríkjum sem íslendingar þykjast bera sjálfan sig sama við. Það eru íslendingar sem dæla út skolpi útí náttúruna og hafa gert núna í mörg ár eins og sjá má á þessum fréttum hérna. Innan Evrópusambandsins er allt skolp meðhöndlað þannig að ekki verði mengun af í náttúrunni. Gilda þar sérstakar reglur sem íslendingar eiga einnig að fara eftir (EES Samningurinn). Sjá nánar hérna.

Skólp fer beint út í náttúruna (09.08.2013)
Enn skolpúrgangur í Ölfusá (01.08.2014)
Skólp Árborgar og Álftaness með gamla laginu (11.07.2017)

Það eru íslendingar sem eru eftirbátar Evrópusambandsríkja í þessum málum og því er ljóst að málflutningur Sigurðar Inga Jóhanessonar, formanns framsóknarflokksins er ekkert annað nema haugalygi og þvæla frá upphafi til enda. Evrópusambandið er ennfremur með á Evrópusambandsstiginu stiginu matvælaeftirlit sem kallast European Food Safety Authority (efsa). Íslendingar taka að einhverju leiti þátt í þessu eftirliti í gegnum EES Samninginn en sú þáttaka er takmörkuð vegna lítilla fjárframlaga íslenska ríksins í eftirlitsmálaflokkinn um þessar mundir.

Viðskiptabönn Bændasamtaka Íslands kosta sauðfjárbændur milljarða í tekjur

Sú hugmyndafræði sem keyrir Bændasamtök Íslands og andstöðu þeirra gagnvart Evrópusambandinu (Wikipedia á ensku hérna) er núna að kosta íslenska sauðfjárbændur milljarða í tekjur á ári þessa mánuðina. Ástæðan er sú að íslenskir sauðfjárbændur og íslenskir bændur almennt hafa ekki aðgang að 512 milljón manna markaði sem Evrópusambandið byggir á.

Ástæðan er sú að íslendingar hafa takmarkaðan innflutning inná markaði Evrópusambandsins með lambakjöt og aðrar vörur vegna tolla eins og fjallað er um á vefsíðu Evrópusambandsins hérna. Aðild Íslands að Evrópska Efnahagssvæðinu (EES) skiptir engu í þessu máli og er líklega býr til fleiri vandamál en það á að leysa. Samkvæmt þessari hérna (smella þarf á ‘Market Dashboard’fyrir nýjustu verðupplýsingar á markaði Evrópusambandsins) vefsíðu, þá getur íslenskur bóndi fengi 515,6€ á hver 100 kg af góðu lambi á markaði Evrópusambandsins í dag. Létt lamb fer á 552,9€ á hver 100kg núna í dag á markaði Evrópusambandsins.

Kjötfallið sem íslenskir bændur sitja uppi með og veldur tekjutapi hjá íslenskum sauðfjárbændum stafar eignöngu af þröngsýni og skorti á framsýni hjá Bændasamtökum Íslands. Það er stór markaður fyrir íslenskt lambakjöt en sá markaður er allur í Evrópusambandinu og á meðan íslendingar standa þar fyrir utan. Þá er sá markaður svo gott sem lokaður fyrir íslenska sauðfjárbændur.

Íslenskir sauðfjárbændur og aðrir eru að láta Bændasamtök Íslands að hafa sig að fíflum með stöðugri andstöðu þeirra við aðild Íslands að Evrópusambandinu. Ef íslenskir bændur vilja hafa það gott og halda áfram að hafa í sig á þá verða íslenskir bændur að láta af andstöðunni við aðild Íslands að Evrópusambandinu.

Bændasamtökin og framsóknarflokkurinn blekkja íslensku þjóðina

Í fréttum kvöldins af búnaðarþingi Bændasamtaka Íslands var það helst að frétta að Bændasamtök Íslands eru á móti verslun á Íslandi. Í þeim tilgangi er sú blekking notuð að vöruverð á Íslandi sé lægra en í nágrannalöndunum (Danmörk, Svíþjóð, Noregi). Sú fullyrðing er röng, enda er Ísland eitt af dýrustu löndunum af norðurlöndunum, eingöngu Noregur er dýrari (stundum) og dýrasta land í Evrópu er Svissland. Tölur frá árinu 2013 setja Noreg sem dýrasta land í Evrópu, þá var Ísland frekar neðarlega á þeim lista. Þessar tölur er hægt að skoða hérna.

Það sem er ekki tekið fram í þessari umræðu er sú staðreynd að á Íslandi er rekin láglaunastefna, á meðan matvæli og annað er mjög dýrt og stór hluti af kostnaði fólks sem er á mjög lágum launum. Staðreyndin er hinsvegar sú að langflestir íslendingar eru á mjög lágum launum þó svo að þeir vinni fullan vinnudag og séu jafnvel í tvöfaldri vinnu eða þrefaldri vinnu (unnið í sumarfríum).

Innflutt matvæli á Íslandi eru tollalögð upp í þak og eru tollar oft stór hluti af verðinu. Þetta er einnig orðið verra síðan Jón Bjarnarson (núverandi formaður Heimssýnar) breytti útreikningum varðandi tolla þannig að meira er borgað fyrir innfluttar vörur er áður var gert [sjá hérna, hérna og hérna]. Þetta hefur ýtt verðlagi upp á innfluttum vörum á síðustu árum. Framsóknarflokkurinn sem er núna með Landbúnaðarráðuneytið hafa ekki breytt þessu til baka og hafa engan áhuga á því.

Ef íslendingar vilja breytingar á matvælaverði og almennt breytingar á því hvernig hlutirnir eru á Íslandi. Þá verða þeir að hætta að kjósa framsóknarflokkinn og sjálfstæðisflokkinn til valda. Þar sem báðir þessir stjórnmálaflokkar eru afturhaldsflokkar sem stefna að einangrun Íslands á alþjóðlegum vettvangi. Eins og hefur sést hvernig haldið hefur verið á málum á núverandi kjörtímabili [2013 – 2017].

Fréttir af þessu máli

Verslunin taki of mikið til sín (Rúv.is)

Íslendingar dæma sig til ævarandi fátæktar

Grunnur að hagsæld þjóða í hagkerfi heimsins eru viðskipti við aðrar þjóðir. Á þessu byggja mörg efnahags-bandalög í heiminum í dag. Enda er það svo að heimurinn er hægt og rólega að skiptast upp í efnahags-bandalög þjóða sem stunda viðskipti sín á milli og semja síðan sem ein heild við aðrar þjóðir eða önnur efnahags-bandalög í heiminum. Þessi bandalög eru eins misjöfn og þau eru mörg. Í Evrópu eru tvö slík bandalög til staðar. Það sem íslendingar tilheyra kallast EFTA og það sem 28 þjóðir eru í kallast Evrópusambandið í dag. Á Íslandi hefur alltaf verið barist gegn betri og sterkari tengslum Íslands við Evrópu af hálfu fólks sem er ekkert nema varðmenn kúgunar og verri lífskjara á Íslandi.
Það er ekki í fyrsta skipti sem Framsóknarflokkurinn stoppar aðild Íslands að Evrópusambandinu (þáverandi Kola og stálbandalag Evrópu) var það á árunum 1950 til 1960 þegar Framsóknarflokkurinn kom beint í veg fyrir aðildar umsókn Íslands að Evrópubandalaginu á þeim tíma. Síðan þá var málið í dvala til ársins 2009. Baráttan gegn EFTA er gott dæmi um slíkt á Íslandi, þá eins og í baráttunni gegn Evrópusambandinu í dag var talað um verra ástand [einnig hérna] við aðild. Jafnvel þó svo að raunveruleikinn hafi orðið allt annar. Slíkar fullyrðingar voru einnig hafðar uppi þegar aðild að Evrópska Efnahagssvæðinu var samþykkt á Alþingi árið 1993. EFTA aðild Íslands með EES samningnum hefur reynst íslendingum afskaplega vel. Enda hefur þetta gengið vel í því umhverfi sem var til staðar fyrir íslendinga að sinna sínum viðskiptum. Heimurinn hefur hinsvegar breyst hratt síðan stofnað var til EES og EFTA. Í dag eru báðir þessir samningar í raun úreltir og þjóna ekki hagsmunum almennings og varla að þeir þjóni hagsmunum fyrirtækja sem starfa innan þeirra.

Nauðsynlegt er fyrir íslendinga að ganga í Evrópusambandið til þess að tryggja áhrif sín og tryggja hagsmuni sína. Með því að draga aðildarumsókn Íslands að Evrópusambandinu til baka eru íslendingar eingöngu að tryggja varanlega fátækt íslensks almennings og fyrirtækja. Enda er ljóst að í núverandi stöðu mun EES samningurinn ekki halda. EFTA aðild Íslands mun ennfremur ekki halda vegna svipaðra ákvæða þar er varða fjármagnsflutninga til og frá Íslandi. Það er ekki víst að EFTA verði til staðar mikið lengur vegna þeirrar stöðu sem komin er upp í Sviss, en EFTA í dag er ákvæði um frjálst flæði fólks sem Sviss hefur nú hafnað í þjóðaratkvæði. Það kæmi mér ekki á óvart að EFTA einfaldlega hyrfi eftir 5 til 10 ár, jafnvel skemmri tíma ef þannig aðstæður skapast. Þeir stjórnmálaflokkar sem standa í dag gegn aðild Íslands að Evrópusambandinu eru í raun að gera íslenskri þjóð gífurlegan óleik með þessari afstöðu sinni. Sá ó-leikur mun verða íslendingum mjög dýr til lengri tíma litið. Enda er hætta á algerri einangrun Íslands ef EFTA og EES hverfa úr samskiptum Íslands við Evrópu.

Það er ljóst að í núverandi stöðu mun hagvöxtur á Íslandi stoppa, hafi hann verið einhver fyrir utan vöxt í einkaneyslu íslendinga. Ljóst er að núna er að koma að mjög erfiðu tímabili í sögu íslensku þjóðarinnar. Tímabil sem mun einkennast af fátækt og miklu atvinnuleysi á Íslandi. Þetta er það sem íslendingar kusu yfir sig og þetta er það sem koma skal.

Heimssýn pantar óðaverðbólgu og kjaraskerðingu á Íslandi

Það er ekkert hærra á óskalista Heimssýnar en góð óðaverðbólga og kjaraskerðing almennings á Íslandi. Sérstaklega þar sem Heimssýn er í þjónustu sérhagsmunaklíkna Íslands. Sérstaklega LÍÚ og síðan Bændasamtaka Íslands, sem rétta þeim þó ekki nema nokkra smáaura í hverjum mánuði fyrir nokkur orð gegn Evrópusambandinu, sem LÍÚ sjálft stórgræðir á í hverjum mánuði. Enda jafnast ekkert á við að hafa tekjur í Evrum eins og LÍÚ gerir og borga síðan fátækum verkamönnum á Íslandi í ónýtum íslenskum krónum sem er hægt að gjaldfella eftir vild og hentugleika.

Evrópusambandið og evran stendur sterk í Evrópu. Heimssýn hinsvegar er hvorugt enda samtökin uppfull af bjánum og vitleysingum. Hérna er stjórn Heimssýnar og er leidd áfram af Vigdísi Hauksdóttir og Jóni Bjarnason.