Fasismi og útlendingahatur í ríkisstofnunum og kærunefnd útlendingamála

Ákvörðun Kærunefndar Útlendingamála um Venúsela er byggð á lygum, blekkingum og þvælu og hefur alltaf verið aldrei neitt annað. Þingmaður fór í vetur í pontu á Alþingi og laug þar að þjóðinni, alþingi og öllum sem heyra vildu um stöðuna í Venúsela og fullyrti að til Íslands væru flugvélar að koma til Íslands fullar af fólki frá Venúsela. Íslenskir fjölmiðlar í sínu gagnleysi og meðvirkni gerðu ekkert með lygar þessa þingmanns, annað en að endurtaka þær og láta síðan gott heita. Í öðrum ríkjum hefði viðkomandi þurft að segja af sér og síðan settur í lögreglurannsókn í besta tilfelli. Ábyrgð Alþingis er engin og virðing Alþingis er engin.

Núna er búið að vísa 180 manns frá Venúsela í hendurnar á brjáluðum einræðisherra og enginn veit hvað verður um þetta fólk. Þar sem það er ekkert réttaríki í Venúsela, efnahagurinn er rúst og spillingin er algjör. Þessi málsmeðferð er mannréttindabrot og verður aldrei neitt annað.

Tengd frétt

180 Venesúelabúum flogið úr landi í gær (mbl.is)

Þingmenn sem eru ekki hæfir í sínu starfi

Á Alþingi situr fasistaflokkurinn miðflokkurinn og þar eru tveir þingmenn, einn þingmaður yfirgaf þá strax eftir kosningar og fór til sjálfstæðisflokksins til að stunda þar meiri fasisma en hann komst upp með í miðflokknum. Eins og allir fasistaflokkar, þá gengur miðflokkurinn út að ljúga að fólki, koma með innantóm loforð og stunda spillingu þar sem því er við komið (hafandi engin völd, þá er þessi spilling bara innanflokks núna hjá þeim).

Núna er miðflokkurinn að reyna að blása til sóknar gegn EES Samningum og í reynd EFTA. Þar sem fastaflokkar eru á móti öllu alþjóðlegu samstarfi vilja gjarnan að íslendingar þurfi að sækja um leyfi til þess að flytja til Spánar og kaupa þar hús (þetta þarf ekki í dag á grundvelli ESB sem kallast frjáls för) og búa hluta úr ári (meira en 90 daga). Hluti af því að vera í EES er að íslendingar þurfa að samþykkja lög ESB, án þess að hafa nokkuð eða mjög lítið um þau að segja (þessi staða væri ekki svona væru íslendingar aðilar að ESB).

Nýjasta grein sem einn helsti áróðursrugludallur miðflokksins, þingmaður að nafni Bergþór Ólason, sem er skrifuð í hægri fasistablaðið morgunblaðið kallast „B(r)ókun 35“ (mbl.is). Þessi grein er þvættingur, það sem ég get lesið af henni. Hægt er að lesa umrædda lagabreytingu á Samráðsgátt Alþingis, „Drög að frumvarpi til laga um breytingu á lögum um Evrópska efnahagssvæðið nr. 2/1993, með síðari breytingum (bókun 35)“ (samradsgatt.island.is).

Það er þannig í alþjóðlegu samstarfi, eins og EES samningum og ESB að lög þessa samstarf eru alltaf æðri landslögum. Þetta er gert til þess að koma í veg fyrir ósamræmi milli landa á þeim lagasviðum sem eru sameiginleg. Íslendingar hafa staðið sig afskaplega illa í að uppfylla það skilyrði í marga áratugi núna og ólíklegt að það breytist. Þessi lagabreyting tekur einnig af allan vafa á því hvaða lög gilda hverju sinni af að lög á Íslandi rekast á við lög frá ESB.

Það ætti enginn að eyða tíma sínum að hlusta á þvæluna sem kemur frá miðflokknum.

Lygar Dómsmálaráðherra á Íslandi

Dómsmálaráðherra Íslands (Jón Gunnarsson) lýgur í gær (18. Janúar 2023) í fjölmiðlum um stöðu glæpamála og síðan útlendingamál á Íslandi. Þetta er allt saman hræðsluáróður til þess að koma af stað stórfelldri vopnavæðingu og hervæðingu lögreglunnar á Íslandi, sem í dag fær að vera með skotvopn í lögreglubílum sínum ef þarf að nota þau. Auk þess sem sérsveitin á Íslandi er ofnotuð við öll tækfæri sem gefst á Íslandi. Þessar lygar fær dómsmálaráðherra að fara með í fjölmiðla á Íslandi án þess að vera gerður afturreka með þær af blaðamönnum og fréttamönnum.

Önnur lygin sem dómsmálaráðherra er að dæla út núna er lygum um útlendingalög á Íslandi, sem eru ein þau ströngustu í allri Evrópu og útilokar nær alla útlendinga að flytja til Íslands ef fólk kemur frá ríkjum utan EFTA og ESB. Það er einnig ekkert stjórnleysi í flóttamannamálum á Íslandi. Þessum málaflokki er viljandi illa sinnt og Útlendingastofnun er rekin með þeim hætti að ljóst er að það er verið að gera útlendingum eins erfitt fyrir að flytja til Íslands og hægt er án þess hreinlega að brjóta á þeim mannréttindi.

Það er vonandi að þegar skipt verður um dómsmálaráðherra á Íslandi að reglugerðin um rafbyssur verði afturkölluð áður en rafbyssur verða einhverjum að bana og að Jón Gunnarsson segi af sér þingmennsku á Alþingi fyrir skammarlega framgöngu sína sem ráðherra og þingmaður, enda á hann ekkert erindi inná Alþingi miðað við það hvernig hann hefur hagað sér sem dómsmálaráðherra.

Fréttir af þessu

Dóms­mála­ráð­herra um raf­varnar­vopn: „Við búum því miður bara við breyttan veru­leika“ (Vísir.is)

Útlendingahaturs frumvarp Dómsmálaráðherra (Jóns Gunnarssonar)

Á Alþingi á að troða núna í gegn frumvarpi Jóns Gunnarssonar um ný lög um útlendinga. Þetta frumvarp sem á að koma í gegn fjarlægir þau litlu réttindi sem flóttamenn og umsækjendur um stöðu flóttamanna á Íslandi hafa í dag. Það er stór hneyksli að svo skuli vera að gera núna, enda er Ísland með eina af sterkustu útlendingalöggjöf í Evrópu vegna þess að fasistanir í sjálfstæðisflokknum eru að smala atkvæðum nasista og annara hópa af fasistum sem er að finna á Íslandi.

Þetta frumvarp og löggjöf um útlendinga á Íslandi eru til skammar og alltof ströng og byggja ekki á neinum rökum. Hérna er eingöngu um hræðslu að ræða, hræðslu sem er fundinn upp í ímyndunarveiki öfgafólks sem er gjörsamlega úr sambandi við allan raunveruleika. Þessu frumvarpi Jóns Gunnarssonar á hafna án tafar og það á að leysa Jón Gunnarsson af hans embætti sem dómsmálaráðherra.

Miðflokkurinn er stjórnmálaflokkur fábjána

Það er alveg ljóst að fasista flokkurinn miðflokkurinn er ekkert annað en hópur fábjána þar sem þeirra helsta áhugamál er að koma í veg fyrir framfarir á Íslandi. Slík hegðun er í samræmi við hegðun annara fasista og fólks sem er fast í fortíðinni eða á móti lýðræðinu (eins veikt það er á Íslandi) á Íslandi.

Málþjóf miðflokksins er gegn almenningssagögnum og fyrir það er eitthvað sem þessir menn ættu að skammast sín fyrir. Hinsvegar miðað við klausturmálið þá er ljóst að þessir menn kunna ekki skammast sín og þessi tilraun þeirra til þess að skaða hagsmuni almennings á Íslandi er til skammar.

Fréttir af heimskugangi þingmanna miðflokksins

Umræður um samgönguáætlun og Borgarlínu – Þriðja málþóf Miðflokksins á kjörtímabilinu (dv.is)
Þingmenn Miðflokksins andmæla borgarlínu (ruv.is)

Þar sem Miðflokkurinn rekur

Eftir frekar ósögulegt ósætti í framsóknarflokknum eitt árið, þar sem Sigmundur Davíð tapaði formannssætinu í kosningu. Sigmundur Davíð fór í fússi, tók með sér nokkra stuðningsmenn af lægra greindarstiginu úr framsóknarflokknum og stofnaði stjórnmálaflokk um sjálfan sig og kallaði hann miðflokkinn. Þar sem Sigmundur Davíð er í miðjunni og allir aðrir eru á sporbraut um hann.

Þessum stjórnmálaflokki hefur ekki gengið vel. Tókst að vísu að ljúga sig inná Alþingi íslendinga með því að beita gömlum brögðum, tala illa um útlenskan mat, Evrópusambandið. Auk þess að tala ekki um skattaskjól Sigmundar Davíðs eða Wintris spillinguna sem hann er ennþá flæktur í, þrátt fyrir að Sigmundur Davíð segi annað í fjölmiðlum. Auk annara spillingarmála sem voru framkvæmdar þegar Sigmundur Davíð náði að verða forsætisráðherra Íslands í nokkra mánuði (eins og að senda SMS um styrki, frétt Rúv). Það sem vandamálið hérna er hugarfarið og þessu hugarfari verður ekki breytt, vegna þess að hugarfarið er hluti af persónunni.

Sagt er að áfengi lýsi innri manni. Það á svo sannarlega við um Sigmund Davíð, Gunnar Braga og alla hina lúserana sem voru á Klausturbar fyrir áramót að úthúða samstarfsfólki, fátækum, fötluðum og öðrum sem voru þessu fólki ekki að skapi. Í þessum samræðum þeirra á milli var allt látið flakka, skipti þar engu að þetta fór fram á bar sem telst vera opinbert rými og allir sem þar voru heyrðu þessar samræður þeirra á milli. Enda eftir að áfengi var haft um hönd var hávaðinn víst mikill samkvæmt vitnum og hátt var talað, svo hátt að hægt var að taka upp allt sem fór þeirra á milli með síma af ódýrari gerðinni (þeir eru ekki eins góðir í upptöku dýrari símar með betri hljóðnema). Eins og reika mátti fór þetta í fjölmiðla og síðan fyrir dómstóla vegna þess að Sigmundur Davíð er heigull sem þorir ekki að standa fyrir sínum eigin gjörðum og svo eru samverkamenn hans. Fyrir dómstólum töpuðu þeir allir málinu svo harkalega að þeir þurftu að borga málskostnað (300.000 kr) vegna málsins. Hinsvegar neita þessir einstaklingar að gefast upp, sérstaklega Sigmundur Davíð, Gunnar Bragi fjölga stöðugt lygunum og afsökunum til þess að reyna komast hjá því að bera ábyrgð á orðum sínum og gjörðum.

Allir þeir sem eru í þessu klaustursmáli eiga að segja af sér þingmennsku án tafar. Enda eru þetta ofbeldismenn og það er staðfest af þeirra eigin orðum. Enda er andlegt ofbeldi bara önnur tegund af ofbeldi og ofbeldi á ekki að umbera. Sigmundur Davíð, Gunnar Bragi og allir hinir voru að beita andlegu ofbeldi með þessum orðum sínum. Það eru engar afsakanir fyrir slíkri hegðun. Ef þetta fólk neitar af segja af sér þingmennsku. Þá eiga aðrir alþingismenn á Alþingi einfaldlega að neita af starfa með þessu fólki restina af kjörtímabilinu eða þangað til að mótmæli reka þá til að segja af sér þingmennsku.

Þingmenn Vinstri Grænna bætast við hálfvitahópinn á Alþingi

Það er alveg ljóst að hvorki Vinstri Grænir, Sjálfstæðisflokkurinn eða Framsóknarflokkurinn (ég er viljandi að hunsa rugludallana í Flokki fólksins og Miðflokknum) skilja ekki hvað orkumálastefna Evrópusambandsins gengur útá. Meðal annars er það stefna orkumálastefnu Evrópusambandsins að gera orkuframleiðslu eins umhverfisvæna og hægt er. Það sem um er að ræða í fréttinni er eftirlitstofnun með orkumarkaðinu, ekki hvernig orkan er framleidd. Heldur hvernig orkan er seld og að þau fyrirtæki sem starfa á þessum markaði séu að fara eftir reglum um sölu á orku til almennings og fyrirtækja. Eins og ég hef nefnt í fyrri greinum um þetta mál.

Það er hinsvegar skömm íslenskra fjölmiðla að taka ekki á þeim fullyrðingum sem Vinstri Grænir setja hérna fram. Enda eru þessar fullyrðingar um Evrópusambandið og orkumálastefnu þess að lágmarki þekkingarleysi og í versta tilfelli lygar viðkomandi þingmanns. Þingmaður Vinstri Grænna er ekki nefndur í frétt Rúv en hætti að segja af sér þingmennsku án tafar, það er alveg ljóst að hann er ekki hæfur til þess að sitja á Alþingi vegna heimsku og skorts á færni til þess að afla sér upplýsinga.

Frétt Rúv

Efast um þátttöku í samevrópska orkukerfinu

Græn Orkustefna Evrópusambandsins

Renewable energy (Vefsíða Evrópusambandsins)

Efnahagur Íslands á leið til helvítis á ný

Efnahagur Íslands er á leið til helvíti á ný. Misræmið í ákveðnum þáttum efnahagsins á Íslandi er orðið of mikið og pressan er orðin of mikil á ákveðna hluta efnahagsins á Íslandi. Verðbólgan mun á ný verða stjórnlaus á Íslandi þegar húsnæðisbólan springur með látum á Íslandi. Ég reikna með að á svipuðum tíma þá hverfi ferðmannabólan á Íslandi. Það er nú þegar byrjað að fjara undan ferðamannabólunni á Íslandi þó þessi atburðarrás sé mjög hægfara eins og stendur. Það sem efnahagshrunið á Íslandi verður ekki er svipað hrun og varð árið 2008. Seðlabanki Íslands mun bregðast við á mjög augljósan hátt og hætta vexti sem mun eingöngu gera stöðuna verri þar sem það mun auka vaxtamun milli Íslands og Evrópu. Staðan í Bandaríkjunum skiptir íslendinga engu máli í stóra samhengingu, staðan í Evrópu gerir það hinsvegar vegna efnahagstengsla.

Það er enga hjálp að fá frá núverandi ríkisstjórn sem er of upptekin við að klappa sjálfri sér á bakið fyrir ekki neitt. Núverandi ríkisstjórn Íslands (Mars 2018) er einnig eins og þær ríkisstjórnir sem hafa setið undanfarið einstaklega löt ríkisstjórn af afkastar ekki neinu og lætur allt vera í handraðanum og býst augljóslega við því að efnahagsmálin á Íslandi gangi bara upp eins og þau hafa verið að gera undanfarin ár. Það er ekki raunveruleikinn og staðreyndin er sú að ef efnahag Íslands er ekki stjórnað í gegnum fjárlög ríkisstjórnar Íslands þá getur þetta bara endað illa og það er nákvæmlega það sem mun gerast. Fjármálaráðherra Íslands (Bjarni Benediktsson) er of upptekin við að sinna persónulegri spillingu til þess að skipta sér af því sem þarf að skipta sér af á Íslandi. Grotnandi innviðir Íslands eru gott merki um þetta áhugaleysi. Einhver ætti að skutla 10 tonnum af drullu upp í fjármálaráðuneytið við tækifæri til þess að minna Bjarna á ástand vega á Íslandi.

Katrín Jakobsdóttir er of upptekin við að vera forsætisráðherra Íslands til þess að taka eftir því hvað er að gerast í hennar ríkisstjórn. Eins og dæmin sanna nú þegar. Verkleysið er einnig algert hjá henni og hennar undirmönnum. Summa lítilla hluta getur endað í stóru efnahagshruni og það mun gerast á Íslandi á endanum. Það er með efnahagsmál byggð á svindli eins og með svo margt annað. Það er engin leið til þess að vita hvenær svindlið hættir að ganga upp. Ég veit ekki hvenær svindlið á Íslandi hættir að ganga upp en einn daginn þá mun allt fara til helvítis innan íslensk efnahags og þetta getur eingöngu endað illa.

Á Íslandi ráða Bændastök Íslands miklu um stöðu mála. Staðreyndin er hinsvegar sú að Bændasamtök Íslands eru gjörspillt og uppfull af vanhæfum einstaklingum sem ættu ekki að koma nálægt búskap eða stjórnunarstöðum nokkurntímann á sinni lífsleið. Ákvarðanir og áherslur Bændasamtaka Íslands hafa valdið því núna að sauðfjárbændur eru núna að síðasta strengnum með því að halda sér á floti fjárhagslega. Mörg þúsund tonn af sauðfjárkjöti sitja núna inná frysti hjá Sláturhúsum Íslendinga og eru þar óseld og það eru engar líkur á því að þetta kjöt seljist á næstunni. Þetta er vegna þröngsýni og skammsýni í Bændasamtökum Íslands sem hafa ímyndað sér óvin í Evrópusambandinu sem er þó það eina sem gæti bjargað fjárhag íslenskra sauðfjárbænda og tæmt fyrsta íslenskra sláturhúsa. Hinsvegar er það ákvörðun innan Bændasamtaka Íslands að það skuli vera setið við sinn keip og íslenskir bændur skuli vera fyrir utan Evrópusambandið, jafnvel þó svo að slíkt muni gera þá gjaldþrota einn daginn. Kannski ekki alla íslenska bændur á sama tíma en marga íslenska bændur. Þessi ákvörðun kemur einnig kerfisbundið í veg fyrir endurnýjun íslenskra bænda. Margir íslenskir bændur eru orðnir svo gamlir að þeir ættu frekar að fara á elliheimili og hætta að vinna heldur en að sinna búskap. Enda er það stórt erfiði að sinna búskap í dag eins og áður fyrr.

Það er einnig skaðlegt íslenskum efnahag að ríkisvarin einokun skuli vera til staðar í formi MS (Mjólkursamsölunnar). Þetta er skaðlegt þar sem það skilar verra verði til mjólkurbænda og verri vöru til neytenda. MS þarf ekki að vanda sig þegar engin er samkeppnin á Íslenskum markaði og hægt er að hafa vöruþróun í skötulíki á sama tíma. Það er enginn hvati fyrir MS að þróa nýjar vörur þegar allar vörur á markaðinum eru frá MS.

Íslendingar endurtaka efnahagskreppur á rúmlega 10 ára fresti (það er rúmlega þessi árafjöldi) og núna er komið að nýrri efnahagskreppu með öllu tilheyrandi á Íslandi. Þetta er allt saman í boði vanhæfra stjórnmálamanna á Íslandi sem eru á móti aðild Íslands að Evrópusambandinu.

Gjörspillt ríkisstjórn tekur við völdum á Íslandi

Það verður ekki annað sagt en að Vinstri Grænir sjá ekki stíga þá sem aðrir hafa gengið. Það er alveg ljóst á útreið Bjarti Framtíð í síðustu alþingiskosningum að Vinstri Grænir munu ekki lifa af næstu kosningar. Vinstri Grænir geta þakkað fyrir að fá 2 prósenta fylgi í næstu alþingiskosningum.

Það er síðan efnisleg staðreynd að allar ríkisstjórnir með sjálfstæðisflokknum og framsóknarflokknum eru gjörspilltar og sú staða er sjálfgefin. Innan þessara flokka hefur ekki farið neitt uppgjör fram sem neinu nemur. Spillingin er svo mikil í sjálfstæðisflokknum að flokkurinn er í raun ekki stjórntækur og ætti ekki að koma nálægt ríkisstjórn og alþingi næstu 200 árin. Framsóknarflokkurinn er einnig gjörspilltur og svo íhaldssamur að klukkan gengur afturábak hjá þeim. Vinstri Grænir eru samsekur stjórnmálaflokkur með því að hleypa spillingunni að völdum á Íslandi.

Síðan er það annað að Dómsmálaráðherra Íslands er útlendingahatari og hefur einnig brotið heilögustu reglu stjórnsýslunar og hefur haft afskipti af dómsvaldinu beint og kvatt til þess að dómarar stundu ólöglega ritskoðun með því að dæma blaðamenn til refsingar og koma þannig í veg fyrir óþægilega umfjöllun um spillingarmál og vanhæfni. Þetta er nefnt hérna á fjölmiðlinum Stundinni. Það er nóg af taka af vanhæfni og gjörspillingu dómsmálaráðherra (hérna, hérna, hérna og hérna). Stórfelld lögbrot (bæði gagnvart Dyflinnarsamstarfið og íslenskum lögum) dómsmálaráðherra í garð flóttamann er efni í margar greinar hjá mér en staðan er slíkt að öll lögbrotin ættu að enda í fangelsisvist fyrir dómsmálaráðherra og alla yfirstjórn Útlendingastofnunar og jafnvel einstaka embættismenn að auki.

Þessi ofur-íhaldsstjórn sem er núna tekin við völdum ætlar að halda íslendingum fyrir utan Evrópusambandið og það er ljóst að sú afstaða mun kosta almenning og fyrirtæki á Íslandi milljarða. Ofan á þetta mun kostnaður vegna Brexit verða í milljörðum íslenskra króna og gæti komið af stað alvarlegri efnahagskreppu á Íslandi vegna þess að utanríkisráðherra Íslands er fáviti.

Sjálfstæðisflokknum verði vísað af Alþingi og Bjarni Benediktsson verði rannsakaður af lögreglu

Það er nauðsynlegt fyrir lýðræðið á Íslandi að sjálfstæðisflokknum verði vísað af Alþingi. Það er einnig nauðsynlegt að lögreglan fari í það að rannsaka viðskipti Bjarna Benediktsson og allra sem tengjast honum. Það er einnig nauðsynlegt að benda á það að kjósa miðflokkinn og framsóknarflokkinn er einnig að kjósa spillingu og leynd.

Það er ekki í lagi forsætisráðherra Íslands sé svo spilltur og siðlaus að honum finnst allt í lagi að ganga gegn frelsi fjölmiðla á Íslandi til þess að þagga niður í fjölmiðla umfjöllun um sig. Þessu ber að berjast gegn af fullum krafti.