Endalok lýðveldisins Íslands þann 1. Ágúst 2012

Í dag (1. Ágúst 2012) endar lýðveldið Ísland. Ólafur Ragnar er orðin einvaldur yfir Íslandi með stuðningi óheiðarlegra stjórnmálaflokka. Sem meðal annars gerðu Ísland gjaldþrota með starfsemi sinni árið 2008. Þar á ég við stjórnmálaflokkana sjálfstæðisflokkin og framsóknarflokkin, sem tryggðu Ólafi Ragnari það fylgi sem hann fékk í forsetakosningum þann 30. Júní 2012.

Valdarán eru ekki öll framin með blóðugri byltingu, sum valdarán eru framin hægt og rólega. Án láta, og án þess að nokkur taki eftir þeim ef allt gengur upp. Þökk sé örfáum klúðrum af hálfu sjálfstæðisflokksmanna og framsóknarflokksmanna. Þá tók ég eftir þeirri sérhönnuðu atburðarrás sem var sett rétt áður en forsetakosningar áttu sér stað.

Hvað gerist núna er góð ágiskun. Ég hef ekkert svar við því. Það verður bara að koma í ljós. Mig grunar þó að ekkert gott muni koma útúr þessu til lengri tíma fyrir íslendinga.

Komandi svik sjálfstæðismanna við Ólaf Ragnar Grímsson, forseta Íslands

Það er hætt við að forseti Íslands, Ólafur Ragnar Grímsson muni vakna upp við slæman draum á næsta ári. Þegar sjálfstæðisflokkurinn og framsóknarflokkurinn hafa náð aftur völdum á Alþingi íslendinga. Staðreyndin er nefnilega sú að sjálfstæðisflokkurinn er að nota Ólaf Ragnar til þess að ná fram sínum pólitísku markmiðum. Þetta sást mjög vel þegar stuttbuxnadeildin SUS fagnaði endurkjöri Ólafs Ragnars í gær, og var sýnt beint frá á Rúv.

Svona atburðarrás er þekkt í sögunni. Það sem er að gerast á Íslandi er í raun afbrigði af leppríki. Þó eingöngu upp að því marki að Ólafur Ragnar gerir það sem hentar sjálfstæðisflokknum, í staðinn fær hann stuðning þeirra á næstu mánuðum á meðan þeir eru í stjórnarandstöðu á Alþingi. Þetta hefur meðal annars tryggt endurkjör Ólaf Ragnars sem forseta Íslands næstu 4 árin. Þá verður Ólafur Ragnar búinn að sitja óeðlilega lengi, eða í 20 ár sem forseti Íslands. Það er ennfremur ekki víst að Ólafur Ragnar fái mótframboð eftir 4 ár, því gæti seta Ólaf Ragnars sem forseti Íslands orðið ennþá lengri en 4 ár. Það er í raun hætta á því að Ólafur Ragnar verði forseti Íslands til dauðadags.

Breytingar verða aldrei án einhverra átaka. Það er þó hætta á því að á Íslandi muni hreinlega brjótast út borgarastyrjöld ef mál þróast eins og þau hafa verið að gera síðan eftir efnahagshrun. Sérstaklega ef að sjálfstæðisflokkurinn heldur áfram á þeirri braut sem hann hefur verið undanfarin ár. Það er að vernda hagsmuni auðmanna, LÍÚ, Bændasamtaka Íslands og annara aðila sem eru nátengdir honum peningalega (þ.e spilling). Sturlungaöldin á Íslandi á 13 öld hófst í svipuðum skilyrðum og þeim sem núna eru að koma upp á Íslandi. Þá á ég við mikla eigna og auðsöfnun fárra aðila á Íslandi sem síðan veldur því að almenningur þjáist fyrir það með fátækt og verri lífsgæðum. Þetta á alveg jafnvel við í dag og á 13 öldinni. Borgarastríð hafa alltaf einhvern aðdragana. Í mínum huga þá hófst aðdragandinn að borgarastríði á Íslandi fyrir meira en áratug. Það er því hætt við að púðurtunnan springi í loft upp þegar þolmörk almennings bresta á næsta kjörtímabili. Þegar sjálfstæðisflokkurinng og framsóknarflokkurinn verða komnir aftur til valda á Íslandi (í krafti sinna flokksmanna, en ekki almennings á Íslandi). Hvernig svo sem þetta mun fara á Íslandi. Þá er ljóst að það verður almenningur sem mun á endanum borga fyrir græðgi fárra með einum eða öðrum hætti.

Lesefni um sturlungaöldina:

Hvað var Sturlungaöld? – Vísindavefur HÍ
Sturlungaöld – Wikipedia

Verður mikil eftirsjá hjá íslendingum á morgun

Það má búast við því að þeir sem kusu Ólaf Ragnar Grímsson sem Forseta Íslands í dag muni sjá eftir því á morgun. Þegar farið er að þynnast í múgæsingunni á Íslandi, og áróðurinn farinn að dofna. Almenn skynsemi segir nefnilega að það er ekki hollt fyrir fólk að vera lengi við völd. Ólafur Ragnar Grímsson er ekkert undanþeginn þeirri reglu frekar en annað fólk.

Þau hafa öll rangt fyrir sér um Evrópusambandið

Það er alveg ljóst að Forseti Íslands hefur ekkert með hugsanlega Evrópusambands aðild Íslands að gera. Ef hann færi að þvælast fyrir í því máli. Þá væri Forseti Íslands jafnframt að brjóta á stjórnskipun Íslenska ríkisins, eitthvað sem varðar embættismissi samkvæmt núverandi stjórnarskrá. Það er þó ljóst að frambjóðendur til Forseta Íslands hafa fullan rétt á því að hafa sína skoðun varðandi hugsanlega Evrópusambands aðildar Íslands. Jafnvel þó svo að hún sé kolröng og byggir ekki á neinum staðreyndum.

Ég tek eftir því að Þóra Arnósdóttir (sem ég ætla að kjósa) hélt þessu fram um hugsanlega aðild að Evrópusambandinu.

[…]

Þóra Arnórsdóttir sagði að það væri ljóst að það að ganga inn í ESB á þessum tímapunkti væri eins og að leigja herbergi í brennandi húsi. „Ég held að það sé ekki nokkur maður að fara ganga inn í sambandið eins og staðan er núna,“ bætti hún við.

[…]

Öll andvíg eða full efasemda gagnvart ESB, Vísir.is, 3. Júní 2012.

Þetta er kolrangt. Enda er það svo að Króatía mun ganga í Evrópusambandið þann 1. Júlí 2013 og verður þar með 28 aðildarríki Evrópusambandsins. Þannig að halda því fram að ganga í Evrópusambandið sé eins og að leigja sér herbergi í brennandi húsi er ekki eingöngu tóm vitleysa. Heldur stenst þessi skoðun einfaldlega ekki nánari skoðun. Þó svo að sé bæði efnahagskreppa í Evrópusambandinu og á Íslandi. Þá er það nákvæmlega engin afsökun fyrir því að ganga ekki í Evrópusambandið. Það að halda slíku fram er og mun alltaf verða innihaldslaus þvæla.

Ég er einnig mjög vonsvikin að Þóra, eins og aðrir frambjóðendunir (nema Ólafur Ragnar sem hefur verið á móti alþjóðlegum samskiptum Íslands frá því fyrir 1969 þegar Ísland gekk í EFTA) skuli eltast við þann populisma sem núna er stundaður á Íslandi. Það er að vera á móti Evrópusambandinu í skammsýni og fáránlegri þröng og sérhagsmunasemi eins og hún kemur fram á Íslandi þessa daga. Það má í raun segja að efnahagskreppan á Íslandi fór eins og illa og hægt var þjóðfélagslega séð, og er ekki endanlega séð úti um það ennþá þessar vikunar.

Það er mín skoðun að öll andstaða við Evrópusambands aðild Íslands er ekkert nema skammsýni sem mun skaða íslenskt þjóðfélag efnahagslega til lengri tíma. Þetta verður einstaklega augljóst, sé tekið mið af sögunni undanfarna áratugi. Það er þó ljóst að íslendingar munu ganga í Evrópusambandið eftir næsta kjörtímabil (þegar sjálfstæðisflokkurinn og framsóknarflokkurinn verða búnir að leggja restina af efnahag Íslands í rúst með heimskulegum ákvörðunum).

Ég mun, eftir því sem tíminn leyfir mér. Afhjúpa þvælu og vitleysu forsetaframbjóðendanna á Íslandi. Enda má ljóst vera að íslenskir fjölmiðlar standa ekki slíkri vinnu. Þó mikil þörf væri á að gera slíkt.

Aðild Króatíu að Evrópusambandinu, upplýsingar.

Accession of Croatia to the European Union (Wiki)
Croatia – Country profile (EU)