Leggjum niður byggð í Vestmanneyjum

Ég legg til að byggð í Vestmannaeyjum verði lögð niður og eyjan gerð að friðlýstum þjóðgarði. Enda eru Vestmannaeyjar ekkert annað en topp bjarg á virku eldfjalli og sem gæti hvenær sem er farið að gjósa með gríðarlegu mannfalli og öðru tjóni. Enda er ekki víst að í næsta eldgosi sem mun eiga sér stað í Vestmannaeyjum takist að bjarga fólkinu sem þar býr. Byggð er einnig gífurlega óhagkvæm í Vestmannaeyjum vegna erfiðara samgangna, slæms veðurfars, öldugangs og hafnaraðstöðu. Það er því hagkvæmt þjóðhagslega að leggja niður byggð í Vestmannaeyjum nú þegar. Þannig er hægt að spara ríkinu milljarða króna á ári. Þjóðhátíðina er hægt að flytja á Hellu eða annan hentugan bæ á Suðurlandinu, einnig sem nóg pláss er að finna fyrir norðan fyrir svona drykkju-hátíð eins og Þjóðhátíð í eyjum raunverulega er. Leggjum niður byggð í Vestmannaeyjum og breytum eyjunni í þjóðgarð. Það mun spara íslendingum milljarða króna í framtíðinni.

Heimssýn pantar óðaverðbólgu og kjaraskerðingu á Íslandi

Það er ekkert hærra á óskalista Heimssýnar en góð óðaverðbólga og kjaraskerðing almennings á Íslandi. Sérstaklega þar sem Heimssýn er í þjónustu sérhagsmunaklíkna Íslands. Sérstaklega LÍÚ og síðan Bændasamtaka Íslands, sem rétta þeim þó ekki nema nokkra smáaura í hverjum mánuði fyrir nokkur orð gegn Evrópusambandinu, sem LÍÚ sjálft stórgræðir á í hverjum mánuði. Enda jafnast ekkert á við að hafa tekjur í Evrum eins og LÍÚ gerir og borga síðan fátækum verkamönnum á Íslandi í ónýtum íslenskum krónum sem er hægt að gjaldfella eftir vild og hentugleika.

Evrópusambandið og evran stendur sterk í Evrópu. Heimssýn hinsvegar er hvorugt enda samtökin uppfull af bjánum og vitleysingum. Hérna er stjórn Heimssýnar og er leidd áfram af Vigdísi Hauksdóttir og Jóni Bjarnason.

Efnahagslegur sannleikur um íslensku krónuna

Hérna er smá efnahagslegur sannleikur um íslensku krónuna.

Þann 1-Október-1981 var gengi íslensku krónurnar þetta hérna á miðgengi. Hérna nota ég USD, DKK og GBP þar sem þeir eru til allt þetta tímabil sem ég skoða. Aðrir gjaldmiðlar í Evrópu hafa hætt og evran hefur verið tekin upp í staðin í flestum tilfellum.

1 USD = 7,775 ISK.
1 GBP = 14,139 ISK.
1 DKK = 1,0658 ISK.

Þann 1-Október-1986 var þetta gengi íslensku krónunnar.

1 USD = 40,43 ISK.
1 GBP = 58,4535 ISK.
1 DKK = 5,2798 ISK.

Þann 1-Október-1991 var þetta gengi íslensku krónunnar.

1 USD = 59,4 ISK.
1 GBP = 103,7985 ISK.
1 DKK = 9,2286 ISK.

Þann 1-Október-1996 var þetta gengi íslensku krónunnar.

1 USD = 67,12 ISK.
1 GBP = 105,07 ISK.
1 DKK = 11,475 ISK.

Þann 1-Október-2001 var þetta gengi íslensku krónunnar.

1 USD = 100,56 ISK.
1 GBP = 148,4 ISK.
1 DKK = 12,325 ISK.

Þann 2-Október-2006 var þetta gengi íslensku krónunnar (gengi var ekki skráð þann 1-Október-2006 vegna þess að það var sunnudagur svo að ég tek næsta virka dag á eftir hérna).

1 USD = 70,12 ISK.
1 GBP = 131,39 ISK.
1 DKK = 11,945 ISK.

Þann 3-Október-2011 var þetta gengi íslenskur krónunnar (1 og 2-Október-2011 voru laugardagur og sunnudagur þannig að ég notaði næsta virka dag á eftir hérna).

1 USD = 118,48 ISK.
1 GBP = 184,15 ISK.
1 DKK = 21,286 ISK.

Þann 1-Október-2013 var þetta gengi íslensku krónunnar.

1 USD = 120,39 ISK.
1 GBP = 195,48 ISK.
1 DKK = 21,867 ISK.

Eins og hérna má sjá þá hefur gengi íslensku krónunnar farið stöðugt versnandi með tímanum og verðgildi íslensku krónunnar minnkað á móti. Slæmt gengi íslensku krónunnar er ekki bara hluti af efnahagshruninu sem varð á Íslandi árið 2008. Þetta er hluti af miklu stærra vandamáli sem hefur verið til staðar á Íslandi mjög lengi og er ennþá í gangi. Þetta vandamál mun ennfremur aldrei hverfa á meðan íslendingar nota íslensku krónuna sem gjaldmiðil.

Þegar ég heyri íslenska stjórnmálamenn tala um að þeir vilji halda í íslensku krónuna sem framtíðargjaldmiðil íslensku þjóðarinnar. Þá ofbýður mér vitleysan og ruglið, enda veit ég að fullyrðingar þessara manna eru ekkert nema kjaftæði og hafa alltaf verið það.

Tölurnar eru fegnar af vefsíðu Seðlabanka Íslands.

Kjallari Sigmundar Davíðs forsætisráðherra

Sigmundur Davíð vill ekki eiga sæti við borðið. Hann sættir sig frekar að búa í kjallaranum þar sem ljósaperurnar virka ekki og siðleysinganir vinir hans eiga einfalt með að koma inn til þess að fremja myrkvaverk sín og semja um hina ýmsu ógæfu við Sigmund Davíð. Glæpir þola nefnilega illa dagsins ljós og það veit Sigmundar Davíð fullvel og hans samstarfsmenn og kunna því vel við sig í rökum og dimmum kjallaranum.

Á meðan Sigmundur Davíð vinnur sín myrkvaverk í kjallaranum þá er reikningurinn sendur til almennings á Íslandi í formi niðurskurðar og aukinnar fátækar. Enda er Sigmundur Davíð moldríkur vegna óheiðarlegra viðskipta föður hans við ótínda glæpamenn úr fortíðinni, menn sem jafnvel í dag geta fengið sínu framgengt vegna þeirrar þekkingar sem þeir hafa á viðskiptum föðurs Sigmundar Davíðs og þeirri óværu sem þar var stunduð.

Það kemur því lítið á óvart að Sigmundur Davíð vilji ekki vera í Evrópusambandinu, þar sem sú tegund glæpastarfsemi sem hann stundar er ekki liðin og er brot á sáttmálum og lögum Evrópusambandsins. Sigmundur Davíð og félagar vilja því sitja þar fyrir utan og fremja sín glæpaverk í friði og ró.

Frétt LÍÚ-Morgunblaðsins

Ekki nóg að eiga sæti við borðið (mbl.is)

Loftkastalar evrópuandstæðinga

Á Íslandi er stór hópur sem berst gegn Evrópusambands aðild Íslands, þessir hópar hafa það sameiginlegt að vera sérhagsmunahópar, vera í einokunarstöðu og stýðir af fólki sem er mjög þröngsýnt og með alvarlegan skort á framtíðarsýn. Eina framtíðarsýnin sem evrópuandstæðingar á Íslandi hafa er fátækt, verðbólga og lægri kaupmáttur íslendinga. Ásamt óstöðugleika í hagkerfi Íslands með tilheyrandi vandamálum, samdrætti og krepputímabilum. Þetta er stórt atriði sem evrópuandstæðingar einfaldlega horfa fram hjá í umræðunni, láta sem það skipti ekki máli og halda síðan áfram að tala illa um evruna og Evrópusambandið. Á meðan hæla þeir íslensku krónunni fyrir að hafa „bjargað“ íslenskum efnahag á krepputímum og hag íslensku þjóðarinnar, á meðan staðreyndin er sú að íslenska krónan hefur aldrei þjónað íslendingum jafn illa og núna í dag.

Loftkastalar um að íslenska krónan hafi bjargað íslendingum eru nákvæmlega það og ekkert annað. Staðreyndin er sú að íslenska krónan bjargði ekki íslendingum og hefur aldrei gert það, þessi örgjaldmiðill íslendinga ber ábyrgð á lágum launum, skertum kaupmætti íslendinga. Árið 2008 voru laun íslendinga lækkuð um meira en 50% í upphafi kreppunar, reyndar var á tímabilið ástandið þannig að íslendingar voru fátækasta þjóð í allri Evrópu þó víðar væri leitað vegna íslensku krónunnar. Það hefur með gjaldeyrishöftum og öðrum aðgerðum tekst að draga úr þessum mun og er íslenska krónan þessa dagana á genginu 20 til 23 kr gagnvart dönsku krónunni (sem ég miða alltaf við þar sem ég er búsettur í Danmörku).

Daumsýn evrópuandstæðinga er nákvæmlega það sem hún er, draumsýn sem byggir ekki á neinu nema hugmyndafræði einangrunar og draumsýn um að Ísland geti staðið eitt fyrir utan hnattræn viðskipti og stefnur. Staðreyndin er sú að engar þjóðir geta leyft sér að standa fyrir utan viðskiptabandalög, enda hentar slíkt ekki neinum þjóðum og er gegn hagsmunum þeirra. Enda er það staðreynd að heimurinn hefur verið að skipta sér upp í svæðisbundin viðskiptabandalög sem stunda viðskipti sín á milli. Hérna er ágætt yfirlit yfir þau viðskiptabandalög sem eru nú þegar til staðar í heiminum.

Það er því til marks um ótrúlega skammsýni og þröngsýni að fara fram á viðræðuslit eins og Heimssýn vill núna að stjórnvöld geri. Það er einnig til marks um þröngsýni og skammsýni að báðir stjórnarflokkanir skuli vera á móti Evrópusambands aðild Íslands. Þetta ætti reyndar ekki að koma á óvart, yfirstéttin á Íslandi hefur alltaf verið bæði hrokafull, þröngsýn og heimsk svo öldum skiptir og það er ekkert að fara breytast á næstunni. Frekar láta þeir alla íslendinga lepja dauðan úr skel frekar en að skipta um skoðun. Síðan koma hinir íslensku sérhagmunir inn í Evrópusambands málið, á meðan LÍÚ gerir upp í evrum að mestum hluta (einhverjir gera upp í bandarískum dollurum), þá borga þeir starfsmönnum sínum í íslenskum krónum fyrir aðeins brot af þeim hagnaði sem uppgjör þeirra í evrum skilar sér. Enda sleppa fyrirtækin innan LÍÚ við kerfisbundin óstöðugleika íslensku krónunar með því að gera upp í evrum eins og núna er gert. Fyrirtækin græða en almenningur situr uppi með reikninginn endalausa á Íslandi.

Bændasamtök Íslands eru einnig á móti aðild Íslands að Evrópusambandinu, enda geta þau ekki hugsað sér samkeppni á Íslandi eða leyft íslenskum bændum að komast upp úr þeirri fátækt sem þeir lifa við. Bændasamtök Íslands geta ekki hugsað sér samkeppni og það geta verslanir á Íslandi ekki heldur, þar sem þá er ekki hægt að hækka verðlag upp úr öllu valdi reglulega og mokgræða á því í leiðinni. Samkeppni eykur einnig þjónustu og gæði verslunar, slíkt má ekki sjást í dag á Íslandi. Þjónustan er öll eins lítil og hægt er að komast upp með og eins ódýr og hægt er að komast upp með það. Þetta er eitthvað sem Bændasamtök Íslands geta ekki hugsað sér að gerist, og verslun á Íslandi ekki heldur þegar á reynir. Til hvers að selja fólki góða vöru þegar hægt er að selja almenningi á Íslandi vonda vöru á dýru verði.

Á meðan evrópuandstæðingar stjórna umræðunni þá mun umræðan alltaf verða byggð á loftköstulum og draumsýn íslendinga um eigið ágæti og hæfileika. Það er hinsvegar lítið hægt að treysta á þessa draumsýn og loftkastala, enda er næsta víst að þeir muni hvorki koma með peninga í kassan eða bæta lífsgæði íslendinga á næstu árum og áratugum.

Vanþekking Jón Gerald Sullenberger á íslenskum lögum og reglugerðum

Jón Gerald Sullenberger er maður sem er gjarn á að halda fram hlutum sem hann hefur engan skilning á. Þessar hérna fullyrðingar eru gott dæmi um slíkt hjá honum.

jon.gerald.sullenberger.29-July-2013
Jón Gerald Sullenberger að bulla á Facebook þann 29-Júlí-2013. Skjáskot af Facebook.

Það eru nokkrir hlutir í þessu sem vert er að athuga, sem Jón Gerald hefur augljóslega ekki athugað annars kæmi ekki svona þvæla frá honum opinberlega. Það eina sem Evrópusambandið gerir kröfu um varðandi Ísland eru heilsufarsreglur matvæla (auk þeirra laga og reglna sem íslendingar sjálfir setja), og hefur Evrópusambandið víðtækar lög og reglur þar að lútandi (sjá nánar Matvælaöryggisstofnun Evrópusambandsins). Þessar reglur eru hluti af EES samningum. Aðildarríkin sjá síðan um að framfylgja þessum reglum með staðbundnum eftirlitsstofnunum eins og MAST á Íslandi. Ég nefni þetta sérstaklega, þar sem Jón Gerald hefur oft talað á móti Evrópusambandinu (sjá hérna), þó svo að ljóst sé að án Evrópusambandsins og EES samningins þá væri Jón Gerald ekkert að reka neina matvælabúð á Íslandi núna í dag. Vegna EES Samningins og Evrópusambandsins er íslenskur markaður mun frjálsari í dag en hann var fyrir nokkrum áratugum síðan, þegar EES samningurinn var ekki til.

Íslendingar hafa sín eigin tollalög. Þessi tollalög eru ekki hluti af EES Samningum, og eru því ekki nærri því lík þeim tollalögum sem Evrópusambandið hefur. Þessi tollalög ákvarða hvað er leyfilegt að flytja inn, og hvað er bannað að flytja inn. Íslensk tollalög hafa verið sett með hagsmuni Bændasamtaka Íslands að leiðarljósi, og banna nærri því allan innflutning á dýravörum. Hvort sem þær eru frá Bandaríkjunum eða Evrópu, og þannig er tryggt í lögum einokun íslenskra bænda yfir markaðinum á Íslandi. Íslensk tollalög ákvarða einnig hvort að „Quinoa“ er skilgreint sem fræ eða korn, og íslenskir stjórnmálamenn eru alltaf að breyta þessum skilgreingum milli þinga, og jafnvel oft á tíðum meðan þing situr. Síðan koma reglugerðir ráðherra og fleira til þess að flækja hlutina á Íslandi. Þannig að þó svo að „Quinoa“ hafi einu sinni verið skilgreint sem korn, þá segja lögin líklega í dag að þetta eigi að skilgreina sem fræ.

Hvað karmellusóuna varðar, þá getur Jón Gerald sent þakkarbréf á þessum vandamálum sínum til Bændasamtaka Íslands, enda hafa Bændasamtök Íslands fengið það í gegn að á Íslandi er algert bann á innflutningi mjólkur og mjólkurvara. Þetta er allt saman vandlega búið að skilgreina í reglugerð sem Steingrímur J. Sigfússon setti árið 2012. Í því tilfelli sem Jón Gerald telur upp hérna, þá eru starfsmenn Mast einfaldlega að fara eftir reglum sem þeim eru settir af ráðherra og Alþingi íslendinga, undir vandlegri leiðsögn Bændasamtaka Íslands sem oft á tíðum senda ráðherrum og Alþingi þessar reglur bara í tölvupósti til lögfestingar.

Jón Gerald er því, eins og venjulega að gelta upp um rangt tré eins og venjulega. Ef Jón Gerald hefði haft fyrir því að kynna sér málið, þá vissi hann þetta allt saman og væri því ekki að gera sig af fífli á Facebook eins og sést hérna að ofan.

ESB andstæðingar tapa glórunni

Það er ljóst að ESB andstæðingar á Íslandi hafa endanlega tapað glórunni, eru búnir að sannfæra sjálfa sig um að þeir séu upphaf og endir alls á Íslandi. Þetta sést vel í orðum Ólaf Ragnars, Forseta Íslands sem er gjörsamlega búin að tapa því litla viti sem maðurinn augljóslega hafði. Enda er það svo að Ólafur Ragnar telur sig vera færan um að fullyrða eitthvað sem hann hefur enga hugmynd um, eins og flestir andstæðingar ESB hafa verið að gera undanfarna áratugi á Íslandi.

Staðan er lítið skárri hjá Heimssýn og Vinstri vaktin gegn ESB, báðir þessir aðildar hafa tapað glórunni fyrir nokkru síðan. Málflutningur þessara aðilda er stjórnlaus, og ekki í neinu samræmi við raunveruleikan. Það þarf ekki að gera annað en skoða staðreyndir um stöðu mála (ekki fréttir æsifréttamanna) innan Evrópusambandsins til þess að átta sig á því að staða mála er alveg ágæt, þrátt fyrir verstu efnahagskreppu í heiminum síðan árið 1929 (The great depression) sem olli síðan síðari heimsstyrjöldinni árið 1939.

Allur málflutningur þess efnis að Evrópusambandið geti ekki tekið því að íslendingar standi utan þess er fáránlegur. Sérstaklega þar sem Ísland er smáríki og hefur engin sérstök áhrif á gang mála í Evrópu (vegna þess að íslendingar vilja standa fyrir utan við Evrópusambandið). Það er ennfremur lygi í Ólafi Ragnari að Evrópusambandið hafi ekki getu til þess að klára samninga við íslendinga, staðreyndin er sú að þjóðir Evrópu hafa verið að semja um svona málefni í margar aldir (saga Evrópu er mjög flókin og löng), á sama tíma voru íslendingar að hýrast í moldarkofum með hor í nös og gátu ekki einu sinni komið sjálfum sér útúr þeim vegna heimsku og vanþekkingar. Það þurfti erlend áhrif á Íslandi áður en slíkt fór að gerast, og það tók engu að síður rúmlega 50 ár fyrir íslendinga að komast útúr moldarkofanum fyrir fullt og allt í upphafi 20 aldarinnar.

Evrópusambandið hefur því alveg getuna, og þekkinguna til þess að semja við íslendinga. Ég efast hinsvegar um að íslendingar hafi getuna til þess að semja við Evrópusambandið án þess að fara á nokkura mánaða námskeið í svona samningaviðræðum. Það er einnig staðreynd að ESB andstæðingar á Íslandi eru sjálfir ábyrgir fyrir þeim töfum sem urðu á aðildarferlinu, helstu ábyrgarðmenn á þessum töfum eru fyrrverandi ráðherrar Vinstri Grænna. Þar ber helst að nefna Jón Bjarnarson og Ögmund Jónasson sem stóðu fremst í því að tefja aðildarferli Íslands að Evrópusambandinu eins lengi og hægt er.

Evrópuandstæðingar á Íslandi tala síðan eins og allt sé á hallandi fæti í Evrópu. Staðreyndin er sú að Evrópuandstæðingar hafa alltaf (neðst á blaðsíðunni) talað svona, og það verður engin breyting á þessum málflutningi á næstunni. Enda er hérna um að ræða skipulagðan pólitískan áróður af hálfu ESB andstæðinga á Íslandi, og þeir hafa engan áhuga á því að hætta honum á næstunni.

Staðreyndin er sú að andstaðan við Evrópusambandið á Íslandi er eingöngu að finna hjá fólki sem hefur annað hvort ekki kynnt sér málið, er fastur kredduhugmyndum um Evrópu og Evrópusambandið. Síðan er það andstaða sérhagsmunahópa á Íslandi, samtaka eins og LÍÚ, Bændasamtaka Íslands, Heimssýn og fleiri aðila sem berjast í dag gegn Evrópusambands aðild Íslands án þess að hafa fyrir því neitt annað en sína eigin kreddu og þröngsýni.

Ef þú vilt kynna þér nánar glórulósan málflutning ESB andstæðinga á Íslandi. Þá er hægt að gera það hérna fyrir neðan.

Ólafur Ragnar: ESB vill ekki Ísland (DV.is)
Ólafur Ragnar sagði stjórnarskrána hafa staðið af sér allar helstu prófraunir (Vísir.is)
Annar veruleiki í Evrópusambandinu (mbl.is)
ESB hefur þá lítinn áhuga á okkur eins og staðan er (blogg Heimssýnar)
Mikið ósætti í Evrópu um ESB – stór hluti þjóðanna á móti aðild (blogg Heimssýn)
Þjóðaratkvæðagreiðsla um aðildarviðræður við ESB á þessari stundu er út í bláinn (blogg Heimssýn)
Forsetinn talar gegn ESB-aðild: Segir sambandið hvorki hafa vilja né getu til að klára viðræður (Eyjan.is)
ESB hættir ekki á þriðju höfnunina (Rúv.is)

Öfgamenn að taka við völdum á Íslandi

Það er augljóst að öfgamenn eru að taka við völdum á Íslandi, eins og þessi hérna frétt ber með sér. Þar sem fólk berst gegn sínum eigin hagsmunum mótmælir hugsanlegri aðild Íslands að Evrópusambandandinu. Þetta fólk er fyrst og fremst að berjast gegn sínum eigin hagsmunum, og er í reynd að berjast fyrir hagsmunum hinna ofurríku á Íslandi, LÍÚ fólksins og æðstu toppum í Bændasamtökum Íslands. Fólks sem þrífst á efnahagslegri einangrun Íslands, og að viðhalda íslendingum í þeirri fátækt sem íslenska krónan útvegar þeim.

Staðreyndin er sú að andstaðan við Evrópusambandið á Íslandi snýst ekki um efnahagsleg málefni. Þessi andstaða byggir á valdagræðgi þeirra sem að henni standa, þessi valdagræðgi er að kosta íslendinga milljarða í tekjur á hverju ári, og hefur í reynd alltaf gert það. Sá áróður sem notaður er á Íslandi kemur í veg fyrir að almenningur átti sig á þessari staðreynd, og á meðan þessum áróðri er ekki svarað almennilega, þá mun þessi lygaherferð andstæðinga Evrópusambandsins halda áfram á næstu árum og jafnvel áratugum. Á meðan þessu stendur mun almenningur á Íslandi borga reikninginn með íslensku krónunni, hærri vöxtum, verðbólgu og verðlagi. Einnig sem að lífsgæði munu almennt verða verri á Íslandi en í þeim ríkjum sem eru hvað næst okkur og eru í Evrópusambandinu.

Kurteisi borgar sig ekki í stjórnmálum

Ég er búinn að komast að þeirri niðurstöðu að yfirmáta mikil kurteysi í stjórnmálum er vandamál. Ekki bara lítið vandamál. Heldur stórkostlega mikið vandamál. Þessi yfirborðslega kurteisi hefur meðal annars verið undirliggjandi vandamál í efnahagskreppunni sem núna ríkir í heiminum. Það er allavegana mín skoðun og er það ekki vísindalega sannað. Það er þó áhugaverð staðreynd að þau tvö ríki sem hafa komist hjá efnahagskreppunni undanfarið eru þau ríki þar sem mjög svo heiðarleg skoðanaskipti eru til staðar. Þessi ríki eru Ástralía og síðan Ísrael. Í báðum þessum ríkjum eru heiðarleg skoðanaskipti stunduð. Þó meira í Ísrael en í Ástralíu, en í Ástralíu þá reka þeir bara einfaldlega viðkomandi ef hann stendur sig ekki.

Á Íslandi er dansað í kringum vandamálin og ekkert er sagt eða gert fyrr en viðkomandi vandmál er búið að eyðileggja og gleypa allt í kringum sig. Gott dæmi um þetta er Davíð Oddsson, maður sem er gjörsamlega óhæfur til þess að vera stjórnmálamaður. Reyndar er Davíð Oddsson reyndar einnig óhæfur til þess að gegna ábyrgðarstöðum af nokkru tagi. Í Ástralíu hefði Davíð Oddsson aldrei komist í svona embætti eins og á Íslandi. Hann hefði verið rekin úr flokknum sama dag og hann gekk í hann bara fyrir það eitt að vera hann sjálfur. Svo vanhæfur og óhæfur er hann. Fleiri dæmi er að finna á Íslandi. Menn eins og Halldór Ásgrímsson hefði aldrei komist áfram í stjórnmálum annarstaðar en á Íslandi. Hvorki í Ástralíu eða annarstaðar í Evrópu. Honum hefði einfaldlega verið sparkað fyrir að vera gjörspilltur maður. Hann hefði jafnvel endað í fangelsi fyrir embættisverk sín annarstaðar.

Ég hef ekki verið að skrifa mikið um íslensk stjórnmál. Vegna þess að ég hef hlotið skammir og leiðindi fyrir það að vera of grimmur. Staðreyndin er hinsvegar sú að það er rétt af mér að vera svona grimmur. Vegna þess að eitthvað annað augljóslega virkar ekki og kurteisi er bara upp á punt í stjórnmálum. Hvort sem það er á Íslandi eða annarstaðar.

Ég hef einnig tekið þá ákvörðun að hætta að vera kurteis þegar það kemur að stjórnmálum. Hvort sem að það er á Íslandi eða annarstaðar. Vegna þess að kurteisi borgar sig ekki í stjórnmálum oft á tíðum. Í skjóli kurteisinar komast nefnilega óhæfir einstaklingar í valdastöður þar sem þeir ættu alls ekki að vera og valda þar skaða, tapa peningum og kosta skattgreiðendur mikla fjármuni. Ef að það er einhver lærdómur sem ég hef tekið frá efnahagskreppunni á Íslandi og annarstaðar. Þá er það þessi lærdómur.

Ég ætla samt ekki að skrifa um kosninganar núna á Íslandi. Mig langar nefnilega til þess að komast að því hversu heimskir íslendingar eru núna. Svona til þess að setja mælistiku á hugsunarhátt íslendinga eftir efnahagshrunið árið 2008. Ég mun byrja að skrifa aftur um íslensk stjórnmál aftur eftir þann 1. Maí. Þá á óvægin hátt þar sem hlutinir verða sagðir eins og þeir eru. Ef einhver fer að grenja útáf því. Þá getur hinn sami bara haldið sínu væli fyrir sjálfan sig. Kostnaðurinn vegna kurteisi í stjórnmálum er einfaldlega orðin alltof mikill á Íslandi og annarstaðar þar sem slíkt er stundað.

Fréttir BBC News um Ástralíu og Ísrael

Getting behind Israeli ‘frankness’ (BBC News)
Australia’s coup culture (BBC News)

Haugalygi „Þjóðráð“ um vefárás á vefsíðu þeirra

Það er vissulega rétt hjá þeim sem standa að vefsíðu „Þjóðráð“ að ráðist hafi verið á vefsíðu þeirra. Hægt er að sjá hvernig árásin leit út hérna (Varúð! Það er leiðindatónlist sem fylgdi þessu innbroti). Þetta er öryggisvefsíða sem fylgist með innbrotum á internetinu. Það sem kemur hinsvegar mest á óvart er túlkun þeirra sem standa á bak við vefsíðu „Þjóðráð“ um þessa tölvuárás. Í þeirra eigin ruglaða heimi. Þá halda þeir fram í fullri alvöru að þetta hérna sé ástæða þess að ráðist var á vefsíðu þeirra.

[…] Árásin var gerð eftir að Þjóðráð birti opið bréf til rektors Háskóla Íslands, miðstjórnar ASÍ, stjórnar Samtaka iðnaðarins og ráðuneytisstjóra utanríkisráðuneytisins vegna komu bresku þingkonunnar Kate Hoey, fyrrverandi ráðherra í ríkisstjórn Tonys Blair, hingað til lands til þess að ræða reynslu Breta af Evrópuaðild. […]

Árás á icewise.is í kjölfar spurninga, icewise.is. 19.11.2012.

Það segir ýmislegt um hugsunargang þessara manna að þeir skuli trúa þessari vitleysu í sjálfum sér, sem er þeirra eigin uppspuni og fátt annað. Þessar árásir eru algerlega handahófskenndar, og eru oftast notaðar til þess að dreifa pólitískum áróðri af ýmsum toga. Líkur á því að finna þann sem braust inn á þessa vefsíðu eru næstum því engar. Þar sem að oftast eru bottar notaðir eða aðar sjálfvirkar aðferðir. Sá sem braust síðan inn á vefsíðuna getur síðan verið staðsettur hvar sem er í heiminum og gjörsamlega ófinnanlegur með öllu. Þannig að þessi lögreglukæra sem aðstaðstendur icewise.is vefjarins ætla að fara í á morgun er gjörsamlega tilgangslaus með öllu.

Nánar um þessar gerð tölvuárása á vefsíður.

Website defacement (Wikipedia)