Umfjöllun um jarðfræðiviðburði

Athugið að ég hef fært alla umfjöllun um jarðfræði, jarðskjálfta og slíkt á Íslandi yfir á sérstakt blogg. Hægt er að lesa bloggið hérna. Ástæðan er sú að þetta gefur mér tækifæri til þess að fjalla betur og skýrmerkilegra um jarðfræðilega atburði á Íslandi. Ég er ennþá með jarðfræðiblogg á ensku um atburði á Íslandi hérna.

Órói fellur í Grímsfjalli

Það er ennþá óvíst hvað var gerðist í Grímsfjalli sem jók óróan á nærliggjandi SIL stöðvum. Hinsvegar er óróinn að minnka þessa stundina. Hvað olli þessum aukna óróa er óþekkt á þessari stundu. Hinsvegar er ljóst að þetta virðist ekki tengjast eldvirkni eða líklega ekki einhverju sem er í sjálfri eldstöðinni. Hver svo sem raunveruleg ástæða þessa aukna óróa er. Þá er óróinn að minnka þessa stundina.

Það hefur einnig komið fram í fréttum að jökulflóðið frá Grímsvötnum er núna í rénun. Þetta jökulflóð varð aldrei neitt stórt miðað við önnur jökulflóð sem koma frá Grímsvötnum. Enda var síðasta flóð úr Grímsvötnum í Janúar á þessu ári.

Óvíst hvað er að gerast í Grímsfjalli þessa stundina

Þessa stundina er óvíst hvað er að gerast í Grímsfjalli. Óróinn heldur áfram að aukast í eldstöðinni eftir að jökulvatn hljóp úr Grímsvötnum á Miðvikudaginn. Ekkert hefur komið frá Veðurstofu Íslands um þennan aukna óróa ennþá. Engir jarðskjálftar hafa fylgt þessum aukna óróa, og ennþá er ekkert sem bendir til þess að eldgos sé hafið í Grímsfjalli. Það kann þó að vera rangt. Sérstaklega ef eldgosið er mjög lítið, sem getur alveg verið raunin í þessu tilfelli. Það er mjög erfitt að staðfesta svona lítil eldgos undir jökli. Þar sem þau ná ekki að brjóta sér leið upp úr jöklinum.


Óróinn í Grímsfjalli núna í morgun. Höfundaréttur þessar myndar tilheyrir Veðurstofu Íslands.

Ég mun halda áfram að fylgjast með framvindu mála í Grímsfjalli núna í dag.

Óvissustigi lýst yfir á norðurlandi vegna hættu á stórum jarðskjálfta

Almannavarnir hafa lýst yfir óvissustigi vegna jarðskjálftahrinunar á Tjörnesbrotabeltinu. Þessi jarðskjálftavirkni hefur verið í gangi síðan þann 20. Október, 2012. Stærsti jarðskjálftinn í þessari hrinu náði stærðinni Mb5.6. Fjöldi minni jarðskjálafta hefur einnig átt sér stað. Það er þó alveg ljóst að ómögurlegt er að segja til um það hvenar stór jarðskjálfti verður á Tjörnesbrotabeltinu. Það er þó meiri líkur en minni að stutt sé í stóran jarðskjálfta á Tjörnesbrotabeltinu miðað við núverandi jarðskjálftavirkni.

Tilkynning Almannavarna

Óvissustigi almannavarna lýst yfir vegna jarðskjálftahrinu úti fyrir Norðurlandi

Gangur jarðskjálftahrinunar á Tjörnesbrotabeltinu

Það hefur eitthvað dregið úr jarðskjálftahrinunni á Tjörnesbrotabeltinu síðasta sólarhring. Samkvæmt teljara sem ég er með. Þá hefur dregið úr fjölda jarðskjálfta um rúmlega helming þessa stundina. Ef að stór jarðskjálfti verður. Þá mun hinsvegar jarðskjálftum fjölga aftur í kjölfarið. Stærstu jarðskjálftar síðustu nótt voru með stærðina 4,1 og síðan komu nokkir jarðskjálftar fram með stærðina 3,0 til 3,9. Fjöldi minni jarðskjálfta er einnig mjög mikill, en flestir af þeim finnast ekki nema þegar þeir verða mjög nærri Siglufirði.


Jarðskjálftahrinan á Tjörnesbrotabeltinu í morgun. Höfundaréttur þessar myndar tilheyrir Veðurstofu Íslands.


Fjöldi jarðskjálfta sést mjög vel á þessari mynd hérna. Höfundaréttur þessar myndar tilheyrir Veðurstofu Íslands.

Það er ennþá mikil hætta á því að jarðskjálftahrinan taki sig upp aftur. Jafnvel þó svo að núna sé að draga úr jarðskjálftavirkninni þessa stundina. Það sýndi sig í nótt að eftir jarðskjálftann upp á ML4,1 þá jókst jarðskjálftavirknin tímabundið í nokkrar klukkustundir, áður en það dró svo úr jarðskjálftavirkninni aftur. Það má búast við því að þessi jarðskjálftavirkni haldi áfram næstu klukkustundinar til næstu daga.

Uppfærðar upplýsingar um jarðskjálftahrinuna á Tjörnesbrotabeltinu

Jarðskjálftahrinan á Tjörnesbrotabeltinu er ennþá í fullum gangi. Eitthvað hefur dregið úr jarðskjálftum síðustu klukkutíma. Þó eru ennþá að koma fram jarðskjálftar sem ná stærðinni 3.0, en enginn mikið stærri en það ennþá. Þó svo að það sé að draga núna úr jarðskjálftahrinunni. Þá þýðir það ekki að þessi jarðskjálftahrina sé búinn. Enda verður svona jarðskjálftavirkni á svona svæðum í stökkum. Það þýðir að ekkert gerist jafnvel í marga áratugi. Síðan á sér stað tímabil mikillar jarðskjálftavirkni og umbrota. Mér þykir líklegast að það sé raunin núna, enda talsvert síðan þarna átti sér umtalsverð jarðskjálftavirkni eins og núna á sér fyrir utan Siglufjörð.

Það er einnig vonlaust að segja til um það hvar og hvenar næsta jarðskjálftahrina verður á þessu svæði. Það eina sem hægt er að gera er að fylgjast með og vona það besta.


Jarðskjálftinn sem var Mw5.6 að stærð. Hægt er að nota þessa mynd ef höfundar er getið.

Það sem bjargar siglfirðingum frá skemmdum er sú staðreynd að þessi jarðskjálftahrina á sér stað rúmlega 20 km frá bænum. Ef að jarðskjálftahrinan hefði átt sér stað nær Siglufirði. Þá hefðu skemmdir líklega verið meiri en raunin er núna í dag. Ég nefni þetta. Vegna þess að það er einnig hætta á því að jarðskjálftavirknin færist nær Siglufirði. Það eru hinsvegar einnig jafnar líkur á því að jarðskjálftahrinan taki sig upp fjær Siglufirði en núna í dag. Það verður hinsvegar bara að bíða og sjá hvað gerist næst í þessari jarðskjálftavirkni sem er á þessu svæði núna í dag.

Áframhaldandi jarðskjálftavirkni á Tjörnesbrotabeltinu

Jarðskjálftavirknin heldur áfram, og eitthvað í kringum 400 jarðskjálftar hafa mælst núna þegar þetta er skrifað. Hinsvegar úreldist þessi tala mjög hratt vegna stöðugrar jarðskjálftavirkni. Stærsti jarðskjálftinn hingað til náði stærðinni Mb5.2 samkvæmt USGS, EMSC og Veðurstofu Íslands. Fjölmargir minni jarðskjálftar hafa einnig komið í kjölfarið á þessum jarðskjálfta. Ásamt þeirri jarðskjálftavirkni sem átti sér stað í gær (20.10.2012) áður en virknin varð svona mikil.


Mynd af jarðskjálftavirkninni eins og hún er á jarðskjálftamælinum mínum á Hvammstanga. Leyfilegt er að nota þessa mynd ef höfundar er getið.

Ég reikna með áframhaldandi jarðskjálftavirkni á þessu svæði næstu klukkutímana til dagana. Enda hefur ekkert dregið úr jarðskjálftahrinunni að ráði þessa stundina. Jarðskjálftavirknin datt niður snemma í morgun, en virðist vera að aukast aftur þessa stundina. Fjöldi smáskjálfta hefur allavegana verið að aukast síðustu klukkutímana. Hægt er að fylgjast með jarðskjálftahrinunni á jarðskjálftamælavefsíðunni minni hérna (5. mín, seinkun á myndinni).

Það er ekki hægt að útiloka það að þarna komi jarðskjálftar sem ná stærðinni 5 eða stærri á næstu klukkutímum til dögum. Hversu miklar líkunar eru nákvæmlega er vonlaust að segja til um. Aftur á móti met ég það þannig að líkunar séu frekar meiri en minni núna þessa stundina.

Nýr mjög sterkur jarðskjálfti á Tjörnesbrotabeltinu

Rétt í þessu varð mjög sterkur jarðskjálfti á Tjörnesbrotabeltinu. Aftur á móti sýnist mér að þessi jarðskjálfti sé sá sterkasti hingað til. Mikil eftirskjálftavirkni fylgdi þessum jarðskjálfta eins og öðrum jarðskjálftum sem hafa verið svona stórir í Tjörnesbrotabeltinu.

Samkvæmt EMSC þá eru fyrstu tölur um þennan jarðskjálfta að stærðin sé Mb5.1. Reikna má með fleiri jarðskjálftum á næstu klukkutímum sem munu hugsanlega náð þessari stærð.

Bloggfærsla uppfærð klukkan 01:35 UTC þann 21.10.2012.

Engin eldfjöll á Tjörnesbrotabeltinu

Til Rúv og annara fjölmiðla á Íslandi. Á Tjörnesbrotabeltinu eru engin eldfjöll. Þannig að spurningar um gosóra, eins og ég heyrði áðan í fréttum klukkan 01:00 og þar á undan eru því hreinlega bara kjánalegar. Það er lágmark að þeir fréttamenn sem fjalla um svona jarðhræringar kynni sér að lágmarki hvort að einhver eldfjöll séu á umræddu landsvæði áður en þeir fara að spurja svona spurninga.

Samkvæmt USGS þá var stærsti jarðskjálftinn með stærðina M4.8. Ég veit ekki hvort að þetta eru yfirfarnar niðurstöður. Gögn USGS er hægt að nálgast hérna.

Það er ennþá mjög mikil jarðskjálftavirkni í gangi á Tjörnesbrotabeltinu núna þessa stundina. Það er ennþá mikil hætta á jarðskjálftum sem eru með stærðina yfir Mb5.0 á þessu svæði. Hætta á skemmdum er því talsverð. Sérstaklega á lausahlutum sem geta fallið úr hillum. Þetta á sérstaklega við á Siglufirði, sem er sá bær sem er næst upptökum þessar jarðskjálftahrinu.

Mjög stór jarðskjálfti á Tjörnesbrotabeltinu

Rétt í þessu var miðlungsskjálfti að ríða yfir Tjörnesbrotabeltið. Ég veit ekki hversu stór þessi jarðskjálfti er ennþá. Aftur á móti reikna ég með að stærð jarðskjálftans sé eitthvað yfir 5 á ricther kvarðann. Jarðskjálftinn er ennþá í gangi þegar þessi bloggfærsla er skrifuð. Ég mun uppfæra þessa bloggfærslu innan skamms með frekari upplýsingum um stærð og staðsetningu þessa jarðskjálfta þegar ég hef þær upplýsingar.

Uppfærsla 1: Samkvæmt USGS þá var stærsti jarðskjálftinn á Tjörnesbrotabeltinu með stærðina M4.8. Ég veit ekki hvort að þetta eru yfirfarnar niðurstöður eða ekki. Gögn USGS er hægt að skoða hérna.

Bloggfærsla uppfærð klukkan 01:04 UTC þann 21.10.2012.