Day: 20. nóvember, 2007

Síðasta klukkutímann þá hefur orðið talsverð aukning á mjög litlum jarðskjálftum, en minnstu jarðskjálftanir sem mælst hafa samkvæmt sjálfvirku kerfi Veðurstofunar hafa verið að fara niður í ML0.2 (á ricther) að stærð. Hugsanlegt er að í nótt komi fram jarðskjálftar sem verða þrír á ricther eða stærri, en það er einnig hugsanlegt að ekkert gerist í nótt.

Ómögulegt er að segja til um nákvæmlega hvernig svona jarðskjálftahrinur haga sér, en það má alveg búast við jarðskjálftavirkni þarna næstu daga og vikur. Og jarðskjálftum sem ná alveg þrír á richter, einnig er hugsanlegt að þarna komi fram stærri jarðskjálftar en þrír á ricther. Þó svo að það sé ólíklegra heldur en hitt.

Tengist frétt: Enn skelfur jörð á Selfossi

Klukkan 21:40 og 21:41 komu tveir jarðskjálftar sem voru sæmilega stórir fram á mælanetinu hjá mér. Klukkan 21:51 kom fram einn jarðskjálftinn í viðbót. Stærð jarðskjálftans sem varð klukkan 21:40 var ML3.0 (á ricther) að stærð samkvæmt sjálfvirku mælakerfi Veðurstofunnar. Jarðskjálftanir sem komu á eftir voru líklega eitthvað minni að stærð.

Vegna eðli jarðskjálfta og miðað við hversu ólíkir og ólíkar jarðskjálftahrinur geta verið. Þá er mjög erfitt að segja til um það hvort að hrinan sem kom í dag og kvöld sé fyrirboði stærri jarðskjálfta. Það eina sem hægt er að gera er að bíða og sjá. En sé saga Suðurlandsbrotabeltisins höfð til hliðsjónar þá er ekki ólíklegt að það sé komið að stórum jarðskjálfta. En sú spennulosun sem hófst með suðurlandsjarðskjálftunum árið 2000 er ekki lokið, þó svo að ekki hafið komið jarðskjálftar í sjö ár núna. En heildarspennulosun á Suðurlandsundirlendinu getur tekið allt að þrettán ár að losna út, en stundum tekur það ekki nema sex mánuði. Í öllum tilvikum þá koma jarðskjálftar sem eru Ms5.5 til Ms7.0 (á ricther) að stærð, en stærð jarðskjálftana veltur á staðsetningu þeirra. Jarðskjálftar sem verða austar (nær Heklu og Eyjafjallajökli) í suðurlandsbrotabeltinu verða jafnan stærri en jarðskjálftar sem eru vestar í því. En stærð jarðskjálftana ræðst fyrst og fremst að þykkt og hversu seig jarðskorpan er.

Tengist frétt: Skjálftahrinan á Selfossi ekki talin fyrirboði um stærri skjálfta

Frá því að tveir stærstu jarðskjálftanir urðu, þá hefur fjöldi lítilla eftirskjálfta komið fram. Samkvæmt sjálfvirku kerfi Veðurstofnunar þá eru stærðir þessa atburða frá 0.5ML uppí ML2.1 (á ricther) að stærð. Fastlega má reikna með eftirskjálftum eitthvað fram eftir kvöldi, hinsvegar er erfitt að fullyrða að það verði raunveruleikinn, þar sem að svona jarðskjálftahrinur geta verið með öllu óútreiknanlegar ef að svo ber undir.

Tengist frétt: 3,5 stiga jarðskjálfti norðan við Selfoss

Í dag klukkan 13:00 hófst jarðskjálftahrina hjá Selfossi, framan af degi var eingöngu um smáskjálfta að ræða. Þá jarðskjálfta sem voru á stærðarbilinu 0.0 til 1.5 á ricther, ekki var um marga jarðskjálfta að ræða og lá hrinan niðri í marga klukkutíma í dag. En það var ekki fyrr en klukkan 18:48 í kvöld að jarðskjálftahrinan tók kipp með jarðskjálfta sem hugsanlega var nálægt því að vera ML4.0 (á ricther) að stærð. Það er stór spurning hvort að þessir jarðskjálftar séu forboði stærri jarðskjálfta, á þessari stundu er mjög erfitt að spá í það. En það gæti breyst mjög fljótlega.

Jarðskjálftinn sem er með stærðina ML4.0 (á ricther) er líklega staðsettur vitlaust af sjálfvirka mælakerfinu hjá Veðurstofunni. Hann varð líklega í nágrenni Selfoss eins og aðrir jarðskjálftar í þessari hrinu.

Hægt er að sjá jarðskjálftana á jarðskjálftaplottinu mínu hérna.

Tengist frétt: Fjölda smáskjálfta vart á Selfossi

Þessa stundina er stór jarðskjálftahrina farin af stað á suðurlandsundirlendinu, stærstu jarðskjálftanir hafa verið að mælast 4.0 á ricther. Margir eftirskjálftar frá 2.5 uppí 3.5 (ágiskun) hafa einnig mælst í kjölfarið. Þessir jarðskjálftar sjást vel á jarðskjálftaplottinu mínu hérna.

Ég mun uppfæra þennan póst eftir því sem hægt er, eða koma með nýjar upplýsingar í öðrum pósti eftir því sem hægt er.