Kennir Öryrkjabandalaginu um sína eigin vanhæfni

Það er ótrúlegt að fylgjast með því hvernig Eygló Harðardóttir kennir Öryrkjabandalaginu um sína eigin vanhæfni og stefnu í málefnum öryrkja og hvernig tekjur þeirra eru. Ég veit ekki nákvæmlega afhverju Öryrkjabandalagið dró sig úr þessum viðræðum um breytingar á tekjum öryrkja. Mig grunar að það hafi mikið með stefnu framsóknarflokksins í þessum málaflokki, sem hefur hingað til verið hrikaleg og til skammar. Enda hefur framsóknarflokkurinn alltaf litið á öryrkja sem vandamála fólk sem eigi helst ekki að virða viðlists. Sama viðhorf er einnig að finna í sjálfstæðisflokknum sem fer með fjármálaráðuneytið. Það hefði alveg verið hægt að hækka tekjur öryrkja til jafns við aldraða þó svo að viðræðum félagsmálaráðuneytisins og öryrkjabandalagsins hafi siglt í strand. Þetta var bara ákvörðun sem Eygló tók til þess að refsa Öryrkjabandalaginu og öryrkjum fyrir að gagnrýna og samþykkja ekki skerðingarhugmyndir hennar á örorkubótum ef öryrkjar leyfa sér að vinna eitthvað aðeins til þess að bæta hjá sér lífsgæðin.

Eygló þarf hinsvegar ekki að hafa áhyggjur af þessu eftir kosningar. Vegna þess að hún verður ekki ráðherra eftir kosningar, það er ekki einu sinni víst að hún verði þingmaður.

Fréttir þessu tengdu

Eygló vonsvikin með Öryrkjabandalagið (Rúv.is)
Von­brigði að ÖBÍ hafi dregið sig út (mbl.is)

Dreifing sjónvarps á Íslandi

Á Íslandi er sjónvarpi dreift með tvennum hætti, með DVB-T og DVB-T2 og síðan IPTV. Dreifing sjónvarps um ljósleiðara er í gengum IPTV eftir því sem ég kemst næst. Gallin við IPTV er sá að fólk þarf að vera með sérstök box frá Símanum eða Vodafone til þess að geta fengið sjónvarpsdagskrána. Á Íslandi er DVB-C ekki notað.

Árið 2017 á að verða búið að loka MMDS stjónvarpsdreifingakerfinu, sem sendir út á 2600Mhz þar sem það á að taka það tíðnisvið undir LTE þjónustu (4G). Í Reykjavík, Hafnarfirði og víðar eru margir kílómetrar af sjónvarpskapli sem er ónotaður í dag vegna þess Síminn lagði niður þá þjónustu fyrir mörgum árum síðan. Í þennan sjónvarpskapal væri alveg hægt að flytja allar þær sjónvarpsrásir sem Vodafone sendir út yfir örbylgju í dag, auk þess að bjóða uppá útvarpsþjónustu (FM) á sama sjónvarpskapli. Ég veit ekki hvernig ástandið er á þessu ónotaða dreifikerfi eftir margra ára notkunarleysi.

Eins og segir hérna að ofan þá er sjónvarp yfir ljósleiðara eingöngu í boði á Íslandi sem IPTV þjónusta. Það er hinsvegar ekkert vandamál í dag að bjóða þá þjónustu upp yfir venjulegan sjónvarpskapal ef fjarskiptafyrirtækin á Íslandi hefðu áhuga á slíku. Þar sem í Danmörku eru framleidd ljósleiðarabox sem eru fær um slíka þjónustu (hérna er eitt slíkt box). Þar sem ég er búsettur í Danmörku er með internet yfir ljósleiðara þá fékk ég svona box uppsett og það virkar bara mjög vel hjá mér og sjónvarpsmerkið sem það skilar er mjög gott. Þetta er hentug lausn, sérstaklega þar sem þá er hægt að nota það sem er innbyggt í sjónvarpinu (DVB-T/T2 eða DVB-C) til þess að taka á móti sjónvarpsmerkinu án þess að vera með sérstakt sjónvarpsbox eins og er í dag.