Month: mars 2017

Birt þann

Andstæðingar Evrópusambandsins ljúga að þér

Það er vinsælt á Íslandi að heyra fullyrðingar Evrópuandstæðinga vera tekna sem einhvern heilagan sannleika en síðan eru fullyrðingar stuðningsmanna þess að Ísland gangi í Evrópusambandið rakkaðar niður og oft fær maður að heyra þetta hérna.


Skjáskot af blog.is.

Þetta var mitt svar við lygum ESB andstæðingsins Páls Vilhjálmssonar. Maðurinn sem kallar sig „Hrossabrest“ er augljóslega einnig ESB andstæðingur.

Staðreyndin er mjög einföld. Íslendingar hafa verið að gera hlutina að mestu leiti eftir hugmyndum ESB andstæðinga undanfara áratugi og gögnin eru komin inn. Hugmyndafræði og hagfræði ESB andstæðinga virkar alls ekki og hefur aldrei gert. Á meðan ESB getur ekki komið í veg fyrir að lélegar ákvarðanir séu teknar á ríkisstjónarstiginu þá er ljóst að ESB aðild mundi dempa stórkostlega afleiðingar af lélegum afleiðingum.

Síðan myndu landsbyggðarstyrkir Evrópusambandsins einnig sjá til þess að restin af einbreiðum brúm á Íslandi yrðu tvöfaldaðir og að vegir í sveitum Íslands fengju almennilega uppfærslu til að ná þeim upp í þær kröfur sem Evrópusambandið setur um slíka vegi.

Á meðan íslendingar vilja ekki ganga í Evrópusambandið, þá verður meðal annars gott vegakerfi á Íslandi ekkert nema draumur einn.

Birt þann

Vinsamlegast ekki tjá þig um útlit kvenna, þú gætir móðgað einhvern

Ég sé á Vísir.is frétt um móðgaða konu um nokkur ummæli sem um hafa hafa fallið, einhver af þessum ummælum eru ósmekkleg og sýna að sá sem lét þau frá sér er með minni greind en meðal kartafla útí í garði á góðum sumardegi. Restin eru hinsvegar ummæli sem ekki er ástæða fyrir því að vera móðgaður yfir. Þessi kona virðist hinsvegar vera mikið móðguð yfir þeim og tekur þau mikið á sig og kvartar sáran yfir mörgum þeirra (ekki þessu heimskulegu sem eru augljós). Staðreyndin er að fólk verður ekki móðgað nema að það vilji verða móðgað. Það gerist auðvitað ekkert ef einhver er móðgaður.

Síðan eru margir búnir að fá nóg af því hversu móðgunargjarnir margir eru í dag. Enda er ekki hægt að ætlast til þess að nokkrum manni að hann gangi um og ritskoði sig allan daginn vegna þess að hugsanlega gæti einhver orðið móðgaður. Þeir sem hugsa slíkt eiga bara að fokka sér af internetinu og hætta að fara úr húsi.

F*ck Being PC: Why I’m Offended By How Easily Offended You Are (Elite Daily)

Birt þann

Útsendingar Omega/The Gospel Channel og Útvarps Sögu á að stöðva á tafar

Á Íslandi er rekin sjónvarpsstöð sem hefur þann eina tilgang að senda út mannhatur og öfgar. Þessi stöð heitir Omega og boðar þar út öfgafulla kristni allan sólarhringinn, helst er um að ræða bandaríska evangelíska presta sem messa yfir stórum mannfjölda (þeir eiga einkaþotur og lifa á stórum eignum) um hvað má gera og hvað má ekki gera í nafni trúarinnar (kristni).

Eigendur og stjórendur Omega hafa hinsvegar ekki látið Ísland nægja sér, heldur er þetta efni einnig sent út yfir Skandinavíu (0,8W) og Bretland (28,2E). Þetta er sent í opinni dagskrá, þannig að reikna má með að áhorfendahópur Omega, sem kallast The Gospel Channel á ensku telji í hundruðum þúsunda, kannski milljón eða tveim. Ég hef engar tölur um áhorf á þessa öfgafullu kristni sjónvarpsstöð en ljóst er að það er talsvert. Síðan er The Gospel Channel einnig send út á internetinu á Íslandi fyrir enskumælandi áhorfendur.


Útbreiðsla Omega/The Gospel Channel eins og hún er skráð hjá Lyngsat. Hérna er listi yfir sjónvarpsstöðvar sem hægt er að ná ókeypis frá Íslandi.

Samkvæmt skýrslu Council of Europe um Omega og Útvarp Sögu þá eru þessir tveir fjölmiðlar að breiða út hatursboðskap gegn flóttamönnum og fólki af öðrum trúarbrögðum og með annað litarhaft en íslendingar. Um þetta hefur aðeins verið fjallað í fjölmiðlum á Íslandi eins og sjá má hérna. Umfjöllunin er samt mjög lítil og þessir fjölmiðlar (Omega/The Gospel Channel og Útvarp Saga) eru ennþá starfandi á Íslandi og það er til skammar. Íslenskum yfirvöldum ber að loka Omega/The Gospel Channel og Útvarpi Sögu í samræmi við lagaheimildir á Íslandi og í samræmi við alþjóðlega sáttmála sem íslendingar hafa skrifað undir, eins og kemur skýr fram á vefsíðu CoE, þá hefur hatursumræða og útbreiðsla ekkert með tjáningarfrelsi að gera.

Íslensku fjarskiptafyrirtækin (Síminn, Vodafone, Nova og fleiri aðilar) geta byrjað á því að neita að bera merki Omega og Útvarps Sögu um sín dreifkerfi á Íslandi. Það mundi koma í veg fyrir stóran hluta af útbreiðslu þessara stöðva á Íslandi. Þar sem gervihnattaútsending The Gospel Channel kemur frá Íslandi, þá fellur slíkt undir valdsvið fjölmiðlanefndar og Póst og Fjarskiptastofnunar. Það er minna hægt að gera varðandi internet útsendingar eins og stendur, nema þá helst að lögbann sé sett á útsendingar þessara stöðva yfir internetið. Slíkt krefst dómsmáls og ég efast um að slíkt verði gert eins og málin standa í dag.

Birt þann

Fella ber 216 grein almennra hegningarlaga úr gildi án tafar

Í íslenskum hegningarlögum er lagagrein 216 sem hljómar svona.

216. gr. Kvenmaður, sem deyðir fóstur sitt, skal sæta … 1) fangelsi allt að 2 árum. Ef sérstaklega ríkar málsbætur eru fyrir hendi, má ákveða, að refsing falli niður. Mál skal ekki höfða, ef 2 ár eru liðin frá því að brot var framið. Ónothæf tilraun er refsilaus.
Hver, sem með samþykki móður deyðir fóstur hennar eða ljær henni lið sitt til fóstureyðingar, skal sæta fangelsi allt að 4 árum. Sé um mikla sök að ræða, einkum ef verknaðurinn er framinn í ávinningsskyni eða hann hefur haft í för með sér dauða eða stórfellt heilsutjón móður, skal beita allt að 8 ára fangelsi. Hafi verkið verið framið án samþykkis móður, skal refsing vera fangelsi ekki skemur en 2 ár og allt að 12 árum.

Fella ber þessa laga grein úr gildi án tafar (þó er hægt að halda eftir eða fella inn í aðrar lagagreinar síðustu málsgreinina er varðar ofbeldi gegn konum sem leiðir til fóstursmissis), þar sem hún gerir öfgafólki eins og Jóni Vali Jenssyni fært að réttlæta öfgafullan og kvenhatandi málflutning sinn með því að vísa í þessa þessa lagagrein, þetta hefur Jón Valur Jensson nú þegar gert eins og sjá má hérna (hann rekur þessi gervi-samtök til þess að boða öfgafulla útgáfu sína af kristinni trú). Sú afstaða sem kemur fram hjá Jóni Vali Jenssyni og þeim sem hann styðja og hans öfgafulla og heimskulega málflutning er ekkert annað en hrátt hatur á kvenfólki og alger vanþekking á hættum þungunar og hugsanlegra fylgikvilla. Á Írlandi hafa konur dáið vegna þess að þær fengu ekki viðeigandi heilbrigðisþjónustu vegna banns við fóstureyðingum, þar kemur til öfgafullt vald kristinnar kirkju í Evrópu sem ætti fyrir löng síðan vera búið að uppræta og banna með lögum. Enda hafa heimskuleg trúarbrögð ekkert í stjórnmál að gera og því að skilja þar á milli með eldi og brennistein.

Á Íslandi er því miður rekin stefna sem leyfir öfga-fólki að tjá sig á hatursfullan hátt án þess að þeim sé refsað. Það þarf að breytast og það hratt.

Grein uppfærð klukkan 15:11.
Grein uppfærð klukkan 15:33.