Útlendingastofnun fremur fjöldamorð með brottvísunum

Útlendingastofnun á Íslandi fremur fjöldamorð með því að vísa fólki frá Íslandi til þeirra ríkja þar sem ástandið er þannig að ekki er hægt að kalla það öruggt með neinum hætti. Þetta er ólöglegt og brot á flóttamannasáttmála S.Þ og mannréttindasáttmálum.

Íslensk stjórnvöld misnota einnig dyflinurreglugerðina (þar er heimild til þess að senda fólk til þess lands sem það kemur fyrst til, það er ekki krafa) til þess að senda flóttamenn frá Íslandi og til þeirra ríkja sem þeir komu fyrst til Íslands. Þessi misnotkun er ólögleg og það á að stoppa hana nú þegar og án tafar. Útlendingastofnun er stofnun sem fer ekki að lögum af þeim sökum á forstjóri Útlendingastofnunar að segja af sér án tafar.

Núna ætlar Útlendingastofnun að dæma til dauða fatlaðan mann og ellefu ára dóttur hans með því að vísa þeim frá Íslandi aftur til Þýskalands þar sem hætta er á því þeim verði vísað aftur til Afganistan, lands sem er óöruggt og hefur undanfarið sætt árásum af höndum talibana og annara öfgamanna sem eru ríkjandi innan Afganistan núna. Þetta jafngildir því að fremja kaldrifjað morð og það er enginn munur þar á. Það eina sem munar er að hérna er nafnlaus ríkisstofnun að fremja morðið en ekki einhver einn einstaklingur eða hópur einstaklinga. Það ber að stoppa þetta frávísun frá Íslandi án tafar og veita þessu fólki hæli af mannúðarástæðum á Íslandi.

Farlama faðir og ellefu ára dóttir send úr landi (Stundin)

Það á að leggja niður Útlendingastofnun í núverandi mynd, enda er þessi stofnun bastaður og núverandi stefna er arfleið fasista sem náðu tökum á hluta stjórnkerfisins eftir síðari heimsstyrjöldina.

Hvalárvirkjun á Ströndum er merki um skammsýni og heimsku

Á Ströndum stendur til að reisa virkjun sem mundi valda óafturkræfu tjóni á óbyggðu landsvæði sem þar er. Það er til merkis um mikla heimsku að þrátt fyrir mikla andstöðu náttúruverndarsamtaka og síðan alvarlegar athugasemdir Skipulagsstofnunar þá á samt að reisa þessa virkjun. Það virðist sem að þetta fólk sem að þessu stendur hafi ekki fylgst með tækniþróun síðustu 30 ára nema að litlu leiti og standi núna í því að nota úreltar lausnir til þess að leysa rafmagnsvandræði á Ströndum.

Það er alveg hægt að bæta rafmagnið á Ströndum með öðrum leiðum heldur en að reisa skemmandi vatnsvirkjun sem sekkur landsvæði á kaf og veldur á því tjóni sem ekki er hægt að fá til baka. Árnesrheppur getur alveg eins reist vindmyllur til þess að framleiða rafmagn og einnig sett upp sólarsellur í sama tilgangi, sem mundu þá framleiða mest rafmagn yfir sumarið. Það eru margar lausnir til heldur en virkjun sem er orðin úreld af tækniframþróun síðustu 30 ára. Þessi hugsunarháttur er tákn um þá stöðnun sem er í gangi í Árneshreppi og þetta er einnig ástæðan fyrir því afhverju byggðin þarna mun fara í eyði. Jafnvel þó svo að þessi virkjun verði byggð þrátt fyrir augljóst og óafturkræft tjón sem af henni hlýst.

Frétt Rúv.

Boða bætta innviði með virkjun í Hvalá