Category: Geimvísindi

Hérna er mynd (teiknuð) af stærstu sól sem vitað er um í Alheiminum, það geta auðvitað verið stærri sólir þarna úti. En við þekkjum þær ekki sem stendur. Sólin er á þessari mynd til samanburðar. Þessi sól heitir VY Canis Majoris og er í stjörnumerkinu Canis Major og er í 5000 ljósára fjarlægð frá okkar sólkerfi.

Hérna er mynd af sprengistjörnunni Eta Carinae, en þessi sól er uþb að fara að sprengja sjálfa sig í tætlur, ef hún er ekki nú þegar búin að því. En ljósið er 7500 ár að berast til okkar frá þessari sól.

Í umræddri frétt er það nefnt að eingöngu sé um að ræða lífrænt efnasamband, þá metan í þessu tilfelli. En það er talsvert af metan í alheiminum, í okkar sólkerfi er það bæði að finna á Jörðinni, Mars og Títan, en einnig hugsanlega á öðrum tunglum í sólkerfinu án þess að ég viti til þess.

Metan myndast við náttúrulegt niðurbrot á Jörðinni, en aftur á móti er það ekki það sem gerist í gasrisum (300C heitum) eins og þarna ræðir um. Aftur á móti er umrætt sólkerfi með sól af gerðinni k, en það er svipuð sólgerð og okkar eigið sólkerfi er með, en er þó talsvert kaldari en okkar eigin sól. Þó svo að gasrisin sé innar, þá er hugsanlegt að utar sé að finna bergplánetur. Ef að gasrisin hefur ekki rutt þeim útúr sólkerfinu þegar hann féll inn að sólinni á sínum tíma (nokkrum milljörðum árum síðan hugsanlega). En þetta sólkerfi er einnig tvíkerfi, en það þýðir að tvær sólir eru til staðar í þessu sólkerfi. En slíkt útilokar samt sem ekki líf á bergplánetu, ef að réttar aðstæður hafa skapast. Hægt er að lesa nánar um þetta sólkerfi hérna, en þarna er meðal annars hægt að sjá á stjörnukorti hvar þetta sólkerfi er ásamt fleiri upplýsingum.

Einnig samkvæmt fréttum þá hefur komið í ljós að líklegt er að sólkerfið Alpha Centauri 3 hafi allavega eina bergplánetu eða fleiri á braut um sig. Þó er eftir að afla meiri gagna um hugsanlega plánetu í þessu þriggja sóla kerfi sem er ekki nema 4,4 ljósár í burtu frá okkur. Það verður áhugavert að fylgjast með hvað vísindamenn eiga eftir að finna í framtíðinni. En ef þarna eru plánetur á stærð við Jörðina þá er hugsanlegt að þarna sé að finna líf, ef réttar aðstæður hafa skapast til þess að það nái að þróast og dafna.

Samkvæmt Vísindamönnum þá hófst í dag Sólsveifla 24 (Solar Cycle 24). En upphafið var markað með sólbletti sem er norðarlega á sólinni og hefur öfuga pólstefnu. Nánar um þetta hérna.

Vísindamenn eru búnir að spá því að Sólsveifla 24 verði sú öflugasta í margar aldir. En svona tímabil valda truflunum á fjarskiptum á jörðu niðri og valda geimförum stórhættu. Einnig sem að sólgos geta rústað gervihnöttum á braut um jörðu og valda einnig truflunum á rafmangskerfum. Hægt er að sjá hættuskalana fyrir sólstorma hérna.