Myndir úr hungursneyðinni í Evrópu (Danmörku)

Í tilefni þess að Vigdís Hauksdóttir hélt því fram að það væri hungursneyð í Evrópu (sjá hérna). Þá ákvað ég að fara út og taka myndir af þessari hungursneyð í Danmörku. Þar sem Danmörk er í Evrópu og einnig í Evrópusambandinu. Samkvæmt Vigdísi Hauksdóttur þá ríkir í Danmörku hungursneyð hérna ásamt fleiri ríkjum sem eru í Evrópusambandinu. Ég nennti ekki að fara til Þýskalands til þess að taka myndir af hungursneyðinni þar. Mér vannst bara ekki tími til þess núna. Myndirnar eru teknar í SuperBrugsen Padborg.

2014-02-23-1035
Voðaleg fátækt í gangi í Danmörku eins og sjá má.

2014-02-23-1036
Þetta er alveg voðalegt ástand í Danmörku.

2014-02-23-1037
Ekki batnar það.

2014-02-23-1038
Það er mikill skortur á matvælum í Evrópusambandinu eins og sjá má á þessari mynd.

Eins og sjá má á þessum myndum er ástandið alveg voðalegt hérna í Danmörku. Engin matvæli til í búðum og fólk svangt og getur ekki keypt sér í matinn og gífurleg hungursneyð í gangi.

Varðmenn íslenskrar spillingar

Ég benti á það á Eyjunni í dag að þrátt fyrir að í nýjasta lekanum hefðu tölur verið hafðar rangar eftir úr umræddum gögnum. Þá væri Bjarni Benediktsson núverandi fjármálaráðherra Íslands engu að síður viðriðin gríðarstórt og umfangsmikið spillingarmál. Á hinum norðurlöndunum væri Bjarni Benediktsson komin í fangelsi með áratuga dóma fyrir þessa spillingu. Það gerist hinsvegar ekki á Íslandi. Það sem gerist á Íslandi er hinsvegar þetta hérna. Varðmenn spillingar og þjófa stökkva fram og fara að verja ógeðið af fullum krafti.

Hérna eru tvö góð dæmi um slíkt.

sveinbjorn.kristinnsson.eyjan.is.30-Desember-2013
Hérna er ég sakaður um að brjóta lög og bótasvik. Viðkomandi sakar mig einnig um að lemja konur og börn, ég á reyndar ekki konu eða börn. Viðkomandi felur þetta síðan með því að þykjast fara bara í manninn. Ég drekk ennfremur ekki áfengi og hef aldrei gert það.

ragnhildur.kolka.30-Desember-2013.eyjan.is
Hérna er ég sakaður um að vera í Samfylkingunni. Stjórnmálaflokki sem ég hef ekki verið í síðan árið 2007 og skipti mér ekkert af í dag. Síðan kemur fleira bull um mig þarna og annað fólk sem er á móti svona spillingu á Íslandi.

Í þeim löndum sem íslendingar bera sig svo stoltir við fengju stjórnmálenn eins og Bjarni Benediktsson og Sigmundur Davíð Gunnlaugsson ekki að vera við völd. Þar sem staðreyndin er mjög einföld. Þessir menn eru gjörspilltir og ekkert breytir þeirri staðreynd.

Varðmenn spillingar eru hinsvegar uppteknir á Íslandi að verja þessi verk Bjarna Benediktssonar. Á meðan Bjarni Benediktsson sjálfur kallar þetta allt saman lygi. Þó svo að fingraför hans séu yfir öllu saman í dag og samverkarmanna hans.

Ég hef því miður ekki ennþá getað kynnt mér nýjasta lekann. Það verður gert fljótlega eftir áramót. Frétt eyjunnar og ummæli í minn garð er hægt að lesa hérna.

Bloggfærsla uppfærð klukkan 00:43 þann 31-Desember-2013.

Nútímagoðsögnin um ókunninga menn sem reyna að tæla börn upp í bíla

Ég hef haft mikinn áhuga á einum flokki frétta á Íslandi. Þessi flokkur frétta byrjaði ekki að koma fram fyrr en eftir efnahagshrun og almenna hysteríu í íslensku þjóðfélagi. Þessi fjölda hystería (Mass hysteria) virðist vera einhversskonar útrás fyrir foreldra á sínum verstu ótta. Áhugi minn á þessum fréttum er mjög einfaldur. Þessar fréttir hafa yfir sér blæ nútímagoðsagna sem ég hef mikinn áhuga á.

Sjá einnig: Top 10 Bizarre Cases of Mass Hysteria

Mönnum sem ræna börnum til þess að misnota þau. Hvernig þessi ótti hefur komið fram er hinsvegar það sem er áhugavert. Þessi hystería hefur smitast niður til barnanna, sem núna tilkynna til skóla og hrædda foreldra um alla þá karlmenn sem eru nálægt grunnskólum Reykjavíkurborgar og sem voga sér að líta á börnin í grunnskólanum. Jafnvel þó svo að þeir hafi ekki neitt illt í hyggju, og séu jafnvel bara að vinna störf sín í nágrenni við grunnskólana Reykjavíkur og nágrennis.

Þróun þessa máls er áhugaverð með einsdæmum. Í fyrsta tilfellinu þar sem þetta kom fram, en það var árið 2008 þann 15 Janúar. Í því tilfelli áttu mennirnir að vera þrír talsins og á grænum bíl.

“Samkvæmt upplýsingum lögreglu munu þrír menn á grænum bíl hafa reynt að ná barninu upp í bílinn en atvik eru um margt óljós og hefur lögreglan mjög fáar vísbendingar að vinna eftir. Atvikið mun hafa orðið á skólatíma og mun hafa verið reynt að toga barnið upp í umræddan bíl. Það tókst þó ekki og gaf stúlkan lýsingu á bílnum. ”
Morgunblaðið 15. Janúar 2008, Reynt að nema barn á brott af skólalóð

Hinsvegar þann 30. Janúar 2008 kom þessi hérna frétt hjá Morgunblaðinu.

“Lögreglan á höfuðborgarsvæðinu hefur lokið rannsókn á máli sem upp kom við Laugarnesskóla í byrjun janúar þar sem talið var að reynt hefði verið að nema á brott 8 ára stúlku sem er nemandi í skólanum. Lögreglan hefur ákveðið að aðhafast ekki frekar í málinu þar sem sýnt þykir að atburðurinn hafi ekki átt sér stað.

Málið vakti mikinn óhug í hverfinu en stúlkan sagði þrjá menn á grænum bíl hafa reynt að ná sér upp í bílinn án árangurs.”
Morgunblaðið 30. Janúar 2008. Ekki reynt að ræna barni

Þetta eru einu fréttirnar af svona atburðum fyrir árið 2008. Bara einn atburður. Það sama gerist árið 2009. Þegar tvær fréttir eru skráðar hjá mér af svona atburðum.

Sú fyrri er 5. Mars 2009.

Maður reyndi að tæla stúlku í Langholtshverfi (5. Mars 2009)

Seinni fréttin er 19. Nóvember 2009.

Lögreglan leitar barnaperra (19. Nóvember 2009)

Fyrir árið 2010 fann ég ekki neina frétt um svona atburð. Kannski bara yfirsjón af minni hálfu. Hinsvegar efast ég um það.

Fyrir árið 2011, sem er farið að skera sig úr tilkynningum um svona mál. Þá eru komnar fyrir árið 24 tilkynningar um meintar tælingar á börnum upp í bíla. Þetta er með nýjasta tilfellinu, en í Apríl voru tilkynninganar orðnar 23 talsins.

Í einu tilfelli töldu tvær stelpur á Akranesi að maður með lambhúshettu hefði verið elta þær (frétt hér). Í því tilfelli kom fram að móðurinn er að hræða líftóruna úr börnum sínum með daglegum fundum um hættuna af ókunnugum mönnum sem tæla börn upp í bíla. Það kemur því lítið á óvart að börn konunar hafi verið hrædd. Þar sem sjálf móðurinn var búinn að hræða lífstóruna úr börnunum með þessum heimilis-fundum sínum.

Fyrir árið 2011 þá hefur aðeins verið komið upp um 5 mál af þessu 24 málum. Þessi 5 mál sem um ræðir hafa átt sér eðlilegar skýringar og lögreglan hefur ekkert aðhafst meira. Í restina af þessum málum, eða í 19 málum hefur ekkert fundist. Hvorki umræddur bíll eða mennirnir sem á um að ræða. Þar sem Ísland er bara takmörkuð stærð, og það eru eftirlitsmyndavélar við alla grunnskóla í Reykjavík og nágrenni. Þá finnst mér ólíklegt að lögreglan hafi ekki haft neitt til þess að vinna eftir. Í þeim tilfellum þar sem skýringanar voru eðlilegar (nema kannski á hræddu barninu) tók það lögregluna ekki langan tíma að finna út hver var þar á ferðinni.

Dagsetningar frétta af þessum málum fyrir árið 2011. Svo að fólk átti sig á tímaröðinni í þessum málum. Ég tel víst að mig vanti ekki neinar fréttir af þessum málum. Eftir því sem ég kemst næst.

1: 5. Mars 2011. Foreldrar varaðir við: Tveir karlmenn reyndu að lokka átta ára pilt upp í bíl til sín
2: 10. Mars 2011. Reyndu að tæla 8 og 13 ára telpur inn í bíl: Lögregla leitar í kringum grunnskóla höfuðborgarsvæðisins
3: 14. Mars 2011. Þrettán ára stúlka flýði menn á svörtum bíl
4: 14. Mars 2011. Leikfangaperrinn enn á ferðinni – Reyndi að lokka ungan dreng upp í bíl með loforði um legókubba
15. Mars 2011. Lögregla um leikfangaperra: Óvenju gróft tilfelli – Erum að gera allt til að hafa uppi á honum (Umfjöllun um málið frá 14. Mars)
5: 21. Mars 2011. Móðir á Akranesi: Karl með lambhúshettu elti þær – Tvær 11 ára í algjöru taugaáfalli
6: 23. Mars 2011. Maður reyndi að tæla dreng upp í bíl við Vatnsendaskóla í Kópavogi – Var á gulllituðum pallbíl

Þetta mál var leiðrétt, með þessari tilkynningu. “Kæru foreldrar!
Við erum búin að fá skýringu á hver bílstjórinn er. Hann var að aka sínum börnum í skólann úr Þingahverfinu. Börnin í aftursætinu sáust ekki þar sem afturrúður eru skyggðar. Bílstjórinn ætlaði að bjóða öðrum dreng far í morgun sem hann er vanur að taka með á morgnana en ruglaðist á drengjum. Við erum mjög glöð að málið er upplýst.
Kær kveðja Guðrún Soffía Jónasdóttir skólastjóri Vatnsendaskóla”

7: 7. Apríl 2011. Maður á svörtum skutbíl reyndi að lokka barn við Sæmundarskóla
11. Apríl 2011. Óþægilegt að vera bendlaður við svona mál. Útskýring á málinu 7. Apríl.
8: 9. Maí 2011. Nokkrir menn reyndu að lokka börn upp í sendibifreið í dag (Vísir.is)

Reynt að lokka börn upp í rauðan sendiferðabíl (DV.is)

Reyndu að ginna drengi inn í bíl (Sama og 9. Maí, fréttin kom þó á mbl.is 10. Maí)

Það er áhugavert gatið á milli Apríl og Maí. Þar sem þessar tilkynningar virðast hafa gjörsamlega gufað upp. Ég ætla eingöngu að geta mér til um ástæðuna hvers vegna það er. Ástæðan fyrir því afhverju þessar tilkynningar hurfu á tímabili á milli Apríl og Maí er sú að þarna á milli var Icesave kosningin og íslenska þjóðfélagið logaði í illdeilum um Icesave. Á meðan það á sér stað. Þá hurfu þessar fréttir úr fjölmiðlum, og mig grunar einnig að tilkynningar um þessi mál hafi einnig horfið á sama tíma hjá lögreglunni. Ég get þó ekki fullrt að svo sé fyrir víst án gagna til þess að sanna mál mitt óvéfengjanlega.

Hvað varðar um þessa meintu menn sem þarna eiga að vera á ferðinni. Þá þykir mér það vera nokkuð augljóst að það er erfitt að hafa uppi á mönnum og bílum sem eru ekki til. Enda hafa þeir ekki fundist, þrátt fyrir fjöldann allan af tilkynningum um þessa menn yfir nokkura vikna tímabil jafnvel. Þeir sem hafa fundist hafa haft fullkomlega eðlilegar skýringar á sínum málum.

Það er alveg ljóst að börnum er rænt með þessum hætti stundum (þá er reyndar dýr notuð, en ekki nammi eða leikföng). Það hefur gerst erlendis (Bandaríkjunum, Bretlandi, Svíþjóð osfrv). Hinsvegar er mér ekki kunnugt um neitt svona tilfelli á Íslandi síðustu áratugi. Þetta getur auðvitað hafa gerst án þess að ég viti til. Hinsvegar er ljóst að þessi mál eru mjög sjaldgæf á Íslandi.

Sjá nánar: Child abduction (Wikipedia)

Ég á hinsvegar von á því að sjá fleiri svona mál á næstu mánuðum. Það mun hinsvegar koma hlé núna þegar grunnskólinn fer í sumarfrí. Þannig að ég reikna ekki með nýrri tilkynningu um svona mál fyrr en í fyrsta lagi í Nóvember, kannski fyrr. Það gæti hinsvegar ekki komið ný tilkynning um svona mál fyrr en í Febrúar eða Mars 2012. Enda virðast flestar tilkynningar byrja þá af einhverjum ástæðum.

Lögreglan kom snemma í morgun

Í morgun þegar ég fór fram í morgunmat um klukkan 07:40 þá blöstu við mér tveir lögreglubílar á bílastæði heimavistarinnar. Ég er í skóla á Sauðarkróki og bý þessa dagana á heimavist FNV (útskýrir fáar bloggfærslur, enda er einstaklega slæmt internet samband á heimavistinni og herbergið mitt er internetlaust þessa dagana af einhverjum ástæðum og þjónustu aðilinn hérna er greinilega ekki að flýta sér að gera við þetta sambandsleysi). Fljótlega bættist einn lögreglubíll við, þannig að um tíma voru þrír lögreglubílar fyrir utan heimavistina.

Ólíkt því sem hefur komið fram í fréttum, þá var ekki leitað í öllum herbergjum á heimavistinni. Heldur var aðeins leitað í herbergjum ákveðinna aðila. Einnig sem það var leitað í herbergi aðila sem var búið að reka af heimavistinni vegna ýmissa brota á reglum skólans og annara vandamála í kringum viðkomandi.

Ég hef lítið frétt af þessari leit, fyrir utan það sem komið hefur fram í fjölmiðlum. Annars sást lögreglan aftur á heimavistinni í kringum klukkan 11:00, þá bara einn bíll. Ég hef ekki hugmynd hvað þeir voru að gera á heimavistinni á þeim tíma.

Tengist frétt: Fíkniefnaleit á Sauðárkróki

Þegar hótaninar fóru að berast

Það stóð ekki að viðbrögðunum hjá þeim aðilum sem ollu því að ég skrifaði þennan hérna póst á bloggið mitt. Viðbrögðin voru þó önnur en ég átti von á. Í stað þess bara að rífast á netinu, þá ákvað viðkomandi fólk að fara að hóta mér. Já, ég sagði hóta mér. Ekki beinar hótanir, sem þannig yrðu kæranlegar til lögreglunnar. Heldur hótanir sem ganga útá það að “valda mér veseni”, þessar hótanir eru bæði óskýrar og óljósar. Þó er augljóst að hugsanlega stendur eitthvað á bak við þær. Það sem ég óttast mest er að viðkomandi aðilar fari að ljúga í stjórendur skólans sem ég er í. Sem er mun verra heldur en þær kjaftasögur og lygar sem viðkomandi eru núna þegar farnar að breiða út um mig.

Nánar um þessar hótanir. Það er ekki nóg með að umræddir einstaklingar hafi hótað að valda mér “veseni” yfir internetið. Heldur kom kærasti einnar þeirra og heimtaði að ég tæki umrædda færslu niður af internetinu, annars mundu þau fara að valda mér umræddu “veseni”. Ég auðvitað þvertók fyrir það, enda læt ég ekki svona rudda segja mér fyrir verkum, þó svo að mér sé hótað. Enda er það stefnan hjá mér að láta svona fólk ekki komast upp með svona. Enda er reynslan sú að það versnar þá bara við það..Umræddur kærasti sagðist einnig ekki vera hræddur við lögregluna, enda hefði hann verið handtekinn um síðustu helgi (líklega vegna drykkjuláta eða slagsmála?) og honum fyndist vera ekkert mál að vera handtekinn að lögreglunni. Síðan kallaði hann mig fífl og fávita þegar að hann fór inní herbergi hérna á vistinni (þar sem að hann var gestkomandi). Þess má einnig geta að umræddur kærasti gaf mér fokk-jú merki þegar ég var á gangi á Sauðarkróki í dag, þegar hann keyrði framhjá. Slíkt er auðvitað ekki vænlegt til samninga við mig. Ég hunsaði þetta og lét það ekki á mig fá. Aftur á móti vildi ég ekki tala við hann í kvöld, en varð því miður að gefa eftir þar sem ég hafði ekki aðra möguleika í stöðunni. Þangað til að ég var búinn að gefa honum þvert nei.

Ég gerði lauslegt bakgrunnstékk á umræddum aðilum og þá kom í ljós að umræddar stelpur voru að stunda grimmilegt einelti í grunnskóla. Umrætt einelti var víst svo slæmt, samkvæmt sögunni. Að stelpan sem varð fyrir eineltinu að skipta um skóla í 10 bekk. Ég er vissum að fólk kannast við þessa sögu. Ég tel einnig víst að þessi saga sé nokkuð rétt í heildina, þó svo að smáatriði gætu verið röng.

Það sem ég óttast í öllu þessu er sú staðreynd að þetta fólk virðist vera ofbeldishneigt, allavega er mjög stutt í þær tilhneginar hjá þeim. Miðað við óljósar hótanir um “vesen” hjá mér, frá þessu fólki. Ég vona þó að þetta fólk láti það vera að ráðst á mig, eða láti vini sína gera það. Þar sem að það er ekkert grín að lenda á sakaskrá eða í fangelsi.

Ég mun skrifa meira um þetta mál ef ástæða þykir til. Enda er eins gott að skrá þetta uppá framtíðina og vonandi gefa fólki kjark til þess að standa í hárinu á svona ruddum sem þrífast á því að gefið er eftir hótunum þeirra og níðingshætti.

Heimskt fólk (Tileinkað S. á Sauðarkróki)

Ég lenti í rimmu við manneskju á msn. Sem var búinn að ákveða nokkra hluti um greina hérna á undan. Hérna er það sem umrædd manneskja var búinn að ákveða um greinina og mig.

Í stuttu máli þá var umrædd stelpa búinn að ákveða að ég hefði ekki neitt vit á því sem ég var að skrifa í greinni hérna á undan. Ennfremur var hún búinn að ákveða að rannsóknir og kannanir í þessum málum hefðu ekkert að segja, vegna þess að þær væru álíka vitlausar og hefðu ekkert að segja. Umrædd stelpa var búinn að ákveða að ég væri bara þroskaheftur og vitlaus vegna skoðunnar minnar. Þessvegna hefði ég ekkert vit á umræddu máli. Einnig sem að viðkomandi stelpa fór að blanda reynslu inní þetta og ákvað að það skipti mestu máli þegar maður skrifar skoðun sína á hinum ýmsu málum. Viðkomandi blokkaði mig á msn og bað mig vinsamlegast að sleppa því að tala við sig aftur (hennar val og tap, mér er andskotans sama). Henni misfórst því miður sú staðreynd að ég hef ekki talað neitt við hana (fyrir utan einstaka hæ hér og þar), fyrir utan þessa rimmu hérna (þar sem hún var búinn að ákveða að hennar skoðun væri rétt en mín röng). Þannig að þetta er engin breyting fyrir mig hvort sem er.

Ennfremur þá fullyrti umrædd stelpa að ég þekkti ekki munin á kynlífi og nauðgun. Þessi fullyrðing hennar um mig er ekkert nema haugalygi af hennar hálfu. Einnig eru aðrar fullyrðingar hennar um mig ekkert nema lygar og rógburður, en ég reikna með því að hún sé farin að dreifa slíku núna á milli fólks. *

Ég reyndi auðvitað að rökræða við viðkomandi, en það gekk ekki þar sem að viðkomandi var búinn að ákveða að ég hefði rangt fyrir mér og að ég hefði ekkert vit á því sem ég væri að skrifa um.

Ég á ekki að þurfa að taka það fram að reynsla kemur skoðunum ekkert við, og að rannsóknir eru besta leiðin til þess að átta sig á stöðu mála í þjóðfélögum. Það er ennfremur vitað að bannríki ala ekki neitt gott af sér, sögulegar staðreyndir eru allt það sem þarf að horfa til í þessum efnum.

Ég hef þá reglu að kynna mér þau mál sem ég skrifa um. Ég mæli með að S. á Sauðarkróki geri hið sama.

Er S. treg ?

Þetta atvik er góður grunnur fyrir til þess að hefja rannsóknir á því í hvernig umhverfi öfgamenn koma útúr. Mér sýnist umrætt atvik benda til þess að öfgafullar skoðanir sem viðkomandi sýndi eigi grundvöll sinn í umhverfi sem hamlar viðkomandi. Umrædd persóna, eins og margar aðrar öfgamanneskjur, ber ekki með sér að vera með öfgaskoðanir. Verandi hlédræg manneskja þegar hún er út á meðal fólks. Það er hinsvegar staðreynd að útlit er blekkjandi. Eins og þetta atvik sannar.

[Breytt 17:47 þann 2 September 2008] * Þetta atriði gleymdist að setja inn þegar fyrsta útfærsla af þessari færslu var skrifuð. Þessi dálkur er skrifaður svona vegna þeirra athugasemda sem hafa komið frá þessari stelpu við þessa bloggfærslu.

Vandamálið með vírusvörnina

Eins og segir í fyrra bloggi þá er ég kominn í framhaldsskóla. Álit mitt á netkerfi skólans sem ég er í er ekki mjög hátt, enda gefur reynsla mín af því ekki ástæðu til annars. Enda er sambandsleysi við internetið algengt hérna, síðast gerðist það í gær að öll heimavistin var sambandslaus við internetið. Ekki veit ég hver ástæðan var, en ég veit bara það að vpn þjónn skólans svaraði ekki. En nemendur á heimavist verða að nota vpn til þess að tengjast internetinu. Mig grunar að þetta sér gert til þess að koma í veg fyrir tölvuvírusfaraldra í skólanum, en þá er hver tölva einangruð frá öllum öðrum (þetta er líka notað til þess að hleypa aðeins löglegum notendum inná internetið), eða svo mætti halda en er ekki raunin. Þar sem að allar tölvur á heimavistinni eru tengdar inná sama staðarnet og deila því. Þannig að ef að það brýst út tölvuvírusfaraldur í skólanum, þá er allt netið sýkt og ein vpn tengin bjargar ekki neinu.

Önnur fáránleg krafa sem er sett á tölvunotendur hérna í FNV er sú staðreynd að nemendur eru krafðir um að setja upp vírusvörnina Office Scan frá Trend Micro (þessi vírusvörn er mjög léleg að mati þeirra sem ég hef talað við, þá helst að vírusvörnin hægi mjög á vinnslu Windows og tölvunar yfir heildina). Ég er reyndar ekki alveg á þeim buxunum að gefa upp þá vírusvörn sem ég er að nota, en ég er að nota aðra vírusvörn frá Trend Micro, en ég fékk þá vírusvörn frá Símanum og borga fyrir hana. En sú vírusvörn er einnig eldveggur í minni tölvu og fleira sem sú vírusvörn býður uppá.
Þegar ég spurði kerfisfræðing skólans um þetta, hvort að það væri ekki hægt fyrir mig að vera með mína vírusvörn í gangi, frekar en skólans. Þá var svarið að ég mundi þurfa að henda henni út og setja inn vírusvörn sem skólinn er með, þó svo að augljóst sé í mínum huga að vírusvörn skólans er mun lélegri en sú vírusvörn sem ég er nú þegar. Enda í hvert skipti sem ég logga mig inná tölvur skólans þá kemur alltaf upp að vírusvörnin sé útrunnin. En vírusvörnin í minni tölvu er alltaf uppfærð í ræsingu og á 12 tíma fresti eftir það.

Ég ætla mér að þrýsta á að fá vera með mína vírusvörn í minni tölvu og sleppa þessari vírusvörn sem skólinn er nú þegar að troða uppá nemendur skólans. Enda finnst mér vafasamt að skólinn geti krafist þess að þeir séu að nota vírusvörn frá þeim, þó svo að þeir séu með fullkomnlega gilda og góða vírusvörn sjálfir.
Ég hef einnig heyrt það frá samnemendum mínum hérna á vistinni að vírusvörn skólans hreinlega finni ekki þá vírusa sem hún eigi að finna. Fyrir utan það vesen sem þessi vírusvörn veldur nú þegar á tölvum nemenda, með því að hægja á vinnslu tölvu þeirra.

Það er einnig staðreynd að nemendur með MacOs X eru ekki krafðir um þessa vírusvörn. Þó svo að MacOs X vélar fái ekki vírus, þá er ekkert tæknilega sem segir að maður þurfi að vera með vírusvörn sem skólinn krefst og rukkar mann 1000 kr fyrir (önnin). Vírusvörn sem virðist ekki uppfæra sig almennilega að auki.

Ég ætla að sjá hvað gerist, en það á víst að tengja ferðavélar við internet skólans þann 16 Janúar, 2008. Það verður athugavert að sjá hvað gerist í kjölfarið.

Kominn í framhaldsskóla

Ástæða þess að lítið hefur verið að gerast á blogginu hjá mér undanfarið er sú að ég er kominn í framhaldsskóla. En sá skóli er FNV, eða Fjölbrautarskóli Norðurlands Vestra.

Ég er ekki ennþá búinn að fá tenginu við internetið í gegnum netkerfi skólans. En þeir sem sjá um þessi mál í skólanum eru víst ekkert að flýta sér, enda er víst búið að einkavæða netþjónstu við nemendur til fyrirtækis útí bæ. En mér sýnist að netþjónustan við nemendur hafi ekkert lagast síðan ég var í skóla hérna síðast og þá var hún ríkisvædd.

Ég get því miður ekki bloggað úr tölvum skólans, IE7 sem er notaður á öllum vélum skólans hrynur í hvert skipti sem ég ætla mér að fara að skrifa inná bloggið hjá mér. Ekki veit ég hvað veldur, en hinsvegar hef ég tekið eftir því að veiruvarnar forrit skólans lætur vita af úreltri veiruvörn sem er í gangi á vélum skólans.

Reyndar hef ég heyrt það að til þess að fá að tengjast neti skólans, þá þurfi ég að leyfa kerfisstjóra skólans að setja upp þeirra vírus vörn inní tölvuna hjá mér. En mér finnst það fáránlegt, sérstaklega þar sem umrædd vírusvörn er þekkta af nemendum skólans fyrir að hægja allsvakalega á tölvum nemenda. Ég tek ekki í mál að setja upp forrit sem hægir á tölvunni hjá mér. Mig minnir að umrætt veiruvarnarforrit sé Office útgáfan af veiruvarnarforriti Trend Micro, en ég er þó ekki viss.

Ég er einnig með ágæta vírusvörn í tölvunni hjá mér, sem er uppfærð einu sinni á dag að jafnaði. En veiruvörnin er alltaf uppfærð þegar ég kveiki á tölvunni. Nema þessa dagana vegna lélegs internetsambands.

Ég vona að ég komist í almennilegt internet samband á næstu dögum. Þannig að ég þurfi ekki að nota gsm símann mikið lengur til þess að kýkja á internetið.

Ég hef einnig ákveðið að segja mig útúr nemendafélagi skólans, græði afskaplega lítið á því að vera í því.