Stöðugur áróður Bændablaðsins gegn Evrópusambandinu

Hin gjörspilltu og ríkisstyrktu Bændasamtök Íslands reka í dag stöðugan og linnulausan áróður gegn Evrópusambandinu í gegnum Bændablaðið og vefsíðu Bændablaðsins sem kallast bbl.is. Allur þeirra áróður er eins og annar hver áróður, blanda af lygum og sannleika.

Núna nýjast er grein frá þeim sem kallast „Hið heilaga ESB„. Þar sem einhver fáfróður, illa menntaður og illra innrættur maður sem er titlaður ritstjóri Bændablaðsins kemur með lengstu þvælu um Evrópusambandið sem fæst fyrir allan þann pening sem dælt er í hítina sem Bændasamtökin og Bændablaðið er. Enda er bæði gjörspillt, handónýtt og rotið inn að kjarna og hefur valdið íslenskum bændum gífurlegu efnahagslegu tjóni með því að standa gegn aðild Íslands að Evrópusambandinu og almennri framþróun á Íslandi síðustu áratugina. Það eru ekki nein merki þess láta eigi af þeirri hegðun og því tjóni sem þetta veldur íslenskum bændum. Tap íslenskra bænda telur í milljöðrum á ári hverju og lítið mun breytast þar á næstunni.

Í umræddri grein er fullyrt að íslendingar muni láta af stjórn orkumála með því að samþykkja þriðja orkupakkann. Það er fyrir löngu búið að afsanna þessa fullyrðingu. Þetta er ekkert nema lygi sem sögð er í Bændablaðinu. Í fullyrðingum um tollasamning Íslands og Evrópusambandsins er þess ekki sagt frá því íslendingar geta núna flutt út meira til Evrópusambandsins en áður. Til að toppa rökleysuna, þá nefnir Bændablaðið Hitler og þar sem þetta er ekki umfjöllun um nasista og aðra slíka. Þá gildir Godwin’s law.

There are many corollaries to Godwin’s law, some considered more canonical (by being adopted by Godwin himself)[3] than others.[1] For example, there is a tradition in many newsgroups and other Internet discussion forums that, when a Hitler comparison is made, the thread is finished and whoever made the comparison loses whatever debate is in progress.[8] This principle is itself frequently referred to as Godwin’s law.[9]

Godwin’s law (Wikipedia)

Bændablaðið og Bændsamtök Íslands eru búin að tapa rökræðunni og þeim væri best að leggja sjálfa sig niður.

Skjáskot af umræddri grein.

Staðreyndin er að Bændasamtök Íslands eru gjörspillt peningahít sem almenningur á Íslandi borgar fyrir dýrum dómi. Þessi samtök viðhalda einokun og háu landbúnaðarverði á Íslandi á kostnað neytenda og íslenskra bænda (framleiðanda). Íslenska ríkið var dæmt í órétti fyrir dómstólum EFTA varðandi bann á ferskum kjötvörum til Íslands. Það er alveg ljóst í því máli að málflutningur Bændasamtaka Íslands er haugur af þvælu. Ástæða þess að Bændasamtök Íslands eru svona á móti Evrópusambandinu snýst um peninga. Ef Ísland gengur í Evrópusambandið þá fá Bændasamtök Íslands ekki ótakmarkaðan aðgang að ríkissjóði Íslands eins og er núna í dag. Innan Evrópusambandsins er sérstök greiðslustofnun sem sér um greiðslur til bænda. Á Íslandi eru það Bændasamtök Íslands og eru á sama tíma hagsmunaaðili fyrir íslenska bændur. Þetta eru glórulausir hagsmunaárekstrar enda sitja Bændasamtök Íslands beggja vegna borðsins í þessu og það er ekki eðlilegt. Þegar Ísland var í aðildarferli að Evrópusambandinu þá mótmæltu Bændasamtök Íslands því að taka ætti fjárveitingarvaldið af þeim (greiðslur til bænda) og færa til sérstakarar greiðslustofnunar sem yrði stofnuð áður en Ísland mundi ganga inn í Evrópusambandið.

Bændasamtök Íslands og Bændablaðið eru einnig búinn að tapa rökræðunni með nýjustu ritstjórnargreininni.

Lygaþvælan í Heimssýn varðandi Orkurstofnun Evrópusambandsins (ACER)

Heimssýn og Nej til EU í Noregi eiga það sameiginlegt að báðir hópar eru samfélag fólks sem eru raðlygarar, einangrunarsinnar og fólk með fasískar tilhneigingar og vilja gjarnan koma þessum fasískum tilhneigingum í verk frekar en bara að tala um þær. Það er langur listi sem þetta fólk er á móti en það er ekki til umfjöllunar í þessari grein. Það verður að bíða síðari tíma. Ég er að skrifa gegn þessari hérna grein sem var birt á vefsíðu Heimssýnar þann 23. Apríl síðastliðinn.

Ísland er nú þegar hluti af raforkumarkaði Evrópusambandsins. Það sést best á öllum þeim orkufyrirtækjum sem eru núna starfandi á Íslandi, þar sem íslendingar tóku upp fyrsta pakka raforkulaga Evrópusambandsins fyrir nokkrum árum síðan í gegnum EES samninginn.

Hlutverk Orkustofnunar Evrópusambandsins (ACER) er að tryggja að raforkumarkaðurinn virki rétt, samkeppni sé virk. Auk þess þá hjálpar Orkustofnun Evrópusambandsins (ACER) aðildarríki Evrópusambandsins og EES að standa að stefnumótun á orkumarkaði í viðkomandi ríki. Heilstæð stefnumótun er eitthvað sem stórkostlega vantar á Íslandi. Ástæða þess að Ísland hefur ekki atkvæðisrétt hjá Orkurstofnun Evrópusambandsins er sú staðreynd að Ísland er ekki aðildarríki að Evrópusambandinu. Ef íslendingar vilja atkvæðarétt innan Orkustofnunar Evrópusambandsins þá verða íslendingar að ganga í Evrópusambandið og gerst fullgildir aðilar að því.

Það er síðan lygi frá upphafi til enda að Evrópusambandið ætli að krefjast þess að íslendingar fari í það að leggja rafmagnsstreng frá Íslandi til Skotland. Heimskan hjá Heimssýn virðast valda því að fólkið þar áttar sig ekki á því að Bretland er á leiðinni úr Evrópusambandinu. Það er ennfremur ekki efnahagslega hagbært að leggja sæstreng frá Íslandi til Evrópusambandsins. Slíkur strengur yrði gífurlega dýr í rekstri og viðnámið eitt og sér í strengnum mundi tryggja það að lítið yrði um raforku 2200 km sunnar við strendur Holland eða Danmerkur (sem yrði næsti hagstæði tengipunktur við Evrópusambandið). Í grein Heimssýnar er talað um 1200W rafstreng til Skotlands (skýrsla Orkustofnunar talar um 1000MW streng sem er örlítið meira en mjög lítið engu að síður). Það er svo lítil raforka á raforkumarkað Evrópusambandsins að það tekur því ekki einu sinni að tala um það. Samkvæmt CIA Factbook þá framleiddu öll aðildarríki Evrópusambandsins 3.166 trillion kWh (2015 est.) í raforku árið 2015. Öll raforkuframleiðsla íslendinga er ennfremur lítil í þessu samhengi og það borgar sig ekki fyrir íslendinga eða aðra að leggja út í kostnað að tengja Ísland við Evrópska raforkunetið, þó svo að marga dreymi um slíkt (vegna græðgi).

Það borgar sig ekki fyrir Portúgal að tengja Azores eyjar (íbúafjöldi svipaður og Ísland) við Evrópska raforkunetið (fjarlægðin er svipuð ef miðað er við Skotland). Það er því ljóst að fullyrðingar Heimssýnar um Ísland verði tengt Evrópska raforkunetinu eru ekkert nema lygaþvæla sem ekki er mark á takandi. Skýrsla Orkustofnunar frá árinu 2016 nefnir mjög skýrt að mjög erfitt sé að standa undir þessu efnahagslega, jafnvel bara milli Íslands og Færeyja þar sem hægt yrði að leggja streng á milli án mikilla vandræða. Skýrsluna er hægt að lesa hérna (pdf). Það er síðan alltaf ríkjanna sjálfra að ákveða hvernig þessum málum er stjórnað og hvaða ákvarðanir eru teknar. Þetta tilheyrir ekki undir stjórnunarsvið Evrópusambandsins og hefur aldrei gert það. Það verkefni sem Heimssýn talar um þarna og kallast Ice Link er ákvörðun sem ríkisstjórn Íslands hefur tekið á einhverjum tímapunkti og látið fara í efnahagslegt mat og rannsóknir og skýrslugerð.

Það er alveg ljóst að lítið mark er takandi á Heimssýn og samtökum sem styðja þá. Enda er það sem kemur frá þeim ekkert annað en rangfærslur og lygar.

Vefsíður Evrópusambandsins

Agency for the Cooperation of Energy Regulators (ACER)
Orkustofnun Evrópusambandsins (Agency for the Cooperation of Energy Regulators (ACER))
A fully-integrated internal energy market

Þingmenn Vinstri Grænna bætast við hálfvitahópinn á Alþingi

Það er alveg ljóst að hvorki Vinstri Grænir, Sjálfstæðisflokkurinn eða Framsóknarflokkurinn (ég er viljandi að hunsa rugludallana í Flokki fólksins og Miðflokknum) skilja ekki hvað orkumálastefna Evrópusambandsins gengur útá. Meðal annars er það stefna orkumálastefnu Evrópusambandsins að gera orkuframleiðslu eins umhverfisvæna og hægt er. Það sem um er að ræða í fréttinni er eftirlitstofnun með orkumarkaðinu, ekki hvernig orkan er framleidd. Heldur hvernig orkan er seld og að þau fyrirtæki sem starfa á þessum markaði séu að fara eftir reglum um sölu á orku til almennings og fyrirtækja. Eins og ég hef nefnt í fyrri greinum um þetta mál.

Það er hinsvegar skömm íslenskra fjölmiðla að taka ekki á þeim fullyrðingum sem Vinstri Grænir setja hérna fram. Enda eru þessar fullyrðingar um Evrópusambandið og orkumálastefnu þess að lágmarki þekkingarleysi og í versta tilfelli lygar viðkomandi þingmanns. Þingmaður Vinstri Grænna er ekki nefndur í frétt Rúv en hætti að segja af sér þingmennsku án tafar, það er alveg ljóst að hann er ekki hæfur til þess að sitja á Alþingi vegna heimsku og skorts á færni til þess að afla sér upplýsinga.

Frétt Rúv

Efast um þátttöku í samevrópska orkukerfinu

Græn Orkustefna Evrópusambandsins

Renewable energy (Vefsíða Evrópusambandsins)

Framsóknarflokkurinn, Sjálfstæðisflokkurinn og Heimssýn eru á móti Orkustofnun Evrópusambandsins

Evrópusambandið [opinber vefsíða er hérna] hefur stofnun sem á samræma og vinna með aðildarríkjum um orkustefnu viðkomandi ríkis. Bæði Framsóknarflokkurinn og Heimssýn eru á móti þessari stofnun vegna þess að hvorki Heimssýn eða Framsóknarflokkurinn skilja hvað er um að ræða hérna.

Þessari stofnun sem kallast Agency for the Cooperation of Energy Regulators (ACER) [sjá einnig hérna] er einnig ætla að passa upp á það að lögum og reglum á fylgt á raforkumarkaðinum. Það er alveg ljóst að hvorki Framsóknarflokkurinn eða Heimssýn vilja slíkt eftirlit og mig grunar að þetta nái einnig til Sjálfstæðisflokksins og Vinstri Grænna.

Sú fullyrðing sem Heimssýn og Framsóknarflokkurinn setja fram í grein hérna um að þetta sé að ræða stjórnun Evrópusambandsins á raforkumálum íslendinga er lygi frá upphafi til enda. Það er hinsvegar ekkert nýtt að bæði Heimssýn og Framsóknarflokkurinn vilji gefa svindlurum frjálsan aðgang að markaðinum þar sem þeir geta okrað á fólki án þess að nokkurt yfirvald geri við það athugasemdir. Þessu er síðan slegið í áróður þar sem bullað er um fullveldi og það verði að hafa stjórnunina á Íslandi. Staðreyndin er reyndar sú að stjórnun íslendinga orkumálum fer aldrei neitt en Orkustofnun Evrópusambandsins mun koma í veg fyrir svindl á íslenskum orkumarkaði og að lög séu brotin.

Íslendingar hafa síðan ekkert val í því að taka upp þessi lög frá Evrópusambandinu. Þetta er hluti af EES samningum og ef íslendingar vilja ekki fella EES samninginn úr gildi þá verður að taka þessi lög upp í íslenskan lagarétt. Það eru engar undantekningar í boði.

Uppfært þann 19-Mars-2018 klukkan 00:51.

Sjálfstæðisflokkurinn hefur bæst við þá stjórnmálaflokka sem eru á móti Orkumálastofnun Evrópusambandsins án þess þó að hafa nokkra hugmynd um hvað málið snýst eða hvað það varðar. Þessu hafa heimskingjarnir hjá Heimssýn fagnað í nýrri grein sem var birt í kvöld. Það er ekkert hægt að rökræða við þetta fólk þar sem það er bæði heimskt, hrokafullt og neitar að skilja um hvað málið snýst. Þetta hinsvegar breytir ekki neinu um þá staðreynd að íslendingar verða að taka þetta upp í landslög Íslands vegna EES samningins.

Evran er bara fyrir moldríka vini Sjálfstæðisflokksins á Íslandi

Það er alveg ljóst að Sjálfstæðisflokkurinn lítur svo á að evran og Evrópusambandið sé eingöngu fyrir hina ríku vini Sjálfstæðisflokksins og þar er helst að nefna Samtök fyrirtækja í sjávarútvegi (SFS) og síðan aðra sem eru ríkir og eru vinir valdamanna í Sjálfstæðisflokknum. Með því að halda evrunni og aðild Íslands að Evrópusambandinu frá almenningi á getur Sjálfstæðisflokkurinn haldið um alla þræði spillingarinnar sem er núna ríkjandi á Íslandi. Þannig er einnig hægt að spila með gengi krónunnar, kaupa evrur þegar gengið er hagstætt og selja þegar gengið versnar eins og gerist reglulega á Íslandi vegna lélegar efnahagstjórnar af hálfu vanhæfra ráðamanna úr röðum Sjálfstæðisflokksins.

Það væri besta og öflugasta efnahaglegasta stefna fyrir íslendinga að ganga í Evrópusambandið og taka upp evruna sem gjaldmiðil. Fyrir utan þá kosti þá yrði vegakerfið á Íslandi uppfært í upp í þá staðla sem Evrópusambandið hefur varðandi vegakerfi aðildarríkja sinna. Almenningur mundi stórgræða á aðild Íslands að Evrópusambandinu. Að auki yrðu verðtryggð húsnæðislán úr sögunni með upptöku evrunar á Íslandi.

Þegar formenn Sjálfstæðisflokksins tala um að hafa stjórnina á Íslandi þá eru þeir um að tala stjórn Sjálfstæðisflokksins yfir Íslandi á sama hátt og glæpasamtök stjórna hagsmunum sínum. Stjórnmálaflokkar og glæpasamtök eru ekki alltaf óaðskilin fyrirbæri.

Heimssýn bryður samsæriskenningapillur um stjórnmálaflokkinn Viðreisn

Það er alveg ljóst á síðustu færslu Heimssýnar að fólkið þar gengur ekki heilt til skógar og er á kafi í heimasmíðum samsæriskenningum um hina og þessa. Allt saman sem er auðvitað tómt bull og stenst ekki neina skoðun eða staðreyndir.

Það er hinsvegar ekki ljóst hvort að Heimssýn brjóti lög með því að taka stöðugt undir áróður Rússlands um Evrópusambandið enda er leyndarhyggjan slík í Heimssýn að ekkert skín þar í gegn og enginn veit nema útvaldir hverjir eru að borga fyrir þessa áróðursstarfsemi á Íslandi gegn Evrópusambandinu. Það er hinsvegar alveg ljóst að Heimssýn mun hverfa á endanum enda er meðalaldurinn í þessum einangrunarklúbbi slíkur að næsti aðalfundur verður haldinn á einhverju elliheimilinu í Reykjavík (eða úti á landi).

Bændasamtökin ljúga kerfisbundið um hættuna af innflutning á matvælum

Bændasamtök Íslands ljúga kerfisbundið um stöðu mála á Íslandi. Staðreyndin er sú að Ísland er með sömu matvælalög og gilda annarstaðar í Evrópusambandinu og á Evrópska Efnahagssvæðinu. Líkunar á því að smitað kjöt berist til Íslands eru engar, enda lifa umræddar bakteríur og veirur ekki í dauðum vef. Þessar sýkingar þurfa lifandi dýr til þess að geta smitað áfram og það er ennfremur engar líkur því að beljur eða svín komist í tæri við kjöt af slátruðum beljum eða svínum í útihúsum þar sem þau eru hýst.

Það yrði enginn innflutningur á lambakjöti til Íslands. Vegna þess að á meginlandi Evrópu er svo til ekkert framleitt af lambakjöti til útflutnings og það sem er framleitt fer allt á innanlandsmarkað í viðkomandi ríkjum eða til nágrannaríkjanna. Ógerilsneydda mjólk þarf að gerilsneyða áður en hægt er að vinna úr henni vöru eins og osta og aðrar mjólkurvörur. Sýkingarhætta þar er því engin.

Það eru afskaplega lítil hætta á smiti í fuglum vegna eggja, þar sem farfuglar koma til Íslands árlega og það sem þrífst í þeim (sjúkdómar) getur einnig þrifist í hænsnum ef hænunnar komast nærri veikum fugli.

Bændasamtökin geta ekki fengið dómi EFTA breytt og Evrópusambandið mun ekki samþykkja neinar undanþágur fyrir íslendinga. Enda hefur Evrópusambandið sína eigin sérfræðinga sem eru margfalt betri og óháðari en spillingaröflin sem er að finna innan Bændasamtaka Íslands. Það á að svipta Bændasamtök Íslands öllu fjármálavaldi sem samtökin hafa yfir íslenskum bændum enda er hérna um að ræða alvarlega hagsmunarárekstra sem ekki er hægt að sætta sig við. Síðan á að afnema með öllu þá einokun sem er á sölu mjólkurvara á Íslandi og er varin með lögum. Mjólkursamsalan getur verið á frjálsum markaði eins og önnur fyrirtæki á Íslandi. Það er ekki réttlætanlegt að þetta fyrirtæki sé varið með lögum sem eru hugsanlega brot á stjórnarskrá en örugglega brot á Samningum um Evrópskt Efnahagsvæði.

Frétt Rúv

Óttast áhrif hráakjötsdóms og tollasamnings

Hið hættulega og öfgafulla íhald og afturhald í Vinstri Grænum

Ögmundur Jónasson [Wikipedia grein hérna] er einn af áhrifamönnum í Vinstri Grænum. Vegna hans eru Vinstri Grænir öfgafullur vinstri íhaldsflokkur sem er með efnahags og alþjóðastefnu sem er hættuleg íslenska ríkinu. Þetta þýðir einnig að Vinstri Grænir eru ekkert betri heldur sjálfstæðisflokkurinn, framsóknarflokkurinn og miðflokkurinn hvað þetta varðar.

Hugmyndafræði Ögmundar og fleiri sem eru á nákvæmlega sömu skoðun og hann er mjög einföld. Það á að einangra Ísland með öllum tiltækum ráðum. Vinsæl aðferð hjá þessum fávitum er að vitna alltaf til hina „vondu“ reglugerða og laga sem koma frá Evrópusambandinu (ESB) í gegnum Evrópska Efnahagssvæðið (EES). Það er talað um að Evrópusambandið og lög þess séu alltaf til vandræða og vond. Evrópusambandið er eingöngu vont ef að þú ert gjörspilltur stjórnmálamaður og ofan á það gjörsamlega vanhæfur einstaklingur til þess að vera í stjórnmálum almennt. Þökk sé Evrópusambandinu þá njóta íslendingar meira frelsis í dag en nokkurntímann eftir stofnun íslenska ríkisins (1918) og eftir að sjálfstæði fékkst frá Konungsríkinu Danmörku árið 1945. Árin sem Ísland var utan EFTA og EES voru þau ár þegar íslendingar þurftu að sæta gífurlegum takmörkunum á frelsi, hvort sem um var að ræða frelsi til þess að flytja inn vörur eða ferðast um Evrópu ásamt réttinum til þess að búa og starfa í Evrópu án þess að þurfa að sæta vegabréfatakmörkunum.

Ögmundur Jónasson kvart mikið undan áhrifaleysi gagnvart Evrópusambandinu (eins gera fleiri andstæðingar Evrópusambandsins). Ástæðan fyrir þessu er auðvitað sú að Ísland er ekki aðili að Evrópusambandinu. Ísland fær eingöngu aðgang að innri markaði Evrópusambandsins ásamt ferðafrelsi í gegnum tvíhliðasamninginn sem Evrópska Efnahagssvæðið er. Einhverjar athugasemdir geta EES ríkin gert í upphafi lagasetningarferlinu hjá Evrópusambandinu en það er mjög takmarkað ferli og ekki víst að þær athugasemdir lifi allt lagasetningaferlið hjá Evrópusambandinu vegna þess að Ísland á ekki neina fulltrúa sem koma að því ferli.

Önnur vinsæl þvæla hjá andstæðingum Evrópusambandsins er að halda því fram að landbúnaðarvara sem seld er innan Evrópusambandsins sé sýkt og samkvæmt nýjustu grein frá Ögmundi (sem er ástæðan fyrir þessum skrifum mínum) þá heldur Ögmundur fram þessum lygum í nýlegri grein í Morgunblaðinu (sem var víst birt í dag 26-Febrúar-2018). Þetta er allt saman haugalygi í Ögmundi og fleiri ESB andstæðingum um stöðu landbúnaðarvara innan ESB. Allur lagabálki Íslands um heilbrigði matvæla á Íslandi er kominn frá ESB. Ef íslendingar hefðu ekki tekið þau lög upp í íslenskum lagarétti þá hefði Evrópusambandið einfaldlega bannað innflutning á matvöru frá Ísland til Evrópusambandsins (fiskur, kjöt osfrv).

Það er alveg ljóst að Ögmundur Jónasson er öfgafullur íhaldsmaður þegar öfgafyllsta fólkið í sjálfstæðisflokknum tekur undir það sem Ögmundur Jónasson skrifar. Það þarf að verja Ísland gegn öfgafullum einstaklingum eins og Ögmundi Jónassyni. Menn og konur eins og Ögmundur Jónasson koma í veg fyrir framfarir og skerða réttindi almennings á Íslandi, fyrir utan alla þá spillingu sem þrífst í skjóli svona fólks og hugsunarháttar.

Viðskiptabönn Bændasamtaka Íslands kosta sauðfjárbændur milljarða í tekjur

Sú hugmyndafræði sem keyrir Bændasamtök Íslands og andstöðu þeirra gagnvart Evrópusambandinu (Wikipedia á ensku hérna) er núna að kosta íslenska sauðfjárbændur milljarða í tekjur á ári þessa mánuðina. Ástæðan er sú að íslenskir sauðfjárbændur og íslenskir bændur almennt hafa ekki aðgang að 512 milljón manna markaði sem Evrópusambandið byggir á.

Ástæðan er sú að íslendingar hafa takmarkaðan innflutning inná markaði Evrópusambandsins með lambakjöt og aðrar vörur vegna tolla eins og fjallað er um á vefsíðu Evrópusambandsins hérna. Aðild Íslands að Evrópska Efnahagssvæðinu (EES) skiptir engu í þessu máli og er líklega býr til fleiri vandamál en það á að leysa. Samkvæmt þessari hérna (smella þarf á ‘Market Dashboard’fyrir nýjustu verðupplýsingar á markaði Evrópusambandsins) vefsíðu, þá getur íslenskur bóndi fengi 515,6€ á hver 100 kg af góðu lambi á markaði Evrópusambandsins í dag. Létt lamb fer á 552,9€ á hver 100kg núna í dag á markaði Evrópusambandsins.

Kjötfallið sem íslenskir bændur sitja uppi með og veldur tekjutapi hjá íslenskum sauðfjárbændum stafar eignöngu af þröngsýni og skorti á framsýni hjá Bændasamtökum Íslands. Það er stór markaður fyrir íslenskt lambakjöt en sá markaður er allur í Evrópusambandinu og á meðan íslendingar standa þar fyrir utan. Þá er sá markaður svo gott sem lokaður fyrir íslenska sauðfjárbændur.

Íslenskir sauðfjárbændur og aðrir eru að láta Bændasamtök Íslands að hafa sig að fíflum með stöðugri andstöðu þeirra við aðild Íslands að Evrópusambandinu. Ef íslenskir bændur vilja hafa það gott og halda áfram að hafa í sig á þá verða íslenskir bændur að láta af andstöðunni við aðild Íslands að Evrópusambandinu.