Category: Kjaftæði

Birt þann

Að koma með samsæriskenningasmiði í íslenska fjölmiðla er hneyksli!

Ég skil ekki afhverju Egill er að koma með samsæriskenningasmiði sem semja samsæriskenningar um allt mögulegt í Silfur Egils. Þetta gjaldfellir mikilvægi þáttarins Silfur Egils mikið. Enda er ekki bjóðandi að áhorfendum sé boðið uppá svona heilalausa þvælu, sem virðist við fyrstu sýn hafa mikið til síns máls, en er þegar nánar er skoðað ekkert nema helvítis kjaftæði. Það er enginn vafi á því að vefsíðan vald.org er svona samsæriskenningavefsíða sem kemur með hálf-sannleika, felur atriði sem henta ekki málflutningi höfunda hennar og fleira í þeim dúr. Byggir ennfremur á vafasömum rannsóknum sem standast ekki nánari skoðun og hafa í raun aldrei verið sannreyndar af utanaðkomandi aðilum (peer-review) eins og gert er þegar alvöru rannsóknir eru stundaðar.

Svona menn, eins og sá sem rekur vald.org eru eingöngu að auka tortryggni í samfélaginu og beinslíns kemur í veg fyrir að hægt sé að byggja upp traust innan þess.

Þegar þessir menn eru krafðir um sannanir fyrir málflutningi sínum, þá verður oft lítið um svör og ennþá minna um sannanir sem þessir menn geta vísað í máli sínu til stuðnings. Svona menn eru einnig snillingar í að halda fram hlutunum án þess að hafa nokkuð fyrir sér í þeim málefnum sem þeir halda fram. Þeir hrópa síðan „ég hafði rétt fyrir mér!“ þegar eitthvað gerist sem svipar til spádóma þeirra.

Það er einfalt að halda fram hvaða þvælu sem er, eins og Jóhannes (maðurinn á bak við vald.org) gerir. Það er þó erfiðara fyrir hann að standa við þessa þvælu, eða koma með sannanir fyrir málflutningi sínum. Það er reyndar kaldhæðin staðreynd að maðurinn hefur aldrei svo ég viti til verið rukkaður um staðreyndir eða heimildir fyrir máli sínu. Það ýtir ennfrekar undir þá skoðun að maðurinn sé bara að bulla eitthvað útí loftið, og hrósar síðan happi þegar honum er boðið í Silfur Egils til þess að boða þetta bull sitt þar fyrir stórum áhorfenda hópi á Íslandi.

Birt þann

Alain Lipietz tók ekki þátt í að semja ESB lög um innistæðtrygginar

Ég sé að á Vísir.is er verið að flagga samflokksmanni Evu Joly, honum Alain Lipietz sem höfundi innistæðtrygginakerfis ESB. Þetta hljómar allt saman voðalega vel þangað til að staðreyndinar eru skoðaðar. Það sem gerist þegar staðreyndinar eru skoðaðar er þetta hérna.

Þá kemur í ljós að þessi maður kom aldrei nokkurntíman nálægt því að semja innistæðtrygginalög ESB, hvorki fyrr eða síðar. Enda voru upprunalegu lögin samþykkt árið 1994, og Alain Lipietz var ekki kosin inná Evrópuþingið fyrr en árið 1999, hann komst aftur inná Evrópuþingið í kosningum árið 2008.

Hérna er vefsíða hans á Evrópuþingsvefnum, og hérna er Wiki vefsíðan um mannin. Því miður gjaldfellir þetta kjaftæði málflutning Evu Joly talsvert mikið að mínu mati.

Birt þann

Rangt hjá þér Árni Mathiesen

Bullið í Árna Mathiesen og sá hvítþvottur sem hann er að reyna að beita þarna er hrikalegur. Staðreyndin er að íslensk stjórnvöld sögðu sig frá gerðardómnum, þessi afsökun Árna fyrir því að íslensk stjórnvöld tóku ekki þátt í þessum gerðardómi eru ekki ný á nálinni, en eru ekkert réttari þrátt fyrir það.

Íslensk stjórnvöld gátu leyst Icesave málið með gerðardómi á sínum tíma, en kusu að gera það ekki. Seinni tíma afsakanir og útúrsnúningar Árna Mathiesen breyta engu þar um í þessu máli.

Frétt Pressunar.

Árni Mathiesen: Við vorum sviknir um gerðardóm í Icesave málinu

Birt þann

Faraldur í ímyndunarveiki og heimsku á Fréttablaðinu varðandi GSM/3G senda

Það er fraldur ímyndunarveiki og heimsku í gangi á Íslandi. Þessi ímyndunarveiki lýsir sér þannig að fólk er að búa til sjúkdóma sem það hefur ekki í huganum á sér. Þetta er kallað ímyndunarveiki sem getur orðið raunveruleg ef fólk einbeitir sér nógu mikið. Allri þessari ímyndunarveiki er beint gegn saklausum GSM/3G sendum farsímafyrirtækjanna á Íslandi.

Nýjasta fréttin hjá Fréttablaðinu um meinta hættu af GSM/3G sendum fjarskiptafyrirtækjanna hefur nú litið dagsins ljós, og núna er búið að blanda börnum í málið, en þessi börn finna örugglega ekkert fyrir þessum GSM/3G sendum fyrr en fullorðnafólkið segir þeim að finna fyrir þeim.

Rannsóknamennska blaðamanna Fréttablaðsins virðist einnig hafa verið í algeru lámarki, vegna þess að ef viðkomandi blaðamaður hefði rannsakað málið, þá hefði hann fundið bresku rannsóknina sem ég talaði um í fyrstu bloggfærslunni um þetta mál. Í þeirri rannsókn kom í ljós að veikindi vegna GSM/3G mastra eru eingöngu til í höfðinu á fólki, enda veiktust tilraunadýrin nærri GSM/3G sendum algerlega óháð því hvort að kveikt var á sendinum eða ekki. Ólíkt því sem haldið er fram í Fréttablaðinu, þá er þetta ekki umdeilt atriði í dag, eftir því sem ég kemst næst.

Enn og aftur er það heimska og fáfræði fólks sem kemur í veg fyrir að hægt sé að reisa GSM/3G senda þar sem þess er þörf að mati fjarskiptafyrirtækjanna. Ég bendi ennfremur á að sendistyrkur GSM/3G senda í þéttbýli er afskaplega lítill, að jafnaði um 25W, en má samkvæmt reglum ekki vera meiri en 50W í þéttbýli (gildir líka um sjónvarps og útvarpssenda að mér skylst).

Birt þann

GSM/3G heimskan heldur áfram á Fréttablaðinu

Það er ótrúleg dellan sem kemur frá Fréttablaðinu um meinta skaðlega GSM/3G geislun á Egilsstöðum og síðan í Reykjavík samkvæmt seinni frétt Fréttablaðsins.

Eins og ég útskýrði í fyrri bloggfærslu um þetta sama mál, þá eru hin meintu veikindi þessa fólks á Egilsstöðum og einnig í Reykjavík ekkert nema í hausnum á viðkomandi. Enda er GSM/3G geislun ekki jónandi geislun, en sú gerð af geislun er t.d ljós, útvarpsbylgju (FM, Sjónvarp, GSM, 3G, NMT, osfrv). Jónandi geislun (Wiki grein er hægt að finna hérna) er hinsvegar X-bylgjur (X-rays), gamma geislar og fleira í þeim dúr sem er fært um að skemma DNA og eyðileggja frumur í lífverum og fleira.

Þar fyrir utan þá starfa GSM sendar á mjög lágri tíðni, en það þýðir þær bylgjur eru mjög stórar og ekki færar um að skemma frumur, eða DNA sem er margfalt minna en umræddar útvarpsbylgjur sem GSM/3G sendar nota í dag.

Fullyrðingar fólks sem heldur því fram að það verði veikt vegna GSM eða 3G senda eiga því ekki við nein rök að styðjast, og eru í reynd ekkert nema uppspuni hjá viðkomandi og byggja á sjálfsblekkingu. Eins og sagt var frá í BBC News fréttinni sem ég vísaði í fyrri bloggfærslu um þetta mál, þá geta einkennin verið raunveruleg, vegna þess að fólk býr þau til og lætur þau hafa áhrif, og kennir síðan saklausum hlutum um sínar eigin ímyndanir. Sérstaklega ef um er að ræða tækni sem viðkomandi manneskja skilur ekki, eða hefur ekki þekkingu til þess að vita hvernig virkar og hvaða lögmál standa þar að baki.

Birt þann

Heimska, eða bara fáfræði í kringum GSM senda

Það er alveg augljóst á þessari hérna frétt hjá Vísir.is að þetta fólk hefur ekki hugmynd um hvernig GSM sendar virkar, eða hver sendistyrkur svona senda er í rauninni. Það er ennfremur alveg augljóst að engum verður óglatt, eða veikst vegna svona senda. Enda hafa rannsóknir sýnt fram á það að fólk varð veikt í kringum GSM senda, óháð því hvort að kveikt var á GSM sendinum eða ekki. Þetta kom fram í rannsókn frá því fyrir nokkrum árum síðan.

Researchers investigating the health effects of mobile phone masts have found that sufferers report symptoms regardless of whether the equipment is actually on or off

Tekið héðan. Síðan má benda á þessa hérna frétt á vef BBC News.

Það er því alveg augljóst að þetta fólk sem þykist vera veikt í kringum GSM sendinn á Egilsstöðum er í rauninni ekki veikt. Þetta er allt saman í hausnum á þeim, en ekki í raunveruleikanum. Þetta eru áhrif sem oft eru kennd við lyfleysu. Oftast virkar þetta jákvætt á fólk, en einstaka sinnum getur fólk notað þessi sömu áhrif til að kalla fram veikindi, sem eru í raun ekki til staðar nema í huga viðkomandi.

Vodafone á því að kveikja á sendinum aftur (ef þeir hafa ekki gert það nú þegar) án þess að hafa áhyggjur (og ef þeir hafa fengið leyfi fyrir slíku aftur). Enda er engin hætta á veikindum vegna GSM senda, sem starfa á 935,1 – 945,1 Mhz. Enda sú tíðni alltof lág til þess að gera fólk veikt. Það er ennfremur vert að benda á þá staðreynd að flestir GSM sendar starfa á sendistyrk sem er frá 25W og upp í 50W innan bæja. Sendar uppá heiðum og öðrum afskekktum stöðum senda út á 100W eða meiri styrk.

Fullyrðingar hjá fólki að það verði veikt í vegna GSM senda eru ekkert nema tómt kjaftæði, og hafa alltaf verið það.

Frétt Vísir.is.

Flúðu húsið vegna GSM-sendibúnaðar