Heimssýn gengur fram í heimsku og einangrunarstefnu

Samtök einangrunarsinna, þjóðernissinna og annara vitleysingja sem kalla sig Heimssýn (sem er rangnefni, vegna þess að þetta eru þjóðernissinnuð samtök sem eru rekin af öfgafólki) hélt aðalfund sinn, þar var drukkið mikið kaffi, nýr formaður kosinn og samþykktar samþykktir um það hvernig skuli gera líf hins almenna Íslendings eins ömurlegt og leiðinlegt og hægt er.

Þar á meðal vilja Heimssýn segja upp EES samningum [sjá hérna] og þar með öllum þeim viðskipta tækifærum sem þar er að finna. Auk frjálsri för fólk. Ég sé ekki að hinn almenni Íslendingur geti ekki lengur keypt húsnæði á Spáni sem er eingöngu heimilt vegna EES samningins. Ég veit ekki hversu margir í Heimsýn eiga húsnæði á Spáni í krafti EES samningins en miðað við í Heimssýn er mikið af fólki sem er komið á elliheimili þá er alveg ljóst að fjöldi þeirra sem eru í Heimssýn og hata Evrópusambandið eiga húsnæði á Spáni sem er aðildarríki að Evrópusambandinu og notar evruna sem gjaldmiðil.

Síðan bullar Heimssýn eitthvað um orkumál og Ísland. Þar sem Ísland er ekki hluti af sameiginlegu orkuneti Evrópusambandsins þá skiptir aðild Íslands að orkustjórnun á hinum Evrópska raforkumarkaði engu máli. Síðan er alveg ljóst á því sem Heimssýn ályktar að þeir skilja hvorki upp eða niður í tilgangi Agency for the Cooperation of Energy Regulators (ACER) [heimasíðan þeirra er hérna]. Þegar Heimssýn fjallar um eitthvað sem þeir skilja ekki þá er notað það bragð að fullyrða án nokkura sannana að Evrópusambandið ætli sér að stjórna hinu og þessu á Íslandi. Það sama gildir um rugludallana og öfgafólkið frá Noregi í Nej til EU. Það fólk er alveg jafn heimskt og takmarkað og fólkið sem er í Heimssýn.

Á meðan Ísland er ekki aðili að Evrópusambandinu er EES samningurinn það skásta sem íslendingar hafa ásamt hinni takmörkuðu EFTA aðild. Íslendingar eiga hinsvegar að ganga í Evrópusambandið til þess að hafa áhrif á lagasetningar og koma sínum sjónarmiðum á framfæri innan Evrópu. Án slíkra áhrifa skiptir íslenska þjóðin engu innan Evrópu þar sem sjónarmið íslendinga verða útundan (eins og sjónarmið Noregs og Bretlands þegar þeir yfirgefa Evrópusambandið árið 2019).

Málflutningur Sigurðar Inga Jóhannsonar, formanns framsóknarflokksins er skolp

Það er ekki að spurja að því. Málflutningur formanns framsóknarflokksins, sem er þessa stundina sveitamaður að nafni Sigurður Ingi Jóhansson er algert skolp. Enda er fullyrðing hans um innflutt grænmeti ekkert nema meiriháttar lygi sem væri afsagnarverð í þeim ríkjum sem íslendingar þykjast bera sjálfan sig sama við. Það eru íslendingar sem dæla út skolpi útí náttúruna og hafa gert núna í mörg ár eins og sjá má á þessum fréttum hérna. Innan Evrópusambandsins er allt skolp meðhöndlað þannig að ekki verði mengun af í náttúrunni. Gilda þar sérstakar reglur sem íslendingar eiga einnig að fara eftir (EES Samningurinn). Sjá nánar hérna.

Skólp fer beint út í náttúruna (09.08.2013)
Enn skolpúrgangur í Ölfusá (01.08.2014)
Skólp Árborgar og Álftaness með gamla laginu (11.07.2017)

Það eru íslendingar sem eru eftirbátar Evrópusambandsríkja í þessum málum og því er ljóst að málflutningur Sigurðar Inga Jóhanessonar, formanns framsóknarflokksins er ekkert annað nema haugalygi og þvæla frá upphafi til enda. Evrópusambandið er ennfremur með á Evrópusambandsstiginu stiginu matvælaeftirlit sem kallast European Food Safety Authority (efsa). Íslendingar taka að einhverju leiti þátt í þessu eftirliti í gegnum EES Samninginn en sú þáttaka er takmörkuð vegna lítilla fjárframlaga íslenska ríksins í eftirlitsmálaflokkinn um þessar mundir.

Stjórnmálaspjallið á Facebook og Útvarp Saga í Útvarpinu

Á Facebook er að finna hóp sem kallar sig “stjórnmálaspjallið”. Þetta er auðvitað rangnefni, þar sem ekki eru rædd nein stjórnmál þarna. Í þessum hóp er svo til eingöngu verið að ræða útlendingahatur, skáldaða hluti sem ný-nasistar og aðrir fasista og öfgahópar hafa skáldað upp til þess að kenna útlendingum og múslímum um bæði á Íslandi og erlendis.

Þessi hópur er stofnaður og rekin af fólki sem eru ekkert annað en öfgafullir kristnir einstaklingar. Þetta eru öfgamenn og eins og aðrir öfgamenn þá er þetta fólk hættulegt lýðræðinu á Íslandi og öryggi almennings. Það er enginn tilgangur að reyna að rökræða við þetta fólk, það tekur ekki neinum rökum og hefur ekki áhuga á því að breytast. Fyrr breytist fjallið í hæð áður en það gerist.

Íslandi er síðan rekin haturs útvarpsstöð undir nafninu “Útvarp Saga”, gengur þessi útvarpsstöð á ný-nasista hatri og öðru slíku ógeði í garð útlendinga að það ætti fyrir löngu síðan að vera búið að loka þessari útvarpsstöð með dómsúrskurði. Því miður nýtur þessi útvarpsstöð samúðar innan íslenska stjórnkerfisins og fær því að vera í loftinu. Það er staðreynd sem er skelfileg og ljóst er að lýðræðið á Íslandi er nú þegar orðið veikt vegna öfgafullra skoðana sem er að finna innan stjórnkerfisins. Hinn almenni Íslendingur verður ekki mikið var við þetta, nema að hann geri þau “mistök” að eignast maka sem kemur frá ríki sem er frá landi sem er utan EES/ESB og fólk fær meira að finna fyrir því ef umræddur maki er frá Afríku ríki sem telst vera fátækt eða ekki í lagi samkvæmt “íslenskum stöðlum” (sem eru bölvað rugl).

Útvarp Saga og Stjórnmálaspjallið ættu að gera íslendingum þann greiða að loka án tafar og stjórnendur viðkomandi eiga að biðja útlendinga og íslendinga afsökunar á þeirri þjáningu sem þeir hafa valdið með þessu kjaftæði sem hefur komið frá þeim á undanförnum árum.

Lygaþvæla Robert Spencer

Mér þykir ljóst á fréttum og þeim staðreyndum sem komið hafa fram í fjölmiðlum undanfarna sólarhringa að Robert Spencer er einfaldlega að ljúga því þegar hann segir að “eitrað” hafi verið fyrir honum á Íslandi. Mér þykir ljóst að ekkert slíkt hefur gerst og hann er einfaldlega að skálda þetta upp með hjálp frá öðrum einstaklingum til þess að afla hatursboðskap sínum fylgis á Íslandi og víðar og koma á sama tíma slæmu orði á þá sem eru að berjast gegn honum.

Ein af lygum Robert Spencer er sú að hann hélt því fram að Southern Poverty Law Center [Wikipedia] séu umdeild samtök í Bandaríkjunum, það er ekki raunin. Þetta er virt lögfræðistofa sem berst gegn hatri í Bandaríkjunum og þar á meðal ný-nasistum og öðrum haturshópum sem þar starfa. Einhverjir hafa gagnrýnt aðferðarfræðina sem þessi stofnun notar, þó er hinsvegar ljóst að hérna er umræðan farin að snúast um heimsspeki en ekki staðreyndir. Þeir sem helst gagnrýna Southern Poverty Law Center í Bandaríkjunum eru kristnir íhaldsmenn sem eru með vafasamar skoðanir á þessu sviði.

Southern Poverty Law Center hefur ýtarlegan prófil um Robert Spencer [2] og hans hatursboðskap og hvernig hann hefur starfað undanfarna áratugi. Þar er sérstaklega tekið fram að menntun hans um Íslam er í raun engin og hefur aldrei verið, þó svo að hann sé háskólamenntaður á öðrum sviðum.

Það kemur síðan lítið á óvart að hatursútvarpsstöðin Útvarp Saga skuli nota þetta mál til þess að réttlæta málflutning sinn og breiða út ennþá meira hatur. Í þetta skiptið gegn fólki sem hefur talað gegn málflutningi Útvarps Sögu á undanförnum mánuðum og reynt að stoppa af þessa útvarpsstöð (sem brýtur lög um notkun FM tíðni á Íslandi). Það er alveg ljóst að þetta er hönnuð atburðarrás hjá Robert Spencer og mig grunar að aðilar tengdir Útvarpi Sögu hafi komið þar að málum.

Það verður skrifuð sérstök grein um Valdimar Jóhannesson síðar ef tími gefst til þess hjá mér.

Fréttir af þessu

Ömurleg heimsókn til Íslands (Vísir.is)
Robert Spencer segir Íslending hafa eitrað fyrir sér (Vísir.is)
Banatilræðið á Bar Ananas: Valdimar Jóhannesson fer hamförum á Útvarpi Sögu (Eyjan.is)

Útsendingar Omega/The Gospel Channel og Útvarps Sögu á að stöðva á tafar

Á Íslandi er rekin sjónvarpsstöð sem hefur þann eina tilgang að senda út mannhatur og öfgar. Þessi stöð heitir Omega og boðar þar út öfgafulla kristni allan sólarhringinn, helst er um að ræða bandaríska evangelíska presta sem messa yfir stórum mannfjölda (þeir eiga einkaþotur og lifa á stórum eignum) um hvað má gera og hvað má ekki gera í nafni trúarinnar (kristni).

Eigendur og stjórendur Omega hafa hinsvegar ekki látið Ísland nægja sér, heldur er þetta efni einnig sent út yfir Skandinavíu (0,8W) og Bretland (28,2E). Þetta er sent í opinni dagskrá, þannig að reikna má með að áhorfendahópur Omega, sem kallast The Gospel Channel á ensku telji í hundruðum þúsunda, kannski milljón eða tveim. Ég hef engar tölur um áhorf á þessa öfgafullu kristni sjónvarpsstöð en ljóst er að það er talsvert. Síðan er The Gospel Channel einnig send út á internetinu á Íslandi fyrir enskumælandi áhorfendur.


Útbreiðsla Omega/The Gospel Channel eins og hún er skráð hjá Lyngsat. Hérna er listi yfir sjónvarpsstöðvar sem hægt er að ná ókeypis frá Íslandi.

Samkvæmt skýrslu Council of Europe um Omega og Útvarp Sögu þá eru þessir tveir fjölmiðlar að breiða út hatursboðskap gegn flóttamönnum og fólki af öðrum trúarbrögðum og með annað litarhaft en íslendingar. Um þetta hefur aðeins verið fjallað í fjölmiðlum á Íslandi eins og sjá má hérna. Umfjöllunin er samt mjög lítil og þessir fjölmiðlar (Omega/The Gospel Channel og Útvarp Saga) eru ennþá starfandi á Íslandi og það er til skammar. Íslenskum yfirvöldum ber að loka Omega/The Gospel Channel og Útvarpi Sögu í samræmi við lagaheimildir á Íslandi og í samræmi við alþjóðlega sáttmála sem íslendingar hafa skrifað undir, eins og kemur skýr fram á vefsíðu CoE, þá hefur hatursumræða og útbreiðsla ekkert með tjáningarfrelsi að gera.

Íslensku fjarskiptafyrirtækin (Síminn, Vodafone, Nova og fleiri aðilar) geta byrjað á því að neita að bera merki Omega og Útvarps Sögu um sín dreifkerfi á Íslandi. Það mundi koma í veg fyrir stóran hluta af útbreiðslu þessara stöðva á Íslandi. Þar sem gervihnattaútsending The Gospel Channel kemur frá Íslandi, þá fellur slíkt undir valdsvið fjölmiðlanefndar og Póst og Fjarskiptastofnunar. Það er minna hægt að gera varðandi internet útsendingar eins og stendur, nema þá helst að lögbann sé sett á útsendingar þessara stöðva yfir internetið. Slíkt krefst dómsmáls og ég efast um að slíkt verði gert eins og málin standa í dag.

Öfgatrúmaður heimtar útbreiðslu mannhatandi trúarbragða í grunnskóla Reykjavíkur

Kristni öfgamaðurinn Jón Valur Jensson og hans fámenni hópur öfgafólks sem hann hefur safnað í kringum sig krefst þess að kristinn heilaþvottur (sjá grein hérna) fái inngöngu í grunnskóla Reykjavíkur með því að gefa grunnskólabörnum biblíu frá öfgasamtökunum Gídeon (Vantrú.is), sem eru samtök fólk sem aðhyllast öfgafullar kristnar skoðanir og boða þær í nafni náungakærleika og manngæsku. Þessi kristnu öfgasamtök eru allt annað en það og málflutningur Jóns Vals og fólks sem er í kringum hann er bæði öfgafullur og fullur af mannhatri og foraldarlegri mannvonsku sem á uppruna sinn í biblíunni, trúarbrögðum frá járnöld sem hafa því miður lifað til dagsins í dag.

Það á skilyrðislaust að neita öllum trúarbrögðum aðgang að grunnskólum á Íslandi og einnig leikskólum sem og öðrum menntastofnunum á Íslandi. Boðsmenn trúarbragða hafa ekkert í þessar stofnanir að gera, enda eru trúarbrögð andstaðan við menntun og framþróun, trúarbrögð tákna afturför, mannhatur og mannvonsku. Það ætti helst að leggja þetta niður nú þegar en því miður tekur slíkt tíma og væntanlega verður mannkynið ekki laust við trúarbrögð fyrr en eftir eina öld eða svo. Þökk sé framþróun og aukinni vísindaþekkingu sem mun aukast á komandi áratugum.

Kristnir talibanar á Íslandi

Á Íslandi er fullt af kristnum talibönum. Einn af þessum fávitum og drullusokkum er maður af nafni Jón Valur Jensson, sem gerir útá útlendingahatur, andúð á Evrópusambandinu og einnig á önnur Júdísk trúarbrögð og er vinsælast hjá honum að ráðast á íslam vegna öfgamanna sem þar eru, þó vill Jón Valur Jensson ekkert ræða þær öfgar sem hann á sjálfur sameiginlegt með íslömskum trúarbræðrum sínum. Þar á meðal afnám mannréttinda samkynhneigðra, kvenna (þar vill hann helst afnema réttindi kvenna til fóstureyðinga og réttindi til getnaðarvarna, mér þykir einnig líklegt að hann vilji einnig banna konum að skilja við menn sína eins og aðrir kristnir öfgatrúmenn).

Núna síðast vill Jón Valur Jensson afnema ferðafrelsi múslíma vegna nokkura hryðjuverkarmanna sem starfa þar en hann hefur ekkert nefnt um að afnema ferðafrelsi kristinna öfgamanna og hryðjuverkarmanna. Einn af þessum hryðjuverkarmönnum drap sex manns um daginn í Kanada (frétt um fjöldamorðin) í köldu blóði og Jón Valur Jensson virðist ekkert rosalega pirraður á því. Enda sá hann enga ástæðu til þess að fordæma þessa hryðjuverkaárás og fjöldamorð en er á sama tíma að ráðast á múslíma fyrir sömu glæpi. Tvískinnungirinn er hrikalegur.


Jón Valur Jensson vill skerða ferðafrelsi allra múslíma vegna öfgamanna sem þar eru. Þetta er ógeðfelld skoðun og á ekki neinn rétt á sér.

Tilvitnun í Jón Val, “[…] Evrópa reisti sér hurðarás um öxl með innflytj­enda­stefnu síðustu áratuga. Henni hefnist þar líka að hafa drepið niður eigið kyn með millj­ónum fósturvígs­aðgerða.[…]”.

Þessi tilvitnun byggir á bulli, kjaftæði sem var fundið upp á 18 og 19 öldinni þegar rasismi náði flugi í Evrópu og fór að breiðast út (sjá hérna, hérna og hérna). Það er hægt að vitna í margar fleiri heimildir sem sýna og sanna að þessi réttlæting Jóns Vals á sínum eigin rasisma er ekkert nema tómt kjaftæði sem hefur ekki og mun aldrei standast neina skoðun. Jón Valur notar orðið “fósturvígsaðgerða” um fóstureyðingar, réttindi sem hann er mjög svo áhugasamur um að taka af konum.

Jón Valur er alvarlega ruglaður einstaklingur, eins og liðið sem heldur til á Útvarpi Sögu og stundar þar níðhátt sinn gagnvart saklausi fólki sem hefur komið til Íslands í leit að betra lífi. Það eru ekki flóttamennirnir sem eru vandamálið hérna, heldur er það ógeðfellt fólk eins og Jón Valur sem stundar stöðugan hatursáróður gegn flóttamönnum og útlendingum sem er vandamálið. Enda er verið með þessum málflutningi verið að hvetja til ofbeldis gegn saklausu fólki, hvort sem er með beinum eða óbeinum hætti og það á ekki að líða slíkt. Enda er fólk allstaðar eins, alveg óháð því hvaða heimskulega trúarbragð það stundar.

Það er nóg til af kristnum hryðjuverkarmönnum en fjölmiðlar fjalla lítið eða ekkert um þá, hvort sem er á Íslandi eða annarstaðar. Hérna er grein frá árinu 2015 um tíu hættulegustu kristnu hryðjuverkahópana sem eru þekktir í dag.

* Þess má einnig geta að Jón Valur Jensson leyfir ekki neinar skoðanir sem eru andstæðar hans eigin á blogginu sem hann er með á blog.is. Enda hefur maðurinn ekkert þol gagnvart andstæðum skoðunum annars fólks og hefur aldrei haft það. Síðan má einnig nefna það að Jón Valur er mikill stuðningsmaður fasisma og hefur á undanförnum áratugum stutt fasista hvar sem þeir hafa komið fram í heiminum. Ég veit ekki til þess að það hafi neitt breyst hjá honum á síðustu áratugum. Enda er maðurinn snar-brenglaður og ætti að öllu jöfnu að vera meðhöndlaður sem jarðar-tilfelli, því miður hefur Jón Valur Jensson fengið mikið vægi í umræðunni á Íslandi og það er ekki í lagi og því er nauðsynlegt að tala gegn þvælunni sem frá honum kemur þegar þvælan verður slík að óþefinn leggur um allt internetið.

Víkurfréttir ala á útlendingahatri með lélegri fréttamennsku

Í gær ólu Víkurfréttir á útlendingahatri með því að birta afskaplega lélega frétt um kynferðislega árás sem varð í strætisvagni í Reykjanesbæ. Enda var fréttin sem þeir birtu byggð á orðrómnum af Facebook og öðrum slíkum miðlum. Þetta olli því að ný-nasistar, útlendingahatar og annar slíkt fólk fór á fullt og er ennþá að, jafnvel þó svo að komið hafi fram í dag að afbrotamennirnir voru tveir 14 ára drengir (ósakhæfir vegna aldurs) sem höfðu komið með fjölskyldum sínum og sótt um hæli á Íslandi (atriði sem skiptir í reynd engu máli í samhenginu). Þessi frétt var síðan að einhverju leiti byggð á facebook orðrómum og fullyrðingum, sem reyndust síðan vera allir saman tómt bull og kjaftæði þegar lögreglan gaf út fréttatilkynningu í morgun um málið.

Útlendingahatar, ný-nasistar og annað slíkt pakk á Íslandi hefur undanfarin sólarhring verið að ausa skítnum úr sínum skálum með allskonar fullyrðingum um þetta mál sem eru og hafa alltaf verið byggðar á lygum um þetta mál. Það hinsvegar stoppar ekki útlendingahatara og aðra slíka að dreifa röngum upplýsingum um það sem gerðist og auka þannig hatrið gegn saklausum flóttamönnum og útlendingum sem koma til Íslands í leit að betra lífi. Þetta fólk sem hatar útlendinga og aðra sem eru ekki jafn fölir og þeir hafa einnig stundað árásir á Semu Erlu Sedar fyrir hennar vinnu í mannúðarmálum til þess að hjálpa flóttafólki sem kemur til Íslands. Ég vona að þetta fólk verði kært fyrir hatursumræðu og síðan fái það yfir sig kæru vegna ummæla sem það lét falla í garð Semu Erlu (það gæti hinsvegar ekki gerst, það verður bara að koma í ljós).

Það sem Víkurfréttir gerðu var langt frá því að vera góð fréttamennska og í reynd til skammar. Það er ekki að sjá að Víkurfréttir hafi beðist afsökunar á þessum fréttaflutningi, þeir hafa birt nýjar fréttir eftir tilkynningu lögreglunnar og látið það duga.

Heimssýn leyfir dónaskap ef fólk er sammála þeim

Yfirstéttar bjánarnir á Heimssýn eru búnir að banna mig fyrir að vera með “dónaskap”, þeir hafa jafnvel verið að skamma fólk fyrir að vera með “dónaskap” þegar þeim er svarað efnislega. Þegar viðkomandi er hinsvegar sammála Heimssýn og er með yfirgenginlegan dónaskap og hagar sér almennt eins og fábjáni og ruddi, þá er það allt í lagi litið fram hjá því af hálfu Heimssýnar.

heimssyn.blog.is.svd.16.10.2015
Þú svaraðir efnislega og notaðir sterk orð og ert því með dónaskap samkvæmt Heimssýn. Myndin er tekin af vefsíðu Heimssýnar.

Svarið hérna að ofan er fengið af vefsíðu Heimssýnar hérna. Þegar menn eru hinsvegar sammála Heimssýn. Þá leyfist þetta hérna.

palli.heimssyn.blog.is.svd.16.10.2014

palli.heimssyn.blog.is.svd.16.10.2014.2

palli.heimssyn.blog.is.svd.16.10.2014.3

Allar myndirnar eru fengnar af heimasíðu Heimsýnar. Síðasta myndin er fengin af þræðinum sem ég vísa í hérna að ofan. Hinar tvær eru fengnar héðan. Hjá Heimssýn gilda ekki sömu reglur um alla. Hvaða reglur gilda hjá Heimssýn veltur á því hvort að viðkomandi er sammála þeim eða ekki. Ef fólk gerir eins og ég gerði, svaraði þeim með staðreyndum þá er öllu skellt í lás og viðkomandi bannaður um alla framtíð frá því að tjá sig á vefsíðu Heimssýnar. Hvað Heimssýn sem samtök varðar, þá hef ég ekki miklar áhyggjur af þeim. Samtök sem eru sett saman úr gráðugum sérhagsmunaaðilum og öfgafólki munu bara fara eina leið, og sú leið er beint í ruslatunnuna með skömm.

Síðan gengur Ísland í Evrópusambandið og tekur upp evruna sem gjaldmiðil.

Heimssýn eru öfgasamtök

Það er hægt að þekkja öfgasamtök hvar sem þau er að finna, reyndar einnig öfgafólk á orðræðunni sem þetta fólk stundar. Í tilfelli Heimssýnar þá aðhyllast þessi samtök (þetta er reyndar bara skel fyrir LÍÚ og Bændasamtökin í dag) þjóðrembu með verstu gerð af fasisma. Þessi fasismi gengur útá að allt sé best á Íslandi, á meðan raunveruleikinn er langt frá þessu, reyndar svo langt frá þeirri orðræðu sem þessir aðilar stunda að ekki sér til lofts hjá þeim.

Samtök eins og Heimssýn ganga bara útá áróður, ekki upplýsingar. Enda hefur það oft komið í ljós að þeim er afskaplega illa við upplýsingar og upplýsta umræðu. Eins og sést mjög vel hérna, þar sem kvartað og kveinað er yfir upplýsingaskrifstofu Evrópusambandsins á Íslandi. Sú mynd sem Heimssýn kemur með að Evrópusambandinu er röng og hefur alltaf verið röng. Enda er Heimssýn í þjónustu sérhagsmunaaðila, stórfyrirtækja á Íslandi og njóta þaðan greiðslna í formi peninga, þjónustu og annara hluta. Þetta er allt saman staðreynd þó svo að þeir hafi lengi hafnað þessu. Enda er Heimssýn oft hampað á síðum Morgunblaðsins og mbl.is sem er í eigu fiskvinnslufyrirtækis í Vestmannaeyjum núna í dag.

Sú stefna sem Heimssýn boðar er hættuleg, næg eru dæmin um slík á síðustu vikum og mánuðum um það hvernig ógöngur þannig hugsunarháttur getur leitt af sér. Helstu niðurstöður af slíkum hugsunarhætti eru einangrun, fátækt og atvinnuleysi á Íslandi. Eins og hefur orðið raunin á síðustu mánuðum, þar sem aðildarríki Evrópusambandsins eru að stinga Ísland af á öllum sviðum í efnahagslegum skilningi. Á meðan sitja íslendingar með sínar sérlausnir og velta því fyrir sér afhverju þær virka ekki. Jafnvel Írland sem lenti mjög illa í fjármálakreppunni er farið að ganga betur en Íslandi efnahagslega (sjá hérna).

Samtök Heimssýn tákna það sem var á Íslandi, enda er það í ætt við stofnanda þessara samtaka, sem er gamall og slitinn rithöfundur sem kann ekki að fylgjast með nútímanum og greinilega óttast hann. Gamall þingmaður og ráðherra sem setti allt í kaldakol á sínum tíma, stofnandi Heimssýnar var meðal annars maður að nafni Ragnar Arnalds og telst hann vera alger upphafsmaður þessara samtaka á sínum tíma. Auk þess hafði hann gefið út nokkur blöð (sjá Frjáls þjóð, Dagfari, Ný útsýn [fannst ekki á timarit.is] ) þar sem tóninn var þjóðremba eins og sú sem Heimssýn hefur erft eftir hann.

Það hefur síðan sannast í gegnum söguna að samtök og fólk eins og Ragnar Arnalds, sem boðar þessa hugmyndafræði er það fólk sem er hvað hættulegast frelsi og lýðræði viðkomandi þjóðar. Í tilfelli Ragnar Arnalds þá hefur honum tekist að skerða frelsi íslendinga umtalsvert á liðnum áratugum, en það stoppar ekki þar. Núna skal skerða lýðræði og frelsi íslendinga á nýjan leik í gegnum samtök sem heita Heimssýn.

Enda vitum við hver er formaður þar í dag.

Póstur uppfærður klukkan 15:36 CEST.