Category: Framsóknarflokkurinn

Birt þann

Uppgangur öfgafólks í íslensku samfélagi

Það er alger óþarfi fyrir mig að hafa þessa blogg-færslu langa.

Í ljósi nýjustu atburða í framsóknarflokknum. Þá er orðið augljóst að framsóknarflokkurinn er orðin fasistaflokkur undir stjórn Sigmundar Davíðs Gunnlaugssonar Alþingismanns og formanns framsóknar. Það sem Sigmundur Davíð er að gera, og hefur verið að gera er að skipulega brjóta niður andstöðu við sig og sína fylgismenn. Þetta er bara endurtekin á þeirri sögu sem átti sér stað í sjálfstæðisflokknum þegar Davíð Oddsson tók þar við völdum á sínum tíma. Enda er sá flokkurinn núna uppfullur af fasistum og öðru skítapakki sem er hvergi húsum hæft.

Það er ennfremur rangt sem Sigmundur Davíð heldur fram um frjálslegri stjórnmál á Íslandi. Það verða engin frjálsleg stjórnmál með framsóknarflokkinn og sjálfstæðisflokkinn við völd. Þessir stjórnmálaflokkar hafa nefnilega ekki neinn áhuga á slíku. Ekkert frekar en Vinstri-Grænir. Enda hafa þessir flokkar það sameiginlegt að vera mestu afturhaldsflokkar á Íslandi. Frelsi er ekki það sem þessir flokkar boða og framkvæma. Það sem er framkvæmt er afturhald og forræðishyggja af verstu gerð. Þetta er gömul saga á Íslandi, enda hafa þessir stjórnmálaflokkar [framsóknarflokkurinn og sjálfstæðisflokkurinn] verið við völd á Íslandi meira og minna síðan lýðveldið Ísland var stofnað árið 1944.

Enda er kominn tími til þess að gefa sjálfstæðisflokknum og framsóknarflokknum langt frí frá öllu sem heitir völd á Íslandi. Enda hefur aðeins fylgt þessum stjórnmálaflokkum ekkert nema vandamál og efnahagsleg óstjórn allan þennan tíma. Enda hefur það sannast að þessir tveir stjórnmálaflokkar eru ekki stjórnmálaflokkar sem vinna fyrir almenning á Íslandi. Hvað Vinstri-Græna varðar. Þá er það staðreynd að þar innanborðs er fólk sem er úr stjórnmálflokkum sem stóðu í því að einangra Ísland frá umheiminum á árum áður. Þetta fólk, eins og Vinstri-Grænir í heild sinni eiga ekkert erindi í það nútímasamfélag sem íslendingar segjast vilja.

Það væri reyndar stór framför fyrir íslensku þjóðina að fara eftir því sem hún segist vilja. Ef íslenska þjóðin vill betri lífsskilyrði á Íslandi. Þá verður hún að gera eitthvað í málunum. Það þýðir ekki bara að tala um það og kjósa síðan bölvaða fasista og fábjána til Alþingi Íslendinga. Það bætir ennfremur ekki lífsskilyrði á Íslandi að það skuli vera kosið fólk á Alþingi íslendinga sem stendur í því að einangra Ísland efnahagslega með endalausum tollum og gjöldum til þess að vernda þá einokun sem þrífst á Íslandi út í eitt. Eins og allir eiga að vita. Þá hækkar einokun verðlag til almennings, og hefur alltaf gert það. Sama hvað sérhagsmunaraðildar ljúga í fjölmiðla um slíkt [Bændasamtök Íslands sem dæmi].

Upphlaup þessa fólks gegn aðildarviðræðum Íslands að Evrópusambandinu stafa af því að þetta fólk óttast næstu skrefin í þessum aðildarviðræðum. Enda er það ljóst að aðild Íslands að Evrópusambandinu mun tryggja íslendingum meira frelsi en þeir eru núna í dag. Aðferðarfræðin er sú að keyra áróður og rangar fréttir í gegnum fjölmiðla á Íslandi. Þæði á internetinu og í gegnum blöðin og aðra fjölmiðla á Íslandi.

Það er einnig líka þannig að hægri menn á Íslandi eru mjög duglegir við að skálda eitthvað rugl upp koma því síðan inn í fréttir sem staðreyndum. Heimssýn gerir mikið af þessu. Þar sem að Páll Vilhjálmsson skáldar eitthvað rugl upp og birtir það síðan sjálfur á bloggi Heimssýnar og vitnar síðan í sjálfan sig á blogg Heimssýnar. Sjálfstæðisflokkurinn gera þetta, nema að þeir nota AMX og aðra svona botn miðla til þess að koma af stað röngum upplýsingum og lygum í fréttir á Íslandi.

Birt þann

Andstæðingar ESB aðildar á Íslandi fara á taugum

Í ljósi þess að Frakkland og Þýskaland ætla að koma með þá tillögyu að Evrusvæðið haldi fundi um gang efnahagsmála á því, og jafnvel samræmi efnahagsstefnu sína í framtíðinni. Þá hafa andstæðingar ESB aðildar Íslands ákveðið að gera það sem þeir gera best.

Fara á taugum.

Enda hafa þeir margar ástæður til þess að fara á taugum yfir. Þar sem að þessi endalausa framleiðsla dómsdagsspám andstæðinga ESB um endalok evrunnar og ESB munu ekki rætast í kjölfarið á þessum tillögum (sem verða líklega samþykktar í einu eða öðru formi). Enda mun þetta styrkja efnahag evrusvæðisins til lengri tíma litið þegar framkvæmdin hefst á þess sem Forseti Frakklands og Kanslari Þýskalands hafa samþykkt sín á milli þessar tillögur. Framkvændin á þessu ef af verður er í höndum þjóðkjörinna fulltrúa aðildarríkjanna. Það er í Ráðherraráðinu, en ekki hjá Framkvæmdastjórn Evrópusambandsins eins og andstæðingar ESB á Íslandi eru nú þegar farnir að ýja að í sínum málflutningi.

Það er þó augljóst að hvorki Frakkland eða Þýskaland ákveða svona upp á sitt einsdæmi. Heldur verður þetta samþykkt af öllum aðildarríkjum ESB eins og reglur kveða á um.

Ég reikna hinsvegar með nýjum og endurbættum dómsdagsspám frá andstæðingum ESB núna fljótlega, ef þær eru nú ekki nú þegar farnar að koma fram. Sem mig grunar að sterklega sé raunin, svona mið að við það sem ég hef verið að lesa af bloggum andstæðinga ESB á Íslandi. Bloggum sem minna oft á skrif geðveikra manna, frekar en skrif fólks sem er skynsamlegt og upplýst um hlutina.

Frétt BBC News um málið. Ég ætla ekki að vísa í frétt Morgunblaðins um þetta sama mál.

Franco-German call for ‘true euro economic governance’

Birt þann

Langvarandi efnahagskreppa framundan á Íslandi

Það er orðið ljóst núna að á Íslandi mun ríkja langvarandi efnahagskreppa með mikilli verðbólgu til lengri tíma. Ástæðan er mjög einföld, og snýst um þá staðreynd að íslendingar eru ekki tilbúnir til að gera það sem þarf að gera til þess að losna úr efnahagskreppunni á Íslandi.

Helst ber þar að nefna að koma í veg fyrir að þeir fábjánar sem komu íslendingum í þessi vandræði komist ekki aftur til valda á Íslandi. Enda er það alveg ljóst að fábjánar í sjálfstæðisflokknum og framsóknarflokknum eru ekki líklegir til þess að laga efnahagsástandið á Íslandi, enda er þetta fólkið sem kom íslendingum í þessi vandræði til að byrja með. Það eina sem þessir stjórnmálaflokkar tveir vilja gera er að virkja meira og byggja fleiri álver á Íslandi. Vinstri Grænir eru uppteknir við að reisa múra í kringum íslenskt viðskiptalíf og íslendinga. Það þarf ekki annað en að skoða verk Jóns Bjarnarsonar til þess að átta sig á þeirri staðreynd. Samfylkingin er að reyna laga hlutina, það er þó talsvert erfitt þegar allir eru á móti þér og því sem þú ert að gera. Síðan bætir ekki úr skák þegar besta hugmyndin innan Samfylkinginnar er að virkja meira og byggja fleiri álver [þetta er örugglega sama lið og er að finna í sjálfstæðisflokknum og framsóknarflokknum, en þolir væntanlega ekki öfgaþjóðernishyggjuna í þessum tveim flokkum].

Íslendingar virðast ennfremur vera uppteknir við að kenna öllum öðrum en þeim sjálfum um hvernig komið er fyrir íslenskum efnahag. Staðreyndin er hinsvegar sú að efnahagskreppan á Íslandi er eingöngu íslendingum að kenna og engum öðrum. Það bætir síðan ekki úr skák að á Íslandi skuli vera til samtök vitleysingja sem kalla sig Heimssýn og boða endanlega einangrun og lokun Íslands. Allt saman í nafni sjálfstæðis og fullveldis sem skiptir ekki neinu máli ef að íslenska þjóðin er gjaldþrota og fátæk í kjölfarið á slíkri einangrunarstefnu.

Íslendingar virðist ennfremur vera mjög uppteknir við að einangra sig og hafna alþjóðlegri samvinnu við Evrópuþjóðir og þær norðurlandaþjóðir sem eru í Evrópusambandinu. Enda er það nú bara þannig að ég hef ekki heyrt nein mótrök fyrir því að aukin viðskipti og tollfrelsi muni koma niður á íslenskum efnahag og fyrirtækjum. Þetta er staðreynd sem rugludallanir og geðsjúklinganir í Heimssýn tala ekkert um. Það er nefnilega gott fyrir íslendinga og íslenskan efnahag að ganga í Evrópusambandið. Ef að íslenskt fyrirtæki þolir ekki erlenda samkeppni. Þá er alveg ljóst að umrætt fyrirtæki þolir ekki innlenda samkeppni og á skilið að fara á hausinn. Þannig virkar frjáls markaður. Óhæfa liðið sem kann ekki að stunda viðskipti fer á hausinn og kemur vonandi aldrei nálægt viðskiptum aftur.

Íslendingar virðast hinsvegar vera staðráðnir í að gera allt rangt, og allt vitlaust þar að auki. Íslendingar segjast ekki vilja aðild að Evrópusambandinu, en vilja samt flytja út eins og þeir geta til Evrópu. Íslendingar vilja ekki Evruna sem gjaldmiðil, en vilja samt sömu vexti og stöðugleika sem evran bíður upp á. Íslendingar vilja sama vöxt og er að finna í Evrópusambandinu [þegar kreppunni líkur] og er að finna í Evrópusambandinu.

Þegar þetta er allt saman skoðað. Þá er augljóst að á Íslandi mun ríkja langvarandi efnahagskreppa með hárri verðbólgu, háu atvinnuleysi og lítilli erlendri fjárfestingu þegar þetta tímabil gengur yfir. Íslendingar eru ennfremur búnir að sjá og finna hvað stefna fólks eins og það sem er að finna í Heimssýn, sjálfstæðisflokknum, framsóknarflokknum og Vinstri Grænum gerir því. Ég veit ekki hversu íslendingar eru almennt spenntir fyrir því að endurtaka upphaf kreppunnar frá árinu 2008 aftur. Hinsvegar miðað við hugsunarháttinn á Íslandi. Þá virðist íslendingar hlakka alveg voðalega til þess að hafa áframhaldandi efnahagskreppu og ömurlegheit.

Ég hinsvegar neita að taka þátt í þessu, og mun flytja aftur til Danmerkur árið 2013. Í það skiptið verður ekki komið aftur til Íslands nema sem ferðamaður og í heimsóknir til ættingja og vina.

Birt þann

Ný-frjálshyggjan í Heimssýn

Flest allir íslendingar vita að Heimssýn eru samtök útlendingahatara, einangrunarhyggju og síðan einokunar á Íslandi. Enda standa þessi samtök ekki fyrir neitt annað. Alveg óháð þeim fjölmiðlaspuna sem þau setja um sjálfan sig út undanfarna mánuði á Íslandi.

Innan Heimssýnar eru margir hópar, en stærstir eru þar harðir vinstri-menn sem aðhyllast algera einangrun Íslands frá umheiminum, og síðan eru það harðir-hægri menn sem tilheyra ný-frjálshyggju armi sjálfstæðisflokksins. Þetta fólk er illa við allt sem heftir „þeirra“ frelsi til þess að græða og ríkisvæða síðan tapið á almenning. Þessu fólki er ennfremur á móti því að ríki bregðist á ábyrgan hátt við hlutum sem eru til þess fallnir að valda óstöðugleika í efnahag viðkomandi ríkja. Þetta sást mjög vel á Íslandi, þar sem þetta fólk gerði nákvæmlega ekki neitt fyrr en Ísland fór á hausinn árið 2008. Fyrir þann tíma var ekkert gert til þess að bjarga einu né neinu á Íslandi. Afleiðinganar urðu auðvitað þær að á Íslandi ríkir núna mjög djúp efnahagskreppa og íslenska krónan er ónýtur gjaldmiðill sem er núna í gjaldeyrishöftum til þess að loka götunum (gjaldeyrishöftin hafa verið í gildi síðan árið 2008).

Þegar ríki í Evrópu bregðast við skortsölu (Short (finance), wiki) sem er að grafa undan hlutabréfamörkuðum þar í landi. Þá bregst ný-frjálshyggju liðið í Heimssýn með þeim hætti að þeir halda því fram án allra staðreynda að Evran þoli ekki hinn frjálsa markað. Það segir auðvitað sitt að þetta fólk talar ekkert um þá staðreynd hvernig það lagði íslenskan efnahag og íslensku krónuna í rúst með glæpsamlegri hegðun sinni árin fyrir hrun. Síðan núna í dag þá vogar það sér að tala á móti ábyrgum viðbrögðum ríkja sem eru að koma í veg fyrir dýpri efnahagskreppu innan síns lands.

Þær fullyrðingar sem Heimssýn setur fram á sínu bloggi er svo fáránleg að hana verður að varðveita, sem viðvörun til allra skynsamlegra manna við þessu fólki og því sem það stendur fyrir.

Evrulandið, sem myndað er af 17 ESB-ríkjum er hafa evru að lögeyri, þolir ekki dagsljós hins frjálsa markaðar og leitar vars með banni á skortsölu. Bann Evrulands á skortsölu afhjúpar betur en flest annað eymdarlega stöðu evrunnar.

Bann á skortsölu er pólitísk viðurkenning Evrulands að dagar gjaldmiðlasamstarfsins eru senn á enda.

Evran er ein helsta röksemd aðildarsinna á Íslandi. Síðasta hálmstráið?

Evran þarf skjól fyrir frjálsum markaði, Heimssýn 12. Ágúst 2011.

Þeir sem hafa kynnt sér málið vita evran er ekki að fara neitt, og hefur að auki styrkst um 11% síðasta árið gagnvart USD.

Hvað varðar íslensku krónuna. Þá eru þessi hérna skilaboð saga í sjálfu sér um stöðu íslensku krónunnar.

Icelandic krona – The last rate was published on 3 Dec 2008.
Heimild: ECB

Það væri skynsamlegast fyrir Heimssýn að leggja sig niður. Enda kemur ekkert málefnalegt frá þessu fólki og hefur aldrei gert það.

Birt þann

Efnahagskreppa í boði einangrunar Íslands

Það er ekki ofsögum sagt að ákveðnir þjóðfélagshópar innan Íslands keppist við þessa dagana að einangra Ísland og íslendinga í kjölfarið á efnahagskreppunni. Þar sem gjarnan er notuð sú lína að efnahagskreppan á Íslandi sé alþjóðlegum samskiptum Íslands að kenna. Gildir þá einu hvort um sér að ræða EFTA og EES aðild Íslands, eða hugsanlega ESB aðild Íslands.

Staðreyndin er nú samt sú að efnahagskreppan á Íslandi er eingöngu íslendingum sjálfum að kenna og engum öðrum. Þökk sé efnahagsstefnu sjálfstæðisflokksins og framsóknarflokksins frá árinu 1995 til ársins 2007 þá er skuldastaða Íslands orðin óbærileg með öllu, og nærri því óviðráðanleg. Þökk sé IMF aðild Íslands þá hefur ennþá tekist að halda hagkerfinu á Íslandi gagnandi síðustu árin. Það er þó alveg óljóst hvernig þetta mun ganga ef efnahagskreppan í löndunum sem eru í kringum okkur versnar til mikilla muna eins og virðist vera raunin núna um þessar mundir. Sú staða mun hafa alvarlegar afleiðingar fyrir íslenskan efnahag. Þar sem útflutningur frá Íslandi mun dragast saman og áhugi á fjármögnun og fjárfestingum á Íslandi mun falla niður í frostmark og jafnvel kaldara en það.

Ástæðan fyrir því að það verður enginn áhugi á fjárfestingum á Íslandi er mjög einfaldur. Ísland er núna í einangrun gjaldeyrishafta með gjaldmiðil sem enginn hefur áhuga á að stunda viðskipti í. Allt sem tengist íslensku krónunni og erlendum gjaldmiðlum fer í gegnum Seðlabanka Íslands, sem hefur það hlutverk í dag að takmarka fjármagnsflæði erlends gjaldeyris frá Íslandi. Þetta er í raun ekkert annað en óverjandi staða fyrir íslendinga að standa í. Þar sem íslendingar munu á endanum þurfa að borga upp lán sín, sem eru að meirihluta til öll í erlendum gjaldeyri.

Með dýpri kreppu og minni útflutningi frá Íslandi í kjölfarið þá mun það verða erfitt, ef ekki ómöguleg staða sem íslendingar eru komnir í með íslensku krónuna sem gjaldmiðil. Þetta er staða sem evru-ríkin eru ekki í, jafnvel þó svo að staðan sé mjög erfið þar. Þá er hún ekki nærri því eins slæm og sú staða sem er að koma upp á Íslandi þessa dagna. Enda er það svo að vextir á Íslandi og verðbólga endurspegla þessa stöðu mjög vel. Þróunin mun verða mjög svipuð á næstu dögum og mánuðum, verðbólga mun aukast ásamt stýrivöxtum Seðlabanka Íslands, verðlag mun hækka í kjölfarið og efnahagssamdráttur mun aukast í kjölfarið. Þetta mun koma fram með auknu atvinnuleysi og meira atvinnuleysi til lengri tíma litið.

Ástæðan fyrir þeirri stöðu sem íslendingar eru komnir í er mjög einföld og hefur alltaf verið það. Ástæðan er sú einangrunarstefna sem hefur verið rekin á Íslandi. Þessi stefna lýsir sér í því að fara seint og illa í alþjóðlegt samstarf eins og EFTA, EES og núna síðast umsókn Íslands um aðild að ESB. Þessi stefna íslendinga í utanríkismálum hefur kostað íslendinga milljarða í gegnum tíðina og heldur áfram að kosta íslendinga milljarða. Þessari stefnu hefur að hluta til verið stjórnað af hægri og vinstri mönnum sem eru hvað lengst útá kanti í sínum stjórnmálum. Sem betur fer þá hafa þessir menn ekki alltaf fengið sínu framgengt, vegna þess að ef svo væri. Þá væru íslendingar hvorki í EFTA eða EES núna í dag.

Því miður fyrir íslendinga núna í dag. Þá er annar stjórnarflokkana mjög upptekin af því að einangra Ísland og íslenskt efnahagslíf. Þetta felur meðal annars í sér að takmarka samkeppni á Íslandi, hækka verðlag og gera sitt besta í að tefja fyrir og valda skemmdarverkum á aðildarumsókn Íslands að ESB. Fremstur í flokki fer þar Landbúnaðarráðherra Jón Bjarnarson, en bæði Fjármálaráðherra Steingrímur J. Sigfússon og Innanríkisráðherra Ögmundur Jónasson, ásamt Menntamálaráðherra hafa gert sitt til þess að tefja og valda skemmdum á þessu ferli. Þó svo að þau hafi ekki verið eins og hávær og klaufsk í þessari frekju sinni og Jón Bjarnarson.

Afleiðingar af hegðun Vinstri Grænna í ríkisstjórn Íslands hafa ekki látið á sér standa. Efnahagsleysi Atvinnuleysi er orðið stöðugt í kringum 10% núna og mun væntanlega aukast á næstunni. Efnahagur Íslands er frosin og stefnir í að botnfrjósa á næstu mánuðum. Þökk sé afar þröngsýni stefnu Vinstri Grænna í ríkisstjórnarsamstarfinu. Það sem meira er. Ástandið á Íslandi er ekki líklegt til þess að batna á næstu mánuðum og árum. Ástæðurnar fyrir því er bæði að finna á Íslandi og utan þess.

Það er alveg ljóst núna að efnahagskreppan í heiminum er aftur farin að dýpka og mun dýpka umtalsvert á næstu mánuðum. Hvernig ríki munu koma undan þessari kreppu veltur algerlega á því hversu vel þau hafa unnið heimavinnuna síðustu mánuði í þeirri kreppu sem hefur ríkt frá árinu 2007. Í stuttu máli má reikna með að flest öll aðildarríki Evrópusambandsins komi vel útúr þessari kreppu, jafnvel þó svo einhver vandamál verði í gangi á næstu mánuðum á Íslandi.

Verstu og stærstu vandamálin verða þó til staðar á Íslandi. Þar sem efnahagur Íslands er í gjaldeyrishöftum og bundin þeirri böl sem íslenska krónan raunverulega er. Enda er það þannig að það eru afskaplega litlar líkur á því að íslenskur efnahagur þoli meiri samdrátt í útflutningi en hefur nú þegar orðið vegna kreppunnar erlendis. Enda er það þannig að þetta er falinn samdráttur í útflutningi. Þar sem að meira fæst fyrir minni útflutning frá Íslandi núna um þessar mundir vegna veiks gengis íslensku krónunnar. Það er ansi mikil hætta á því að íslenskur efnahagur einangrist ennþá meira en nú þegar er orðið, og að þessi einangrun verði mjög dýr íslensku þjóðfélagi. Mun meira en það sem hefur orðið nú þegar.

Þrátt fyrir þessar staðreyndir. Þá er ennþá til fólk á Íslandi sem hefur komið því inn í umræðuna á Íslandi að það sé best fyrir íslendinga að standa fyrir utan ESB. Breytir þá engu fyrir þetta fólk að þessar fullyrðingar þess um slíkt eru ósannar og hafa alltaf verið það. Þeir sem eru á móti ESB aðild Íslands og eru ekki langt til hægri eða vinstri er fólk sem er í harðri sérhagsmunagæslu fyrir sjálfan sig og sína félög sem það starfar fyrir. Enda mundi ESB aðild Íslands auka samkeppni á Íslandi, bæta viðskiptaumhverfið og auka kaupmátt almennings. Umræddir sérhagsmunahópar eru Bændasamtök Íslands, LÍÚ, sjálfstæðisflokkurinn (þessi stjórnmálaflokkur er nátengdur viðskiptaumhverfinu og þeirri einokun sem þar snýst), Mjólkursamsalan (einokunarverslun á Íslandi samkvæmt lögum), framsóknarflokkurinn (tengdur viðskiptaaðilum og einokun). Þessir hópar hafa safnast saman undir félaginu Heimssýn sem var stofnað árið 2002 af öfga-vinstri manninum Ragnari Arnalds. Eini tilgangur þessara samtaka er að einangra Ísland pólitísk og efnahagslega, eins og hefur verið stefna öfga-vinstri manna á Íslandi síðustu 60 til 90 árin eða svo.

Stefna hægri manna sem eru á móti ESB aðild Íslands byggir á græðgi og viðleitni þessara manna við að viðhalda ríkjandi einokun á Íslandi. Þannig að hægt sé að auka hagnað þessara manna með einokun og fákeppni á Íslandi. Tilgangur öfga-hægri er mjög svipaður af markmið öfga-vinstri, en þar blandast hinsvegar kynþáttahyggja og hatur á útlendingum ofan í allt annað. Slíkt má ennfremur finna hjá vinstri-öfgamönnum, það er hinsvegar bara betur falið en það er engu að síður þarna til staðar sé vel gáð.

Vilji íslenska þjóðin ekki þurfa að herða sultarólina um nokkur göt í viðbót þá verður íslenska þjóðin að hafna málflutningi þeirra sem vilja viðhalda núverandi ástandi efnahagsmála á Íslandi. Það verður eingöngu gert með því að ganga í Evrópusambandið og taka upp evruna sem gjaldmiðil nokkrum árum síðar eftir inngöngu.

Það verður ennfremur að hafna þeim blekkingum og lygum sem Heimssýn, Evrópuvaktin (vefur öfga-hægri gegn Evrópusambandinu), Vinstri Vaktin gegn ESB (vefur öfga-vinstri gegn Evrópusambandinu), Bændasamtökin (vefur og bændablaðið eru notuð í blekkingar og lygar um Evrópusambandið), Morgunblaðið (vefur ný-frjálshyggjunnar sem er á móti Evrópusambands aðild Íslands) sem koma koma fram í fjölmiðlum andstæðinga Evrópusambandsins á Íslandi. Vegna þess að þetta eru eingöngu áróðursfjölmiðlar sem berjast gegn Evrópusambandinu með rangfærslum og blekkingum um það sem er að gerast í Evrópu.

Þessir fjölmiðlar og þetta fólk treystir á það að íslendingar nenni ekki að kynna sér málin og fylgjast með erlendum fjölmiðlum um stöðu mála í Evrópu. Á þessu hafna nefnilega þessir fjölmiðlar verið að keyra undanfarin ár og gera ennþá.

Hvað varðar heildarmyndina á öllu þessu. Þá eru efnahagsáhrifin af dýpkandi kreppu nú þegar farin að hafa áhrif á Íslandi samkvæmt frétt Rúv frá því núna fyrr í kvöld (skrifað 6. Ágúst 2011).

Frétt Rúv: Áhrifa farið að gæta hérlendis

Einangrun er ekki nein lausn og hefur aldrei verið það, og mun ekki verða það á næstu áratugum. Vilji íslendingar leysa sín efnahagslegu vandamál. Þá þarf að koma með nýjar lausnir til þess að leysa þessi efnahagslegu vandamál sem íslendingar standa frammi fyrir á næstu árum og áratugum. Það er lausn að ganga í Evrópusambandið, en það er ekki nein lausn fólgin í því að reyna eitthvað sem ekki virkar aftur. Eins og er í raun það sem andstæðingar Evrópusambandsins boða og trúa á að muni virka núna, í þetta skiptið. Það virðist litlu breyta fyrir þetta fólk þó svo að þær lausnir sem þetta fólk boðar hafi í raun ekki virkað undanfarin 50 ár eða lengur.

Saga Íslensks efnahags hefur í raun ekki kennt þessu fólki neitt og mun ekki gera það upp úr þessu. Af þessum sökum á að hafna málflutningi og fullyrðingum andstæðinga Evrópusambandsins.

Það gæti þó hugsast að íslendingar vilji halda í hið gamla og ónýta. Ef svo er, þá verður íslendingum að því og það verður ennfremur ekkert hægt að gera því. Þar sem það er íslenska þjóðin sem ræður ferðinni og hvert þjóðin fer á endanum.

Bloggfærsla uppfærð þann 17. Ágúst 2011 klukkan 13:55 UTC.

Birt þann

Þar sem öfgarnar mætast á Íslandi

Það verður seint sagt að Ísland sé laust við öfgafulla einstaklinga. Vegna þess að það er staðreynd að á Íslandi þrífast öfgar og öfgafullir einstaklingar mjög vel í skjóli fáfræði og fordóma sem er að finna í íslensku samfélagi.

Á Íslandi snúast þessar öfgar um útlendinga og meinta hættu af þeim. Staðreyndin er hinsvegar sú að íslendingar hafa aldrei haft neitt að óttast af hálfu útlendinga. Þær fullyrðingar sem settar hafa verið fram af andstæðingum EFTA, EES og núna ESB eru alltaf þær sömu. Hérna er dæmi frá Ragnari Arnaldssyni frá árinu 1969. Í dag má finna sömu fullyrðingar frá Ragnari Arnaldssyni og fleirum sem eru sammála honum í þessari þvælu.


Smellið á myndina til þess að fá fulla upplausn.

Ragnar Arnalds stofnaði og var formaður samtakanna Heimssýn, sem byggja á algerri einangrun Íslands. Bæði efnahagslega og stjórnmálalega. Það er bara auglýsingabragð hjá Heimssýn að tala um það að sé stór heimur fyrir utan ESB. Sérstaklega í ljósi þess að Evrópusambandið hefur samskipti og viðskipti við allan heiminn og hefur alltaf gert það.

Núna hefur Ragnar Arnalds ásamt fleiri öfgafullum vinstri mönnum á Íslandi stofnað vefsíðuna Vinstri Vaktin gegn ESB. Þar sem þessir menn mála málflutning sinn sem einhverskonar bjargvætt íslensku þjóðarinnar. Þar sem þeir þykjast standa fyrir velferð og allan þann pakka. Þetta setja þeir þó fram án þess að hafa útskýrt hvernig þeir ætli sér að gera það, sem er mjög áhugavert. Þar sem þessum mönnum tókst það ekki þegar þeir voru sjálfir í ríkisstjórn á árunum 1970 til ársins 1982 (með hléum þó). Það sem Ragnar Arnalds er hvað frægastur fyrir er að hafa eyðilagt gömlu íslensku krónuna með 100% verðbólgu á sínum tíma.

Staðreyndin er hinsvegar sú og verður alltaf sú að Ragnar Arnalds og fólk sem talar eins og hann er bara að halda þessu fram út frá tilfinningarökum (argumentum ad populum).

Á hinum enda litrófsins er hægra öfgafólkið að finna. Þar eru menn eins og Styrmir, Björn Bjarnarson fyrrverandi dómsmálaráðherra, Davíð Oddsson, Hannes Hólmstein og fleiri. Þessir menn reka og koma nálægt vefjum AMX, Evrópuvaktin, Heimssýn (eru í stjórn Heimssýnar sem dæmi)

Markmið þessa fólks er mjög svipað og öfgafólksins sem er til vinstri. Það er að halda íslandi efnahagslega einangruðu og halda samskiptum við útlönd eins litlum og hægt er. Ástæðunnar eru þó aðrar en fólksins til vinstri. Þar sem helsta hugmyndafræði öfgafólksins til hægri er sú að reka á Íslandi bandarískt hagkerfi, og hafa sem flesta þætti þjóðfélagsins í höndum einkaaðila. Einnig sem þetta fólk á hægri vægnum vill tryggja og vinna að því Ísland verði í nánari samskiptum við Bandaríkjunum, jafnvel að það verði tengt ríki innan Bandaríkjanna (Unincorporated organized territories). Þannig að Ísland mundi tilheyra Bandaríkjunum, en samt halda sjálfstæði sínu að nafninu til.

Þessi staðreynd verður augljóst og sést þegar gjörðir og markmið hægri manna eru skoðuð síðustu áratugina á Íslandi, og áhrifin eru ekki farin að leyna sér á Íslandi. Ný-frjálshyggjan sem innleidd var á Íslandi var öll að Bandarískri fyrirmynd. Efnahagshrunið árið 2008 var hinsvegar endanleg niðurstaða þessar stefnu öfga-hægri manna á Íslandi.

Ástæður þess að þetta fólk er á móti ESB aðild Íslands eru því há-pólitískar og snúast ekki um hag heildarinnar eins og halda mætti. Hérna er hérna um að ræða hugmyndafræði sem gengur útá það að viðhalda ónýtu hagkerfi á Íslandi, sem og pólitísku kerfi sem kemur niður á framþróun á Íslandi. Hvort sem það er í tækniþróun, byggðarþróun eða efnahagslegri þróun.

Það er því nauðsynlegt fyrir íslensku þjóðina að styðja við aðildarferli og aðildarumsókn Íslands. Svo hægt sé að koma í veg fyrir stöðnun á Íslandi næstu áratugina. Íslenska þjóðin á svo margt undir því að aðildarviðræður Íslands gangi vel og að aðildarsamningur Íslands og ESB verði samþykktur í þjóðaratkvæði þegar þar að kemur.

Birt þann

Meira af bannfíkn íslenskra stjórnmálamanna

Það hafa margir verið að bölva ESB fyrir að banna sölu á heimabakstri undanfarna daga eftir fréttaflutning þess efnis. Því miður hafði enginn gefið sér tíma til þess að skoða staðreyndir málsins, hvað þá umrædda reglugerð sem um ræðir frá ESB. Vegna þess að í þessari reglugerð frá ESB sem gildir á Íslandi vegna EES samningsins stendur þetta skýrt og greinilega um þá hluti sem umrædd reglugerð nær ekki yfir.

2. Þessi reglugerð gildir ekki um:

[…]

c) beina afhendingu framleiðanda á litlu magni frumframleiðsluvara til neytanda eða smásölufyrirtækis á staðnum sem afhendir vöru beint til neytenda,

[…]

3. Aðildarríkin skulu setja reglur, samkvæmt landslögum, um þá starfsemi sem um getur í c-lið 2. mgr. Landsbundnar reglur af þessu tagi skulu tryggja að markmiðum þessarar reglugerðar verði náð.

[…]

Því er augljóst að þær fullyrðingar um að hérna sé um að ræða bann frá ESB rangar og byggja á viljandi rangfærslum stjórnmálamanna (í sumum tilfellum hugsanlega óviljandi) til þess að koma höggi á ESB umræðuna á Íslandi vegna aðildarumsóknar Íslands að ESB.

Það sem er þó áhugaverðast í þessu öllu saman er sú staðreynd að enginn fjölmiðill (þeir vilja kalla sig það) á Íslandi hafði fyrir því að fletta umræddri reglugerð upp og athuga málið og hvort að viðkomandi þingmenn sjálfstæðisflokksins og framsóknarflokksins væru að fara með rétt mál til að byrja með.

Reglugerðina er hægt að lesa á vefsíðu Matvælastofnunar hérna fyrir neðan (linkur) og einnig í pdf skjalinu sem er viðhent þessari bloggfærslu.

Reglugerð nr. 852/2004/EB um hollustuhætti sem varða matvæli (matis.is)

Reglugerð ESB/2004

Birt þann

Formaður framsóknarflokksins lýgur í fjölmiðlum (og víðar) um Schengen og glæpitíðni

Fyrir þá sem hafa verið að taka eftir því hvernig Sigmundur Davíð hefur verið að tala gegn Schengen samstarfinu undanfarið í fjölmiðlum. Þá ætti fólk einnig að veita því athygli að þær fullyrðingar sem Sigmundur Davíð heldur fram eru ekkert nema lygar og blekkingar.

Hérna er gott dæmi um þessa blekkingu sem Sigmundur Davíð notar gegn útlendingum í umræðunni á Alþingi og í fjölmiðlum.

„Það er gagnlegt að fá þessar upplýsingar, sem hæstvirtur ráðherra vísaði til, um að erlendum fögnum hefði farið fjölgandi frá árinu 2001, árinu sem Íslendingar urðu aðilar að Schengen,“ sagði Sigmundur um svar Ögmundar.

Frétt Vísir.is, 22 prósent fanga erlendir ríkisborgarar

Það er nú bara þannig að þetta hefur ekkert með Schengen að gera. Enda urðu ríki austur Evrópu ekki aðildar að ESB fyrr en árið 2004 og 2007, og að Schengen fyrr en nokkrum árum síðar. Enda er það þannig að vegna EES samningins sem íslendingar eru aðildar að þá hefur fólk frá þessum löndum rétt á því að koma og starfa á Íslandi og það kemur Schengen aðild Íslands nákvæmlega ekkert við. Ólíkt því sem Sigmundur Davíð gefur þarna svo augljóslega í skyn.

Þó svo að Ísland stæði utan við Schengen samstarfið og væri með fullt vegabréfaeftirlit. Þá væri ekki hægt að koma í veg fyrir að útlendingar frá ESB löndum kæmu til Íslands vegna réttinda þeirra sem koma með aðild Íslands með EES samningum.

Það sem er ennfremur áhugaverð staðreynd að í íslenskum fangelsum eru eingöngu 22% (rúmlega) fanga sem eru með erlent ríkisfang. Restin eru allt saman íslenskir ríkisborgarar, eða þessi 78% rúmlega. Þetta er samkvæmt tölum frá dómsmálaráðherra sjálfum.

Það er einnig staðreynd að fullyrðingar þess efnis að erlend glæpabylgja sé í gangi er ekkert nema goðsögn sem er viðhaldið af öfgafólki eins og Sigmundi Davíð, sem elur á útlendingahatri og fordómum. Samkvæmt könnun bresku lögreglunar frá árinu 2008 kom í ljós að fullyrðingar þess efnis að það væri bylgja erlendra glæpamanna væri að ganga yfir Bretland væri ekkert nema goðsögn. Enda væru ekki nein töluleg gögn sem styðja þessa fullyrðingu og hafa aldrei gert.

Það stoppar þó ekki einstaklinga sem ala á útlendingahatri og þjóðrembu að fullyrða svona í fjölmiðlum og annarstaðar þar sem það hentar þeim. Enda er þetta ódýra og skítuga leiðin til þess að afla sér vinsælda í könnunum (ég mun líka fjalla sérstaklega um þessa könnun). Hvort sem það er á Íslandi eða erlendis. Stjórnmálaflokkar sem keyra á svona stefnu útlendingahaturs og fordóma hafa aldrei haft neitt gott í hyggju eins og sagan kenndi mannkyninu á 20 öldinni.

Greinar tengdar þessu.

22 prósent fanga erlendir ríkisborgarar (Vísir.is, Júní 2011)
Migrant crime wave a myth – police study (Guardian, 2008)

Birt þann

Þegar Sigmundur Davíð lokaði framsóknarflokknum

Það er eitt sem fólk á ekki að gera, og það er að láta Sigmund Davíð Gunnlaugsson blekkja sig. Þar sem að Sigmundur Davíð hefur í raun lokað framsóknarflokknum. End gengur framsóknarflokkurinn núna útá útlendingahatur, hatur á ESB og einangrun Íslands. Þeir sem eru í vafa um slíkt, geta ályktun framsóknarflokksins frá árinu 2011 um utanríkismál þar sem þetta er í raun sagt undir rós.

Þar stendur meðal annars þetta hérna.

[…]
Ályktun um utanríkismál

Meginmarkmið íslenskrar utanríkisstefnu er að gæta hagsmuna lands og þjóðar og
veita öflugt fyrirsvar gagnvart öðrum ríkjum. Sem smáríki á Ísland hag sinn undir því
að alþjóðalög séu virt og þjóðir leysi sín deilumál friðsamlega. Eins eru það
hagsmunir smáríkja að stuðla að alþjóðlegri samvinnu til þess að mæta þeim ógnum
sem virða hvorki landamæri né leikreglur alþjóðakerfisins. Fríverslun og aðgangur að
mörkuðum er viðskiptaþjóð eins og Íslendingum lífsnauðsyn. Því er það mikilvægt að
Íslendingar njóti ávallt bestu kjara í viðskiptum við aðrar þjóðir.

Íslendingar skulu áfram leita eftir samstarfi við þjóðir innan og utan
Evrópusambandsins á grundvelli frjálsra og sanngjarnra samninga og samvinnu sem
byggir á jöfnuði og ábata allra aðila. Með slíkum samskiptum geta íslensk stjórnvöld
tryggt hagsmuni Íslands best á hverjum tíma. Framsóknarflokkurinn telur hag lands
og þjóðar best borgið utan Evrópusambandsins. Nú sem fyrr standa auðlindir
þjóðarinnar undir velferð hennar og fullt og óskorað forræði á þeim er forsenda
farsældar til framtíðar. Framsóknarflokkurinn telur að þjóðin skuli ætíð eiga beina
aðkomu með þjóðaratkvæðagreiðslu að ákvörðunum um stórmál eins og aðild að
Evrópusambandinu og mun flokkurinn berjast fyrir þeim rétti.

[…]

Restin af ályktun framsóknarflokksins er bara endurunnið rusl frá sjálfstæðisflokknum, sem Sigmundur Davíð virðist vera mjög svo tengdur á afskaplega óeðlilegan máta. Því má ennfremur ekki gleyma að Sigmundur Davíð er persónulega milljarðamæringur á Íslandi sem hefur greitt milljónir í skatta af þessum tekjum sínum. Það er alveg augljóst að hann er ekki inná Alþingi íslendinga vegna hugsjóna eða náungakærleika einum saman. Það er ennfremur ljóst að hann græðir ekki mikið á alþingiskaupinu, þar sem að mánaðarlegir vextir af eignum hans eru margfalt kaup hans á Alþingi.

Formenn eins og Sigmundur Davíð eru ekki góðir formenn fyrir stjórnmálaflokka. Í reynd eru formenn eins og Sigmundur Davíð slæmir fyrir stjórnmála og stjórnmálaflokka. Þar sem þeir stjórna með óttanum og hafa græðgina af leiðarljósi. Slíkt hefur aldrei boðað neitt gott, hvorki fyrir stjórnmálaflokkinn sem um ræðir eða þjóðina sem velur slíkan stjórnmálaflokk.

Íslensku þjóðinni ber því að hafna framsóknarflokknum og sjálfstæðisflokknum ef útí það er farið.