Ritskoðun Ögmundar á internetinu

Innanríkisráðherra á Íslandi boðar stórtæka ritskoðun á internetinu. Þessi ritskoðun er til þess að vernda fólk gegn klámi, eða svo segir Ögmundur. Útskýring Ögmundar er auðvitað haugalygi og þvæla. Enda er það svo að það þarf ekkert að vernda fullorðið fólk gegn klámi. Það er fullkomnlega fært um að stjórna þessu sjálft. Það þarf heldur ekki að vernda börn gegn klámi. Þau komast í það hvort alveg óháð því sem fullorðið fólk reynir að stoppa það eða ekki. Enda er tölvuþekking margra krakka í dag margföld á við tölvuþekkingu foreldra þeirra.

Ögmundur notar þekktar rökvillur til þess að réttlæta þessa ritskoðun sem hann leggur til.

Margir verða nú til þess að taka upp hagsmunagæslu fyrir klámiðnaðinn. Flestir gera það undir formerkjum tjáningarfrelsis. Í gær skýrði ég frá því að ég hefði falið refsiréttarnefnd að semja frumvarp sem skilgreini klám nánar en nú er gert í almennum hegningarlögum en jafnframt yrði settur á laggirnar starfshópur sem hefði það verkefni að korleggja úrræði fyrir lögreglu að framfylgja lögum – slík kortlaggning ætti ennfremur að ná til kláms á netinu.

[…]

Þetta er kjaftæði. Ég hef engra hagsmuna að gæta fyrir klámiðnaðinn. Enda starfa ég ekki í honum og nýt engra hagsmuna þar. Það sem skiptir mig hinsvegar máli er tjáningarfrelsi. Enda lít ég svo að tjáningarfrelsi sé ekki eitthvað sem hægt er að semja um. Það nær til klámefnis, þar sem fullorðið fólk tekur þátt í því af fúsum og frjálsum vilja (jafnvel gegn kaupi). Slíkt er ekki vandamál í mínum huga. Enda er þetta ekki glæpastarfsemi að neinum toga þegar þetta er gert á löglegan og skipulagðan hátt.

[…]

Á síðasta ári fengum við heimsókn bandarískrar fræðikonu Gail Dines sem flutti fyrirlestur um klámvæðingu netsins og hvernig fólk væri misnotað þar á hrikalegan hátt í gróðaskyni. (Hér að neðan er slóð þar sem nálgast má fyrirlesturinn.) Bandaríska fræðikonan lýsti því vel hvernig þessu efni væri síðan þröngvað inn á samfélögin þar sem ungviðið ælist upp við ofbeldisklám sem kynfræðslu. Hér á landi höfðu fagaðilar í málaflokknum lýst áhyggjum sínum af tengslum kláms og kynferðisbrota.

[…]

Gail Dines er ekki fræðikona. Þetta er hræðsluáróðursmanneskja sem aðhyllist trúaröfgar, ritskoðun og fasíska þjóðfélagsskipan. Hægt er að misnota fólk í gróðaskyni allstaðar. Í öllum stéttum samfélagsins. Þó er yfirleitt ekki hlaupið til og farið að banna umræddar starfstéttir þó svo að sé verið að níðast á fólki. Yfirleitt eru umræddir níðingar handteknir og dæmir fyrir brot sín. Þetta er útskýring sem á ekki við nein rök að styðjast og hefur engan grundvöll í raunveruleikanum.

[…]

Viljum við þetta? Er það svona sem fólk vill skilgreina frelsið? Getur verið að fólk vilji í það minnsta ekki ræða þetta? Og þá einnig leiðir til úrbóta? Eða vilja menn ekki umræðuna? Vilja menn kannski banna hana? Gera lítið úr þeim sem vilja taka þessa umræðu og gera þeim upp skoðanir? Var einhver að tala um ritskoðun – eða þöggun?

[…]

Ögmundur Jónassonar þann 23.01.2012.

Ögmundur er hérna að snúa útúr. Enda er þetta svar hans ekkert nema útúr snúningar og tóm þvæla. Það sem Ögmundur leggur til er ritskoðun á internetinu. Alveg eins og klám er núna ritskoðað á Íslandi samkvæmt 210 grein almennra hegningarlaga. Þar sem sala á klámefni varðar allt að fangelsi og sektum. Hérna er um að ræða blöð, dvd myndir og slíkt. Sem betur fer þá er þessi lagabókstafur (er varðar heilbrigt og eðlilegt klám) dauður í dag og hefur aldrei verið framfylgt.

Gott dæmi um vitleysuna í Ögmundi er að hann hélt þessu hérna fram í gær samkvæmt frétt Morgunblaðsins.

[…]

Hann kallar eftir yfirvegaðri umræðu um málið. „Ef ekki má ræða bann við ofbeldisklámi sem öllum ber saman um að hafi mjög skaðleg áhrif á ungmenni og geti skýrt tíðni ofbeldisglæpa þá er illa fyrir okkur komið,“ segir Ögmundur.

Hann vill að áhrif kláms séu kortlögð. „Við erum að tala um mjög áganga aðila sem þröngva sér inn á samfélögin. Ábyrg stjórnvöld hljóta að vilja kortleggja þessi efni. Ég vil fá viti borna umræðu um það hvernig bregðast eigi við þessu,“ segir Ögmundur.

[…]

Áhrif kláms hafa verið kortlögð. Niðurstaðan varð sú að klám hefur engin áhrif til eða frá á ofbeldistíðni eða ofbeldisglæpi. Aftur á móti hefur komið í ljós að blý í bensíni hefur áhrif á tíðni ofbeldisglæpa. Sem betur fer er búinn að banna blý í bensíni með þeim beinu afleiðingum að ofbeldisglæpum hefur fækkað að sama skapi. Enda er blý í bensínu afskaplega slæmt fyrir umhverfið. Alveg ólíkt klámi. Þar sem rannsóknir hafa sýnt fram á það að konur sem vinna í klámi hafa betri andlega heilsu heldur og hafa betri lífsgæði heldur en aðrar konur. Þannig að þessi fullyrðing Ögmundar um skaðleg áhrif kláms eru ekki til staðar og hafa væntanlega aldrei verið til staðar.

Síðan er það staðreynd að klám hefur verið löglegt í Danmörku síðan árið 1969. Engin af þeim áhrifum sem Ögmundur talar um til þess að réttlæta þessa skoðun sína á klámi hefur komið fram í Danmörku á þessum tíma.

Hvað Ögmund varðar. Þá er Ögmundur að reyna ritskoða internetið. Slíkt er skerðing á frelsi fólks. Skerðing á frelsi fólks er ekki eitthvað sem hægt er að sætta sig við. Því er ekki hægt að sætta sig við þetta embættisverk Ögmundar. Hvorki núna eða í framtíðinni.

Bloggfærsla uppfærð klukkan 18:07 UTC þann 23.01.2013.

Meira væl, meiri ritskoðun framundan

Það var nógu mikið vælt í Rektors Menntaskólans við Sund að núna er búið að ritskoða myndbandið sem nemendafélag Menntaskólans við Sund gerði. Þetta kemur lítið á óvart. Öfgar þróast alltaf á þennan hátt. Áður en íslendingar vita af þá verður farið að dæma fólk til langrar fangelsisvistar fyrir svona hluti. Þessi breyting mun væntanlega ekki einu sinni taka marga áratugi, og líklega ekki mörg ár ef til þess kemur.

Frétt Morgunblaðsins

Rektor MS: „Við lærum af þessari reynslu“

Nýjasti öfgahópurinn á Íslandi

Á Íslandi spretta núna upp öfgahópar eins og eitursveppir í görðum fólks að hausti til. Einn biti og þú ert dauður. Þessir öfgahópar starfa undir ýmsum málefnum, sjónarmiðum og hugmyndafræði. Þó eiga þeir allir það sameiginlegt berjast gegn frelsi fólks á Íslandi, stjórnarskránni og málfrelsi.

Nýjasti hópurinn í þessari banvænu flóru er hópur sem kallar sig „Foreldrasamtök gegn áfengisauglýsingum“. Þetta hljómar mjög sakleysislega, og jafnvel sniðugt. Staðreyndin er hinsvegar sú að þetta er ekkert nema harðkjarna öfgahópur með það að markmiði að koma á algjöru banni við áfengi á Íslandi aftur. Jafnvel þó svo að fyrir löngu síðan síðan sannað að slíkt virkar alls ekki. Þessi barátta þeirra gegn áfengisauglýsingum er ennfremur dæmd til að mistakast. Enda eru áfengisauglýsingar leyfðar í flestum nágrannaríkjum okkar. Án þess að slíkt valdi beinum skaða á börnum. Það sem ræður áfengisneyslu barna er félagslegur þrýstingur, ekki áfengisauglýsingar. Eins og ljóst ætti að vera eftir rúmlega 92 ára bann við áfengisauglýsingum á Íslandi.

Þessi hópur stundar einnig grimma ritskoðun á öllum þeim sem ekki eru sammála þeim. Hérna er sönnun þess. Enda hafði ég sett inn athugasemd við eina grein á vefsíðunni þeirra. Sú athugasemd bíður ennþá samþykkis. Mér þykir líklegt að þessi athugasemd muni aldrei fást birt. Enda er hún í öllum aðal-atriðum á móti málflutningi þessa öfgafólks. Af þessum sökum. Þá er athugasemd mín hérna. Þar sem ég hef þá reglu að taka mynd af svörum sem ég skil eftir á vefsíðum öfgahópa og fólks.


Smellið á myndina fyrir fulla upplausn. Hægt er að lesa sjálfra greinina hérna, en það eru engin svör. Þau eru ritskoðuð.

Fjölgun svona öfgahópa á Íslandi er áhyggjuefni. Enda er þetta slæm þróun og er ólíkleg til þess að færa íslendingum það lýðræði sem þeir vilja. Ég er efnis um að íslendingar vilji lifa undir einræði og kúgun. Enda er það alltaf þannig að þróun svona öfgahópa mun leiða til þess frelsi almennings á Íslandi mun skerðast á fleiri en einn veg. Það er ekki hægt að telja slíkt góða þróun.

Tilbúin hneykslun á ferðinni varðandi karlakvöld VMA

Hérna er á ferðinni dæmigerð tilbúin hneikslun á ferðinni. Umræddir einstaklingar eru orðnir nógu gamlir til þess að vita fullvel hvað klám er nákvæmlega. Ennfremur er ég alveg þess fullviss að flestir (rúmlega 98,99%) af þessum krökkum hafa séð klám á einhverjum tímapunkti í sínu lífi. Þessi atburður er einfaldlega útrás í þjóðfélagi þar sem búið er að bæla niður heilbrigða umræðu um kynferðislegar langanir, þroska og kynlíf. Íslendingar mundu aldrei nokkurntíman hafa svona þætti í sjónvarpinu eins og Danir hafa núna þessa dagana. Þættinir kallast Sexministeriet på DR.

Það er eitthvað alvarlega rangt við íslenskt þjóðfélag og það er ekki sú staðreynd að verið að gefa fólki á menntaskólaaldri kynlífsdúkkur og klám á DVD diskum.

Fréttir um þetta mál

Klámmyndir og kynlífsdúkkur í verðlaun (Rúv.is)
Nemendafélag VMA biðst afsökunar (Rúv.is)

Bloggfærsla uppfærð klukkan 08:46 UTC þann 13.10.2012.

Smáís í ritskoðunarþjónustu útrásarvíkinga

Það kemur mér lítið á óvart að Smáís sé í ritskoðunarþjónustu útrásarvíkinga. Enda er það nú þannig að Smáís er orðið útibú af Stöð 2 og 365 miðlum núna í dag, og hefur verið síðan árið 2006. Þegar þeir hófu bandaríska herferð sína gegn fólki sem nær í sjónvarpsþætti og kvikmyndir sem fást illa eða alls ekki á Íslandi. Hvort sem er á sæmilegu verði (sem var yfirleitt aldrei).


Smáís að ritskoða fyrir gjaldþrota útrásarvíking. Þessa mynd má nota hvar sem er. Tekið af Youtube.

Ég er ekki viss um að Smáís hafi nokkurn höfundarrétt á þessu myndbandi, sem var meðal annars búið til fyrir útrásarvíkingin Jón Ásgeir (ég held að þetta myndband sé það, sá það reyndar ekki. Búið að ritskoða það áður.) Reyndar var það Saga Film sem framleiddi þetta myndband, og fleiri. Það gefur þó þeim ekki heldur endilega höfundarrétt á verkinu. Þar sem þetta er verkefni sem er framleitt fyrir annan aðilda, og þá er höfundarrétturinn hjá þeim í flestum tilfellum. Þannig að hérna er Smáís að ritskoða fyrir gjaldþrota útrásarvíking. Einhver af þessum myndböndum er hægt að skoða hérna (twitvid.com), þar sem ritskoðunarkrumla Smáís hefur ekki ennþá náð til þeirra ennþá.

Nánar um þetta.

Okkur finnst gaman að fljúga (Eyjan.is / Pressan)

Hin gjörspilltu samtök höfundarrétthafa

Það er til marks um heimsku og þröngsýni samtaka eins og STEF og Smáís að núna ætla þau sér að fara láta vefsíðum á internetinu eftir þeirra hentugleika. Allt saman er þetta að Bandarískri fyrirmynd, þar sem að samtök höfundarrétthafa (stórfyrirtækja, ekki einstakra höfunda) hafa verið að reyna koma svipaðri löggjöf í gegnum Bandaríska þingið, en gengur illa (kallast SOPA og PROTECT IP Act). Eins og í Bandaríkjunum er krafan sú að aðgangi vefsíðum verði lokað. Þá án réttmætar málsmeðferðar eða sönnunargagna.

Það er þó ennfremur bara staðreynd að svona aðgerðir munu ekki virka, og munu frekar hvetja til þess að DNS kerfi sem er ekki undir stjórn ICANN verði almennilega komið á lagginar. Þá munu svona lokanir hafa nákvæmlega ekkert vægi og þjóna nákvæmlega engum tilgangi. Enda munu hinir betur að sér í tölvum og internetinu komast þangað sem þeir vilja án nokkura vandamála. Það er ennfremur sannað og hefur sýnt sig að þetta virkar ekki og mun aldrei gera það. Enda notar margir í dag Google DNS og OpenDNS, sem gera svona lokanir gjörsamlega tilgangslausar með öllu. Enda er ekki hægt að loka á IP tölur. Þar sem margar vefsíður eru oft hýstar á sömu IP tölunni.

Þetta hefur einnig verið reynt í Danmörku, Finnlandi og fleiri Evrópulöndum. Niðurstaðan er alltaf sú sama. Þetta hefur engin áhrif á niðurhal. Hvorki á tónlist, kvikmyndir eða sjónvarpsþætti. Það sem hefur hinsvegar áhrif á þetta er þegar löglegir og almennilegir möguleikar koma fram sem bjóða fólki að kaupa þetta efni löglegt og nota það án takmarkana (DRM)

Höfundarétthafa hafa haldið því fram undanfarin rúmlega 100 árin að allar tækniframfair sem hafa komið fram á þessum tíma sé að drepa tónlist. Þessu hafa líka kvikmyndaframleiðendur haldið fram eftir að sú tækni kom fram. Allt frá myndbandstækjum og yfir í skrifanlega dvd diska áttu að drepa þetta listform með öllu. Staðreyndin er hinsvegar sú að dreifingarfyrirtækin og framleiðendur hafa oft á tíðum ekki grætt meira á nýrri tækni en sem nemur tapinu af þessu efni. Það er ennfremur staðreynd að hlutafallslega lítið af því efni sem er framleitt skilar hagnaði. Ástæðan er auðvitað sú að þessi markaður er tiltölulega mettaður og endurnýjun er mjög hröð þar að auki. Reikna má með að efni skili hagnaði eingöngu næstu fimm ár eftir útgáfudag (mitt eigið mat). Eftir það þá fellur hagnaður gífurlega, en kostnaður af útgáfu minnkar einnig eftir því sem minna er framleitt af viðkomandi tónlist, sjónvarpsþáttum eða kvikmynd. Engu að síður þá er hagnaður af því efni sem framleitt er og skilar hagnaði gífurlegur.

Mest af þessum hagnaði fer ekki til listamanna, tónlistarmannana og kvikmyndargerðarmannana. Flest af þessu fer beint til stórfyrirtækjana sem hirða mest af þessu upp í „kostnað“ og skilja síðan við sjálfa listamennina slippa og snauða eftir tónlist eða kvikmyndir (eða þættir) tapa vinsældum eins og mun gerast með allt það efni sem framleitt er. Eini hópurinn sem ég hef séð að hefur ekki farið þessa leið eru rithöfundar, sem hafa notað tæknina sér til framdráttar. Enda gefa margir út sitt efni sjálfir í e-bókarformi og fá því hagnaðin beint í sinn eigin vasa.

Það er óumflýjanleg staðreynd að aðferðir STEF og Smáís er röng. Þetta mun ekki virka og hefur ekki gert það hingað til. Allt tal þessara aðila um að ný tækni sé að drepa þessa miðla er tóm þvæla, og hefur verið það síðustu 100 árin.

Nánar.

Radio Is Killing Music (techdirt.com)
Making a Profit in Music: The Mick Jagger Meme and More (artandavarice.com)

Tækifæri til að hætta við meiðyrðalögsókn Gunnlaugur Sigmundsson á hendur Teiti Atlasyni

Ég, Jón Frímann Jónsson gef þér Gunnlaugur Sigmundsson hér með tíma til þess að hætta við lögsókn á hendur Teiti Atlasyni fyrir árslok 2011. Ástæðan er mjög einföld. Lögsókn þín er ekkert nema tilraun til þess að ritskoða og þagga niður í bloggurum á Íslandi, og ég mun ekki líða slíkt. Ég tek það fram að ég óttast þig alls ekki, enda er ég ekki einu sinni hræddur við harð-kjarnann í sjálfstæðisflokknum, sem reyndi að valta yfir mig árið 2009 en mistókst.

Lögsókn þín á hendi Teits er einnig byggð á vafasömum forsendum, og þú ert í raun ekki að gera neitt annað en að stunda það sem er kallað „Libel tourism“ upp á enskuna. Ég veit ekki hvort að Svíþjóð hafi lög gegn svona, þar sem Teitur er með lögheimili. Þó er alveg ljóst að dómur á Íslandi er ekki hægt að framfylgja í Svíþjóð. Þar sem löggjöfin í Svíþjóð heimilar Teiti að fjalla um það sem honum sýnist og vel það. Jafnvel þó svo að það sé ekki staðan á Íslandi um þessar mundir.

Af þeim sökum þá yrði dómsniðurstaða á Íslandi marklaus í Svíþjóð, þar sem Teitur er búsettur.

Af þessum staðreyndum sögðum. Þá gef ég þér tíma fram að áramótum að hætta við lögsókn á hendur Teiti Atlasyni, sem fjallaði eingöngu um gamalt mál sem var í fjölmiðlum fyrir meira en 16 árum síðan, og byggði umfjöllun sína á gögnum sem eru öllum aðgengileg og sýnileg.

Það er ennfremur ljóst að þú [Gunnlaugur Sigmundsson] hefur verið duglegur við að grafa sjálfur undan málinu með þinni eigin hegðun. Hótanir eins og þú hefur líklega haft frammi í þessum SMS skilaboðum eru hinsvegar vel kæranlegar í Svíþjóð, og mundi þá dómsmálið ná á Íslandi þar sem um væri að ræða opinbert mál á hendur þér. Um svona mál gilda samningar á milli Svíþjóðar og Íslands, þó svo að þeir nái ekki til meiðyrðamála eins og áður segir.

Hvað gerist ef þú [Gunnlaugur Sigmundsson] hættir ekki við dómsmálið á hendur Teiti Atlasyni. Ég mun grafa upp allan þann skít, og alla þá spillingu sem þú hefur stundað. Ég mun ekki bara stoppa þar. Ég mun koma upp um alla þá sem hafa unnið með þér í spillingunni, alveg óháð því sem þeir gera í dag, og breytir þá einu hvort að þeir eru lífs eða liðnir. Ég mun koma upp um alla spillinguna og gera hana opinbera. Það má vel vera að þetta taki mig áratug. Ég hef alveg tíma í svoleiðis verkefni, þó svo að hægt mundi ganga.

Þetta mundi hinsvegar allt koma fram á þessu bloggi, og væntanlega í kjölfarið á fjölmiðlum á Íslandi í kjölfarið. Þú hefur fram að áramótum Gunnlaugur Sigmundsson. Mundu það þegar þú ert búinn að lesa þessa bloggfærslu.

Dómstólar ritskoða fjölmiðla á Íslandi

Ég sé á nýjustu fréttum að Hæstiréttur Íslands heldur áfram þeirri stefnu sem sjálfstæðisflokkurinn markaði fyrir nokkru síðan. Sú stefna var að ritskoða fjölmiðlamenn á Íslandi í gegnum dómstóla. Enda hefur sjálfstæðisflokkurinn stillt hæstarétti þannig upp að dómarar þar eru hallir undir það sem kemur frá sjálfstæðisflokknum. Þetta sést mjög vel þegar skipanir dómara á valdatíma sjálfstæðismanna eru skoðaðar. Enda var það þannig að sjálfstæðisflokkurinn var alltaf með dómsmálaráðuneytið í þeim ríkisstjórnum sem hann sat í.

Það kemur því lítið á óvart að núna skuli íslenskir fjölmiðlamenn fara halloka fyrir Hæstarétti Íslands, sem er í reynd besti vinur allra hrunaðila á Íslandi og hefur verið það til lengri tíma núna. Stóra spurningin er sú að hvert kærir maður Hæstarétt Íslands fyrir blístrandi vanhæfni og spillingu ?

Nærtækast væri að setja upp íslenska sjónvarpsstöð erlendis, svo að blaðamenn geti flutt fréttir af spillingunni á Íslandi óhræddir við ritskoðun Hæstarétts Íslands. Enda er ljóst að íslenskum blaðamönnum verður ekki óhætt fyrir ritskoðun Hæstaréttar Íslands á öllum þeim spillingarfréttum sem eiga ennþá eftir að koma í dagsljósið á Íslandi.

Fréttir af þessu.

Svavar Halldórsson hlaut dóm (Rúv.is)
Svavar sakfelldur: Greiðir Pálma 200 þúsund krónur (DV.is)

Tilraun til ritskoðunar af hálfu Landssambands Sauðfjárbænda

Það er óhugnanleg staðreynd að Landsamband Sauðfjárbænda skuli nota eins óheiðarlegar aðferðir og þeir í reynd gera þegar málflutningur þeirra er gagnrýndur. Staðreyndin er sú að Landsamtök Sauðfjárbænda hafa ekki gert neitt til þess að afsanna það sem Þórólfs Mattíassonar prófessors. Þess í stað er lagt upp með að rægja mannin og reyna að þagga niður í frekari svona skrifum með efnahagslegum kúgunaraðferðum.

Þetta segir mikið um þann málefnanlega skort sem Landsamtök Sauðfjárbænda þjást af. Þetta staðfestir ennfremur það sem Þórólfur Mattíasson hefur verið að skrifa um í fjölmiðlum. Þar sem að frekari staðfestingar er ekki þörf að hálfu Landssambans Sauðfjárbænda.

Það er einnig staðreynd að Landsamtök Sauðfjárbænda þurfa að útskýra afhverju sauðfjárbændum á Íslandi er haldið í fátækt árum og áratugum saman, og allar tilraunir til þess að breyta þessu ástandi daga uppi af hálfu meintra hagsmunasamtaka sauðfjárbænda á Íslandi.

Mig grunar sterklega að hérna sé á ferðinni klassískt dæmi um samtök sem eru svo gerspillt og handónýt að nær væri að leggja þau niður og hefja lögreglurannsókn á starfsemi þessara samtaka. Þar sem augljóst má vera að ekki styðja þau við sauðfjárbændur á Íslandi.

Fréttir af þessu.

Ræddi við rektor um skrif Þórólfs (mbl.is)
Bændur afþakka þjónustu HÍ (Rúv.is)

Gjörspilltur framsóknarmaður reynir að ritskoða bloggara

Hinn gjörspillti framsóknarmaður Gunnlaugur M. Sigmundsson reynir núna að ritskoða DV bloggarann hann Teit Atlasson fyrir bloggfærslu sem hann skrifaði fyrir mörgum mánuðum síðan. Hægt er að lesa um þessa ritskoðun í formi meiðyrðalögsóknar hérna á fréttavef DV.

Staðreyndin er hinsvegar sú að Gunnlaugur M. Sigmundsson hefur engan grundvöll fyrir þessari meiðyrðalögsókn. Enda er Teitur eingöngu að vísa í frétt Morgunblaðsins frá árinu 1998 og slíkt getur ekki innfalið í sér meiðyrði. Ég hallast því að Gunnlaugur sé einfaldlega að reyna að þagga niður í öllum þeim rifja upp þessa spillingu sem hann stóð að með Kögun hf. Mál sem var aldrei rannsakað sem sakamál, en hefði í raun átt að gera það.

Hérna er fréttaflutningur af þessu máli á sínum tíma. Til upprifjunar fyrir alla þá sem hafa áhuga á þessu spillingarmáli.

Seldi sjálfum sér Kögun (Helgarpósturinn, tímarit.is, árið 1995)
Orðrómur um sölusamning sennileg skýring (Morgunblaðið, tímarit.is, árið 1999)
Yfirlýsing stjórnarmanna Þróunarfélags Íslands hf. v/sölu hlutabréfa í Kögun hf. Sala Þróunarfélagsins á hlutabréfunum í Kögun (Morgunblaðið, árið 1998)
mbl kögun (pastebin.com)

Ég ætla síðan að vara Gunnlaug við. Muni hann reyna að ritskoða mig með lögsókn þá mun ég ekki hika við það velta öllum þeim steinum sem mér sýnist til þess að fletta ofan af honum og hans spillingu. Ég mun ennfremur ekki fjarlægja þessa bloggfærslu, jafnvel ekki einu sinni þó svo að dómur falli mér í óhag. Þar sem lögsaga þessar vefsíðu er á þrem svæðum í heiminum. Gunnlaugur getur fundið út sjálfur hvar þessar lösögur eru staðsettar ef hann vill gera svo.

Ég mæli síðan með að fjölmiðlar rannsaki viðskipti og starfsemi Gunnlaugs á Alþingi þegar hann starfaði þar. Það virðist ekki veita að því. Enda virðist maðurinn vera gjörspilltur og algerlega siðlaus að auki.