Category: Sjúkt fólk

Birt þann

Af orðum andstæðinga ESB á Íslandi

Hérna er dæmi um orð sem andstæðingar ESB á Íslandi létu falla í minn garð núna í dag. Þetta segir í raun allt sem segja þarf um það hvernig fólk er á bak við ESB andstöðuna á Íslandi.

Hérna er ég kenndur við margt ógeðfellt. Ég ætti í raun að kæra þetta umsvifalaust til lögreglunar. Hinsvegar er það stór spurning hvort að slíkt borgi sig fyrir mig. Þar sem þetta yrði í raun aldrei meira en bara meiðyrðamál, og ég þarf að bera kostnaðin af slíkum málum sjálfur. Eitthvað sem ég hef ekki efni á. Hvorki í tíma eða peningum.

Smellið á myndinar til þess að fá fram fulla stærð.

Hérna eru fleiri ummæli sem falla í minn garð. Minna ógeðfelld, en ansi vafasöm engu að síður. Öll þessi ummæli féllu hérna, og hafa ekki ennþá verið fjarlægð af eiganda þessa bloggs sem er Páll Vilhjálmsson.

Birt þann

Félag sem hatar kynlíf og karlmenn

Á Íslandi er starfrækt félag sem kallar sig Feministafélag Íslands. Opinber tilgangur þessa félags er víst að stuðla að jafnrétti milli kynjana á Íslandi. Þar endar hinsvegar jafnréttishugsjónin hjá þessu félagi. Þar sem í raunveruleikanum þá leggur þessi hópur kvenna meira upp úr því að siðvæða íslenska kvenmenn eftir sínum hugmyndum frekar en að stuðla að jafnrétti á Íslandi.

Núna síðast var þessi hópur kvenna að gagnrýna bók manns sem fjallar um bólfarir sínar við íslenska kvenmenn. Mér er nú alveg sama hvort að frásagnir í bókinni séu raunverulegar eða uppspuni. Það sem er þó alveg ljóst að viðbrögð Feminstafélag Íslands koma upp um harðkjarna stefnu þess félags og tilgang. Þetta félag hatar kynlíf og karlmenn að jöfnu, og þetta er staðreynd. Enda er það augljóst þegar málflutningur og stefna félagsins er skoðuð. Enda hefur tilgangur þessa félags verið sá að bæla niður kynkvöt og kynhugmyndir kvenna, og í raun bannfæra allt sem ekki passar inn í hugmyndaheim Feminstafélag Íslands.

Síðan má auðvitað benda á yfirlýsingar eins og þessar hérna.

„Þessi bók virðist í rauninni vera nauðgunarleiðarvísir um hvernig best sé að nauðga íslenskum konum þar sem höfundur minnist oftar en einu sinni á að best sé, og auðvelt einnig, að hella íslenskar konur fullar og einangra þær til að geta fengið sínu fram. Það er ekki nokkrum manni eða konu bjóðandi að virða slíkan viðbjóð viðlits.“

Eygló Margrét, Feministafélag Íslands, DV 7 Nóvember, 2011. Femínistar fordæma flagarabók Vöreks

Ég legg til að konur sniðgangi Feminstafélag Íslands. Enda er þarna á ferðinni hópur sem stendur á sama um konur og það sem þær standa fyrir. Þarna er á ferðinni fasískur hópur sem ætlar sér að koma öllum konum undir sinn járnhæl með öfgum og blekkingum í málflutningi og aðgerðum.

Er það sem íslenskar konur virkilega vilja ?

Birt þann

Íslenskir fasistar á ferðinni

Það er ákaflega fasistalegt að lesa þessa hérna kröfu hjá neðanjarðarsamtökunum „Stóra Systir“. Samtök sem eru í raun ekkert nema glæpasamtök miðað við það hvernig þau hafa hagað sér núna síðustu daga. Enda hefur það sannast að bann á vændi hefur ekkert að segja, og mun alltaf þrífast á Íslandi þrátt fyrir yfirlýsta stefnu geðveikra siðapostula um að stoppa það.

Það sem er þó ennþá meira áhyggjuefni er þessi hérna krafa samtakana sem kallar sig „Stóra Systir“.

Konurnar sögðu íslenska löggjöf á sviði vændis- og mansalsmála til fyrirmyndar en hún hefði ekki dugað til að útrýma meinsemdinni. Þær lásu upp lista yfir kröfur sínar, sem voru meðal annarra þær að vefsíðunni Einkamálum yrði lokað, að rannsókn mansals- og vændismála yrði undir sérhæfðu teymi sem fengist ekki við önnur sakamál og að stjórnvöld stæðu fyrir fræðsluherferð sem beindist að kaupendum vændis og kláms.

Frétt Vísir.is/Fréttablaðið/Stöð 2 þann 19 Október, 2011. Neðanjarðarhreyfingin Stóra systir krefst úrbóta

Það er margt við þessar kröfur að athuga. Þá sérstaklega er þarna farið fram á ritskoðun og skoðanakúgun á vefjum vegna þess að þetta kvenfólk telur sig vera að gera eitthvað rétt. Þó án þess að færa fyrir því nokkur einustu rök eða sannanir. Það er ennfremur staðreynd að mansal þrífst þar sem ekki er hægt að koma upp um það. Þar á meðal á Íslandi, þar sem löggjöfin kemur öllu saman neðanjarðar í hendur glæpamanna og annara óþokka. Lausn íslenskra feminista er því ekki nein lausn. Heldur er hérna á ferðinni um að ræða endagötu á málefni sem á sér mjög langa sögu (6000+ ár). Enda verður kynlífsþörf mannsins (bæði karla og kvenna) ekki stoppuð á neinn hátt. Gildir þá einu hvað og hverju íslenskir öfgafeministar halda fram í fjölmiðlum og í prenti. Það að krefjast lokunar á einkamál er auðvitað ekkert nema fasismi í einni mynd. Enda er slíkt ekkert nema skref til kúgunar á hópi fólks sem stendur að öllu sama um skoðanir öfgafullra feminista á Íslandi sem eru á móti öllu sem er kynferðislegt og tengist kynferði.

Það er alveg ljóst að íslenskir öfga-feministar eru varasamur hópur, og það er margt komið fram sem réttlætir lögreglurannsókn á hegðun og lögbrotum þessa hóps. Enda hafa þau ekki brotið nema 10 til 20 lög eftir því sem ég kemst næst. Allt frá lögum um einkalíf til laga um fjarskipti, og hugsanlega eitthvað fleira að auki.

Frétt Vísir.is

Neðanjarðarhreyfingin Stóra systir krefst úrbóta

Birt þann

Óraunverulegur raunveruleiki hjá andstæðingum Evrópusambandsins á Íslandi

Ef það hefur farið fram hjá einhverjum. Þá eru andstæðingar Evrópusambandsins á Íslandi margir hverjir ekki alveg í sambandi við raunveruleikann. Þessu til sönnunar er best að benda á nafnlausa grein á vefnum Evrópuvaktin, sem er ritstýrð af Birni Bjarnarsyni (fyrrverandi ráðherra osfrv) og Styrmi (fyrrverandi ritstjóra Morgunblaðsins).

Í þessari grein á Evrópuvaktin er talað um trójuhesta og annað slíkt. Þar er óbeint hreinlega verið að saka fólk um að vera landráðamenn og annað slíkt fyrir það eitt að stoppa ekki aðildarviðræður Íslands og Evrópusambandsins.

Hérna er öll greinin til greiningar.

Trójuhestar ESB á Íslandi?

Þegar heimsveldum gengur illa að ná undir sig löndum koma þau sér gjarnan upp Trójuhestum. Hverjir ætlu séu þeir Trójuhestar, sem Evrópusambandið er að koma sér upp á Íslandi til þess að auðvelda því að ná yfirráðum yfir íslenzka lýðveldinu? Ekki verða Samfylkingarmenn sakaðir um það enda fara þeir ekki leynt með þá fyrirætlan sína að koma Íslandi undir yfirráð Brussel.

Trójuhestarnir eru þeir, sem þykjast vera annað en þeir eru. Tveir af forystumönnum VG, þeir Steingrímur J. Sigfússon og Árni Þór Sigurðsson þreytast ekki á því að segja að þeir séu andvígir aðild Íslands að Evrópusambandinu. Þegar grannt er skoðað er hins vegar ekkert samhengi á milli orða þeirra og gerða. Steingrímur J. hefur til þessa dags greitt fyrir öllu, sem hann hefur þurft að greiða fyrir til þess að ýta undir aðild Íslands að ESB enda gengur hnífurinn ekki á milli hans og Össurar Skarphéðinssonar í málinu. Árni Þór Sigurðsson segist í orði vera á móti aðild að ESB en verk hans segja allt aðra sögu ekki sízt verk hans (og verkleysi) sem formaður utanríkismálanefndar Alþingis.

Það er því ekki fráleitt að ætla að þar séu á ferð Trójuhestar ESB á Íslandi. En eru þeir kannski fleiri?

Það er alvarlegt umhugsunarefni.

Takið eftir því að talað er um Evrópusambandið sem heimsveldi. Staðreyndin er hinsvegar sú að Evrópusambandið er ekki heimsveldi. Frakkland er heimsveldi, Bretland er heimsveldi, Ítalía er heimveldi, Evrópusambandið er ekki heimsveldi. Það sem munar þar er sú staðreynd að Evrópusambandið er ekki ríki og getur því ekki verið heimsveldi. Stök aðildarríki Evrópusambandsins geta verið heimsveldi (örfá aðildarríki Evrópusambandins eru það) upp á sínar eigin spýtur.

Sú alvarlega bilun sem margir andstæðingar Evrópusambandsins á Íslandi hafa getur og jafnvel mun verða íslensku þjóðinni dýr þegar fram líða stundir. Enda mun höfnun íslendinga á ESB aðild þýða áframhaldandi verðtryggingu á Íslandi, óstöðugt gengi íslensku krónunnar og áframhaldandi sveiflur á verðbólgu og rýrnandi kjör íslensks almennings. Í þessari grein er einnig gengið upp með það að Steingrímur J, og Árni Þór séu landráðamenn (orð sem andstæðingar Evrópusambandsins á Íslandi nota mikið) og eitthvað þaðan af verra.

Þess má einnig geta að allar líkur eru á því að hinn kristni öfgamaður Jón Valur Jensson hafi skrifað þessa grein á Evrópuvaktin. Enda er það eini maðurinn (fyrir utan örfá önnur hits á Google) sem notar orðið „sízt“ með zetu.

Það er hinsvegar með ólíkindum að svona málflutningur skuli fá að komast áfram í umræðunni á Íslandi. Sérstaklega í ljósi þess þetta er svo mikið geðveiki og rugl að það nær ekki nokkurri átt. Á þessu hinsvegar keyrir öll barátta andstæðinga Evrópusambandsins á Íslandi. Það er að kenna fólk við landráð, svik og fleira í þeim dúr.

Það hafa ekki komið fram neinar lausnir, eða útskýringar frá andstæðingum Evrópusambandsins á Íslandi um það hvernig þeir ætla sér að koma efnahagsmálum á Íslandi í lag, eða þá hvernig þeir ætla sér að laga vandamálið verðtrygginguna. Ekkert slíkt hefur komið fram hjá þeim stjórnmálaflokkum sem hafa sett sig upp á móti aðild Íslands að Evrópusambandinu. Það má því reikna með því sama gamla frá þeim stjórnmálaflokkum sem eru á móti aðild Íslands að Evrópusambandinu. Þá sögu þekkja flestir íslendingar, og verður hún því ekki sögð hérna núna.

Birt þann

Uppgangur öfgafólks í íslensku samfélagi

Það er alger óþarfi fyrir mig að hafa þessa blogg-færslu langa.

Í ljósi nýjustu atburða í framsóknarflokknum. Þá er orðið augljóst að framsóknarflokkurinn er orðin fasistaflokkur undir stjórn Sigmundar Davíðs Gunnlaugssonar Alþingismanns og formanns framsóknar. Það sem Sigmundur Davíð er að gera, og hefur verið að gera er að skipulega brjóta niður andstöðu við sig og sína fylgismenn. Þetta er bara endurtekin á þeirri sögu sem átti sér stað í sjálfstæðisflokknum þegar Davíð Oddsson tók þar við völdum á sínum tíma. Enda er sá flokkurinn núna uppfullur af fasistum og öðru skítapakki sem er hvergi húsum hæft.

Það er ennfremur rangt sem Sigmundur Davíð heldur fram um frjálslegri stjórnmál á Íslandi. Það verða engin frjálsleg stjórnmál með framsóknarflokkinn og sjálfstæðisflokkinn við völd. Þessir stjórnmálaflokkar hafa nefnilega ekki neinn áhuga á slíku. Ekkert frekar en Vinstri-Grænir. Enda hafa þessir flokkar það sameiginlegt að vera mestu afturhaldsflokkar á Íslandi. Frelsi er ekki það sem þessir flokkar boða og framkvæma. Það sem er framkvæmt er afturhald og forræðishyggja af verstu gerð. Þetta er gömul saga á Íslandi, enda hafa þessir stjórnmálaflokkar [framsóknarflokkurinn og sjálfstæðisflokkurinn] verið við völd á Íslandi meira og minna síðan lýðveldið Ísland var stofnað árið 1944.

Enda er kominn tími til þess að gefa sjálfstæðisflokknum og framsóknarflokknum langt frí frá öllu sem heitir völd á Íslandi. Enda hefur aðeins fylgt þessum stjórnmálaflokkum ekkert nema vandamál og efnahagsleg óstjórn allan þennan tíma. Enda hefur það sannast að þessir tveir stjórnmálaflokkar eru ekki stjórnmálaflokkar sem vinna fyrir almenning á Íslandi. Hvað Vinstri-Græna varðar. Þá er það staðreynd að þar innanborðs er fólk sem er úr stjórnmálflokkum sem stóðu í því að einangra Ísland frá umheiminum á árum áður. Þetta fólk, eins og Vinstri-Grænir í heild sinni eiga ekkert erindi í það nútímasamfélag sem íslendingar segjast vilja.

Það væri reyndar stór framför fyrir íslensku þjóðina að fara eftir því sem hún segist vilja. Ef íslenska þjóðin vill betri lífsskilyrði á Íslandi. Þá verður hún að gera eitthvað í málunum. Það þýðir ekki bara að tala um það og kjósa síðan bölvaða fasista og fábjána til Alþingi Íslendinga. Það bætir ennfremur ekki lífsskilyrði á Íslandi að það skuli vera kosið fólk á Alþingi íslendinga sem stendur í því að einangra Ísland efnahagslega með endalausum tollum og gjöldum til þess að vernda þá einokun sem þrífst á Íslandi út í eitt. Eins og allir eiga að vita. Þá hækkar einokun verðlag til almennings, og hefur alltaf gert það. Sama hvað sérhagsmunaraðildar ljúga í fjölmiðla um slíkt [Bændasamtök Íslands sem dæmi].

Upphlaup þessa fólks gegn aðildarviðræðum Íslands að Evrópusambandinu stafa af því að þetta fólk óttast næstu skrefin í þessum aðildarviðræðum. Enda er það ljóst að aðild Íslands að Evrópusambandinu mun tryggja íslendingum meira frelsi en þeir eru núna í dag. Aðferðarfræðin er sú að keyra áróður og rangar fréttir í gegnum fjölmiðla á Íslandi. Þæði á internetinu og í gegnum blöðin og aðra fjölmiðla á Íslandi.

Það er einnig líka þannig að hægri menn á Íslandi eru mjög duglegir við að skálda eitthvað rugl upp koma því síðan inn í fréttir sem staðreyndum. Heimssýn gerir mikið af þessu. Þar sem að Páll Vilhjálmsson skáldar eitthvað rugl upp og birtir það síðan sjálfur á bloggi Heimssýnar og vitnar síðan í sjálfan sig á blogg Heimssýnar. Sjálfstæðisflokkurinn gera þetta, nema að þeir nota AMX og aðra svona botn miðla til þess að koma af stað röngum upplýsingum og lygum í fréttir á Íslandi.

Birt þann

Þar sem öfgarnar mætast á Íslandi

Það verður seint sagt að Ísland sé laust við öfgafulla einstaklinga. Vegna þess að það er staðreynd að á Íslandi þrífast öfgar og öfgafullir einstaklingar mjög vel í skjóli fáfræði og fordóma sem er að finna í íslensku samfélagi.

Á Íslandi snúast þessar öfgar um útlendinga og meinta hættu af þeim. Staðreyndin er hinsvegar sú að íslendingar hafa aldrei haft neitt að óttast af hálfu útlendinga. Þær fullyrðingar sem settar hafa verið fram af andstæðingum EFTA, EES og núna ESB eru alltaf þær sömu. Hérna er dæmi frá Ragnari Arnaldssyni frá árinu 1969. Í dag má finna sömu fullyrðingar frá Ragnari Arnaldssyni og fleirum sem eru sammála honum í þessari þvælu.


Smellið á myndina til þess að fá fulla upplausn.

Ragnar Arnalds stofnaði og var formaður samtakanna Heimssýn, sem byggja á algerri einangrun Íslands. Bæði efnahagslega og stjórnmálalega. Það er bara auglýsingabragð hjá Heimssýn að tala um það að sé stór heimur fyrir utan ESB. Sérstaklega í ljósi þess að Evrópusambandið hefur samskipti og viðskipti við allan heiminn og hefur alltaf gert það.

Núna hefur Ragnar Arnalds ásamt fleiri öfgafullum vinstri mönnum á Íslandi stofnað vefsíðuna Vinstri Vaktin gegn ESB. Þar sem þessir menn mála málflutning sinn sem einhverskonar bjargvætt íslensku þjóðarinnar. Þar sem þeir þykjast standa fyrir velferð og allan þann pakka. Þetta setja þeir þó fram án þess að hafa útskýrt hvernig þeir ætli sér að gera það, sem er mjög áhugavert. Þar sem þessum mönnum tókst það ekki þegar þeir voru sjálfir í ríkisstjórn á árunum 1970 til ársins 1982 (með hléum þó). Það sem Ragnar Arnalds er hvað frægastur fyrir er að hafa eyðilagt gömlu íslensku krónuna með 100% verðbólgu á sínum tíma.

Staðreyndin er hinsvegar sú og verður alltaf sú að Ragnar Arnalds og fólk sem talar eins og hann er bara að halda þessu fram út frá tilfinningarökum (argumentum ad populum).

Á hinum enda litrófsins er hægra öfgafólkið að finna. Þar eru menn eins og Styrmir, Björn Bjarnarson fyrrverandi dómsmálaráðherra, Davíð Oddsson, Hannes Hólmstein og fleiri. Þessir menn reka og koma nálægt vefjum AMX, Evrópuvaktin, Heimssýn (eru í stjórn Heimssýnar sem dæmi)

Markmið þessa fólks er mjög svipað og öfgafólksins sem er til vinstri. Það er að halda íslandi efnahagslega einangruðu og halda samskiptum við útlönd eins litlum og hægt er. Ástæðunnar eru þó aðrar en fólksins til vinstri. Þar sem helsta hugmyndafræði öfgafólksins til hægri er sú að reka á Íslandi bandarískt hagkerfi, og hafa sem flesta þætti þjóðfélagsins í höndum einkaaðila. Einnig sem þetta fólk á hægri vægnum vill tryggja og vinna að því Ísland verði í nánari samskiptum við Bandaríkjunum, jafnvel að það verði tengt ríki innan Bandaríkjanna (Unincorporated organized territories). Þannig að Ísland mundi tilheyra Bandaríkjunum, en samt halda sjálfstæði sínu að nafninu til.

Þessi staðreynd verður augljóst og sést þegar gjörðir og markmið hægri manna eru skoðuð síðustu áratugina á Íslandi, og áhrifin eru ekki farin að leyna sér á Íslandi. Ný-frjálshyggjan sem innleidd var á Íslandi var öll að Bandarískri fyrirmynd. Efnahagshrunið árið 2008 var hinsvegar endanleg niðurstaða þessar stefnu öfga-hægri manna á Íslandi.

Ástæður þess að þetta fólk er á móti ESB aðild Íslands eru því há-pólitískar og snúast ekki um hag heildarinnar eins og halda mætti. Hérna er hérna um að ræða hugmyndafræði sem gengur útá það að viðhalda ónýtu hagkerfi á Íslandi, sem og pólitísku kerfi sem kemur niður á framþróun á Íslandi. Hvort sem það er í tækniþróun, byggðarþróun eða efnahagslegri þróun.

Það er því nauðsynlegt fyrir íslensku þjóðina að styðja við aðildarferli og aðildarumsókn Íslands. Svo hægt sé að koma í veg fyrir stöðnun á Íslandi næstu áratugina. Íslenska þjóðin á svo margt undir því að aðildarviðræður Íslands gangi vel og að aðildarsamningur Íslands og ESB verði samþykktur í þjóðaratkvæði þegar þar að kemur.

Birt þann

Málflutningur andstæðinga ESB á Íslandi er rugl

Málflutningur andstæðinga ESB á Íslandi er með einsdæmum. Það er ekki nóg með að þarna séu einstaklingar sem eru alvarlega sjúkir og með miklar ranghugmyndir um heiminn. Heldur er þarna fólk sem gjörsamlega siðlaust og hikar ekki við að ljúga ef það hentar þeim.

Hérna er gott dæmi um þennan sjúkleika.

Ef einhver skyldi enn velkjast í vafa, þá er þriðja heimsstyrjöldin löngu hafin, þó það hafi aldrei verið tilkynnt formlega. Þetta er ekki svo hefðbundið stríð nema á afmörkuðum svæðum, en á öðrum svæðum brýst það fram í formi upplýsingastríðs, gjaldmiðlastríðs, viðskipta- og pólitískra átaka. Fjármálakerfi vesturlanda í núverandi mynd er blekkingarmynd þaulskipulagðrar starfsemi sem væri glæpsamleg ef hún hefði ekki verið lögleidd fyrir tilstilli spillingarafla. Mannkynið mun ekki ná framförum fyrr en miskunnarlaus sjálfsgagnrýni hefur framið og nauðsynlegar úrbætur gerðar, en það krefst hugrekkis, auðmýktar og heiðarleika.

Þetta er tekið héðan.

Síðan má einnig benda á þessi ummæli hérna.

Fyrst ESB-sinnar kalla á Sturlungaöld skulu þeir verða að ósk sinni. ÞJÓÐFRELSISSTRÍÐIÐ ER HAFIÐ!!!!!!!!!!

Guðmundur Jónas Kristjánsson, 25.6.2011 kl. 01:36

Tekið héðan.

Málflutningur þeirra sem er í Heimssýn er ekkert betri. Eini munurinn er sá að hann er aðeins snyrtilegri, en alveg jafn mikið úr sambandi við raunveruleikann eins og annað sem hefur komið frá andstæðingum ESB á Íslandi undanfarin áratug eða svo. Síðan má einnig benda á það að ný-frjálshyggjan (þessi sem gerði Ísland gjaldþrota) styður og styrkir vandlega samtökin Heimssýn og hefur alltaf gert það. Einokunarliðið í Bændasamtökum Íslands styrkir síðan Heimssýn rækilega með fjármagni og áróðursmeisturum.

Birt þann

Veikt fólk á internetinu

Ég tek undir með Mattíasi Ásgeirssyni um veikt fólk á internetinu. Ástæða þess að ég skrifa þessu stuttu grein er sú staðreynd að ég er þessa stundina undir skítaárás fólks sem er alvarlega veikt og með alvarlegar ranghugmyndir um heiminn. Þetta fólk rekur vefinn kryppa.com, þar sem alllir eru á móti öllum og heimurinn er bara eitt stórt samsæri.

Ástæða þess að þetta sjúka fólk á kryppa.com ræðst á mig er sú staðreynd að ég hef útilokað það frá mínu bloggi og ég hef brugðist vil tilraunum þess til þess að spamma þetta blogg. Ég hef einnig ákveðið að banna þetta fólk héðan hreint og beint. Hérna er nýjasta dæmið um það hvernig þetta sjúka fólk á kryppa.com ræðst á mig og mína persónu. Þetta fólk gerir það án þess svo mikið sem að skammast sín. Síðan toppar þetta fólk vitleysuna með því að móðgast þegar enginn vill tala við það, eða bara yfirhöfuð sjá vitleysuna sem frá þeim kemur. Það hafa komið nokkuð margar greinar frá þessu fólki um mig og mína persónu á þessum vef. Þetta er allt saman þvæla og af svipaðri gerð og sést í greinni sem ég vísa í hérna að framan.

Ég hef persónulega fengið nóg af þessu, enda er mínum tíma betur varið heldur en að verja mig fyrir svona sjúku fólki á internetinu. Þetta verður vonandi mín eina grein um þetta mál og hegðun þessa fólks. Hinsvegar er þetta fólk óútreiknanlegt með öllu og það má alveg reikna með því að árásir aukist á mig í kjölfarið á þessum bloggskrifum mínum um þetta sjúka fólk. Ég læt það hinsvegar ekki stoppa mig. Mér dettur það ekki einu sinni í huga að stoppa útaf nokkrum sjúkum einstaklingum á internetinu. Enda hafa þeir þá náð fram markmiði sínu. Að þagga niður í því fólki sem þeir eru ósammála.

Greinar Mattíasar í tengslum við þetta.

Veikt fólk á netinu (orvitinn.com)
Andvarp (orvitinn.com)