Category: Hræsni

Birt þann

Í góðum gír á Spáni

Margir andstæðingar ESB eru í undalegri stöðu. Eitt besta dæmið er Jón Baldur, sem fór einu sinni í viðtal hjá formanni Heimssýnar á ÍNN. Það vill svo til að umræddur Jón Baldur er einnig í stjórn Heimssýnar og er í vinnu hjá Bændasamtökum Íslands. Þannig að í þessu viðtali var formaðurinn að ræða við stjórnarmannin um hversu slæmt ESB er. Þó hefur Jón Baldur notið lífsins í ESB ríki (Danmörku) og hafði ekkert við líf sitt þar að athuga, bara hreinlega ekki neitt. Svo vel leið honum.

Síðan er það ESB andstæðingurinn Gunnlaugur I. sem hatar ESB að eigin sögn. Hann býr samt á Spáni og hefur það gott með evruna, lága vexti, lágt matvælaverð og vöruverð. Á sama tíma og hann hefur það gott. Þá reynir hann að sjá til þess að íslenska þjóðin hafi það skítt með því að ljúga til um ESB á blogginu sínu og gera fólk afhuga ESB með þessum blekkingum sínum.

Svona eru andstæðingar ESB. Hafa það gott innan ESB, en vilja ekki að íslenska þjóðin fái að hafa það gott innan ESB líka.

Birt þann

Ónýtt Ísland

Fyrst eftir bankahrunið töluðu margir íslendingar um að taka sig á og breyta hlutunum. Það hefur ekki gerst. Í staðinn hefur þetta nýja Ísland sem allir töluðu um orðið að ónýtu Íslandi, þar sem meirihluti þjóðarinnar er ónýtur og vill ekki breyta neinu og tekur þar undir með leikstjórum og höfundum hrunsins í tveim stjórnmálaflokkum.

Þeir sem vilja fá breytingar fram eru hataðir eins og pestin, og þeir eru vinsamlegast beðnir um að halda kjafti eða flytja af landi brott. Á milli þess sem þeir eru kallaðir landráðamenn eða eitthvað þaðan af verra, sumt fólk er jafnvel sagt vera sjúkt, veikt og eitthvað þaðan af verra.

Síðan þykjast íslendingar vera hissa á því afhverju allt sé að fara laglega til fjandans á Íslandi. Íslendingar eru þjóð sem þarf að læra að skammast sín á tímabilum.

[Texti uppfærður klukkan 23:22 þann 8 Mars 2010.]

Birt þann

Sigur þjóðernishyggju á Íslandi

Þjóðernishyggjan hefur sigrað á Íslandi með falli Icesave lagana. Þjóðin tók ákvörðun, og því mun þjóðin bera ábyrgð á þessari ákvöðun. Núna getur íslenska þjóðin nefnilega ekki kennt stjórnmálamönnum um þegar illa fer vegna þessa Icesave máls, og það mun fara illa hjá íslendingum vegna Icesave málsins.

Íslenska þjóðin mun þurfa að borga fyrir hroka sinn og yfirlæti með meira atvinnuleysi og fátækt á næstu mánuðum og árum. Það er nefnilega ekki gefið að hollendingar og bretar muni vilja semja við íslendinga. Sérstaklega í ljósi þess að framsóknarflokkurinn og sjálfstæðisflokkurinn vilja ekki semja um þetta mál, og munu gera allt sem í þeirra valdi stendur til þess að stoppa alla samninga um Icesave. Gildir þá einu hversu hagstæðir og góðir þeir samningar verða.

Í dag er skuldatrygginarálag Íslands 450.60 punktar (Sunnudag 7 Mars 2010). Það er augljóst að á Mánudaginn mun skuldatrygginarálagið rjúka upp í hæstu hæðir, og viðskiptaleg staða Íslands versna til muna. Enginn hlutaði á þau varnarorð sem voru gefin um hvað mundi gerast ef Icesave yrði fellt í þjóðaratkvæði, og því mun íslenska þjóðin finna fyrir afleiðingum ákvarðana sinna í fyrsta skipti á Mánudaginn. Íslenska þjóðin getur hinsvegar núna ekki kennt neinum öðrum um en sjálfum sér, þar sem þetta var hennar valkostur og núna er komið að því að lifa við afleiðinganar.

Upplýsingar um skuldatryggingarálag Íslands.

CMA – Market Data

Birt þann

Íslenska þjóðin siglir í strand

Íslenska þjóðin hefur siglt í strand með því að hafna þeim samningum um Icesave sem núna liggja fyrir. Það er því miður lítið hald í einhverjum skoðunum um hugsanlegan betri samning, sem þó er hvorki tilbúinn eða hefur verið skrifað undir. Það er ennfremur ekkert hald í afsökunum sem réttlæta það að segja nei. Afsakanir eins og kúgun, óréttlæti og fleira í þeim dúr eiga einfaldlega ekkert við, og hafa í raun aldrei gert.

Íslenska þjóðin er orðin jafn siðferðislega gjaldþrota og bankanir haustið 2008. Enda hefur íslenska þjóðin sýnt það og sannað að hún neitar að taka ábyrgð á gjörðum þeirra sem störfuðu í umboði þjóðarinnar, og ennfremur að íslenska þjóðin neitar að taka ábyrgð á sjálfri sér og þeim ákvörðunum sem hún tekur. Slíkt er auðvitað algert gjaldþrot þjóðar á siðferðislegum vettvangi. Það er ennfremur til skammar að íslenska þjóðin hefur samþykkt málflutning þeirra manna sem komu okkur í þessa stöðu til að byrja með, og komu að upphaflegum samningsdrögum að Icesave á sínum tíma.

Íslenska þjóðin sigldi í strand núna í dag, og er henni því engin vorkunn að því sem gerist næst. Það er búið að vara íslensku þjóðina við þeirri stefnu sem þjóðin var á, en engin tók mark á því vegna þjóðrembu, hroka og yfirgangs sem er algengur á Íslandi.

[Uppfært þann 7 Mars 2010 klukkan 01:16.]

Birt þann

Bændasamtök Íslands verða sjálfum sér til skammar með barnalegri hegðun

Bændasamtök Íslands haga sér barnalega um þessar mundir. Fyrir það fyrsta þá neita þau að taka þátt í boði Samfylkingar og Vinstri Grænna útaf ESB málum. Slík hegðun er auðvitað ekkert nema barnaleg og ekkert nema niðurlæging fyrir Bændasamtök Íslands að þau skuli í raun haga sér svona.

Síðan vilja Bændasamtök Íslands að þau séu tekin alvarlega. Það er því miður bara þannig að samtök sem haga sér eins og Bændasamtök Íslands á ekki að taka alvarlega, það er einfaldlega ekki hægt ef þau sýna ekki meiri þroska en þann sem kemur fram í hegðun þeirra á opinberum vettvangi. Bændasamtök Íslands eru einnig sjálfum sér til skammar og niðurlægingar með svona barnalegri hegðun.

Frétt Rúv.

Þáðu ekki Samfylkingarboð

Birt þann

Ásmundur Einar vill að Ísland gangi í NAFTA

Ásmundur Einar formaður þröngsýnarsamtakana Heimssýnar (stofnuð af Ragnari Arnalds sem var á móti EFTA, EES samningum og í dag ESB aðildarviðræðum) er á móti því að íslendingar sækji um aðild að ESB og hefji aðildarviðræður við ESB. Þetta viðhorf hans til ESB stoppar hann þó ekki í að vilja að íslendingar sæki um aðild að NAFTA, sem eru fríverslunarsamtök Kanadamanna, Bandaríkjamanna og Mexíkómanna. Það eru margir sem trúa því að NAFTA sé ólíkt ESB. Það viðhorf er byggt á ranghugmyndum um NAFTA og hlutverk þess, enda er NAFTA fyrst og fremst viðskiptablokk eins og ESB og tollabandalag að einhverju leiti. Þó svo að hlutverk NAFTA sé í reynd ekki nærri því eins viðtækt og hlutverk ESB er í dag. Hinsvegar er ómögurlegt að segja til um það hvernig þróun NAFTA verður í framtíðinni.

Það er því ákveðin hræsni að vera á móti aðild Íslands að ESB, en í hinn handleggin styðja aðild Íslands að NAFTA. Það er reyndar alveg augljóst að Ísland mundi aldrei fá aðild að NAFTA, þar sem við erum ekki ríki í Ameríku eins og Ásmundur og fleiri andstæðingar ESB virðast halda. Þetta fólk þarf nauðsynlega að bæta landafræðiþekkinguna hjá sér hið snarasta.

Hérna er mynd af Ásmundi af Facebook, þar sem hann lýsir yfir stuðningi sínum við inngöngu Íslands í NAFTA. Hérna er önnur mynd af fleiri andstæðingum ESB sem vilja að Ísland gangi í NAFTA.

Frétt Rúv af andstöðu Ásmundar við aðildarviðræður íslendinga við ESB.
Einkennilegt að verja fé í umsókn

[Texti uppfærður klukkan 00:56 þann 17. Febrúar 2010.]

Birt þann

ESB andstæðingurinn sem „ætlaði“ að flytja frá ESB landinu Danmörku til Íslands

Á blog.is er að finna einn af mörgum andstæðingum ESB. Þessi býr þó við þá sérstöðu að búa í ESB landinu Danmörku og njóta því kosta ESB beint og án nokkura vandamál. Þrátt fyrir mikil haturskrif hans í garð ESB, og oft á tíðum tal hans um að flytja til Íslands frá Danmörku þá hefur hann ekkert gert í því. Enda er alveg ljóst að það er ekki íbúðarskortur á Íslandi sem er að stoppa eða tefja mannin. Það er hinsvegar að tefja mannin er hið góða og örugga líf hans innan ESB. Gildir þá einu hversu stóran hann gerir sig á blogginu og internetinu. Ég er auðvitað að tala um ESB andstæðinginn Gunnar Rögnvaldsson, sem er búsettur í Danmörku og augljóslega ekkert að fara þaðan. Jafnvel þó svo að hann tali mikið um það á blogginu til þess að blekkja fólk, eins og hann gerir venjulega í hatursgreinum hans um ESB.

Hérna eru bloggfærslunar þar sem hann talar um í athugasemdum og bloggfærslum að flytja til Íslands. Þetta byrjar árið 2008 í þessu hérna yfirliti. Þetta er ekki endilega tæmandi yfirlit yfir allar þessar yfirlýsingar hans um að flytja til Íslands.

Okkur öll, börn okkar og börn þeirra og börn þeirra. En þökk sé sjálfstæðinu þá mun þetta ekki gerast. Þess vegna þarf ég ekki að borga þegar ég flyt mig og fyrirtæki mitt heim til Íslands með næstu vorskipum.

Bloggfærsla þann 30. Október 2008. Alla bloggfærsluna er hægt að lesa hérna.

þessa hugmynd hef ég nú þegar sett í vinnslu. Ég kýs með fótunum og flyt allt okkar til Íslands á þessu ári. Þetta er búið að vera í vinnslu í 10 mánuði. Það góða við stöðu mína og fyrirtækis míns er að það er hægt að flytja út úr ESB ef maður er einstaklingur eða fyrirtæki. Það er einmitt þessvegna sem fyrirtæki og einstaklingar flytja svona mikið burt frá ESB.

Athugasemd við bloggfærslu þann 22. Júní 2009. Alla færsluna er hægt að lesa hérna.

En nú eru börnin mín stór og fullvaxta og því get ég kosið með fótunum og flyt því til Íslands á næstu mánuðum.

Athugasemd þann 4. Janúar 2010. Alla færsluna er hægt að lesa hérna.

Það er staðreynd að jafnvel andstæðingar ESB vilja ekki yfirgefa góða lífið innan ESB. Jafnvel þó svo að þeir tali stórt og mikið um það á blogginu, og vona að enginn fletti ofan af þeim. Þessar hérna yfirlýsingar hjá Gunnari eru auðvitað ekkert nema hræsni af hæstu gráðu og koma vel upp um óheiðarleika þessa manns í umræðunni um ESB.

Birt þann

Stríðið gegn sannleikanum um Icesave málið

Það er hriklaegt að fylgjst með málflutningi andstæðinga Icesave (sem hverfur ekkert þó svo að þeir séu á móti því) þessa dagana. Í dag eru gengdarlausar árásir stundaðar á efnahagsprófessorinn Þórólf og hann sakaður um að taka málstað breta og hollendinga í Icesave málinu. Þessar fullyrðingar eru til skammar, alveg eins og þeir sem halda þessari vitleysu fram. Í þessu tilfelli er það Ögmundur Jónasson og hjörðin í kringum hann sem er núna að berjast gegn sannleikanum með öllum illum ráðum.

Það er einnig áhugavert að fylgjast með InDefence hópinn krefjast þess að Þórólfur leggi fram útreikninga, þegar augljóst er að hann hefur ekki gert neitt slíkt. Heldur var hann að vísa í útreikninga og fullyrðingar skilanefndar Landsbankans varðandi endurheimtur úr þrotabúinu. Þetta á InDefence að vita ef þeir hafa verið að fylgjast með málinu eins og þeir fullyrða að þeir hafi verið að gera. Það kemur reyndar ekkert á óvart að InDefence stundi þennan óheiðarleika, enda eru þeir komnir úr vondum félagsskap þess fólks sem vill halda Icesave málinu gagandi eins lengi og hægt er, enda þjónar slíkt sjálfstæðisflokknum og framsóknarflokknum bara ágætlega. Þar sem á meðan er ekki athyglin á spillinguna sem er að finna innan þessara tveggja flokka.

Íslendingar þurfa að borga Icesave, og það verður hlegið að kröfum íslendinga um vaxtalaust lán erlendis eins og er núna verið að ræða um í fjölmiðlum hérna á landi. Skemmdarvargar í umræðunni og aðrir slíkir þurfa að fara hugsa sinn gagn. Annaðhvort fórna þeir fáum spilltum einstaklingum í þessari umræðu, eða þá að þeir munu fórna íslensku þjóðinni ofan í skuldafangelsi þeirra sem geta ekki borgað skuldir sínar svo sómi sé að.

Frétt Vísir.is um Landsbankan og Icesave, 2009.

Skilanefnd Landsbankans mat eignir, ekki CIPFA

Fréttir af þessu máli.

Ögmundur: Undarlegt hvernig Þórólfur umgengst sannleikann
InDefence skora á Þórólf að opinbera útreikninga sína: Ekkert víst um endurheimtur eignasafns

Birt þann

Mennskir sauðir í Vesturbyggð og Táknafjarðarhreppi

Það er ekki að spurja af hinum mennsku sauðum í Vesturbyggð og í Táknafjarðarkrepp. Það virðist aðeins vera eitt sem kemst að hjá þeim, og það er „kill, kill, kill“ og ekkert annað virðist vera. Núna eru þessir blýantsnagarar og kerfiskallar búnir að útrýma villiféinu í Tákna. Á þeim forsendum er að þetta sé það sem stendur í lögum og því þurfi að gera þetta.

Ég legg því fram hugmynd að lagasetningu sem þessir menn geta framfylgt næst. Lögin geta hljómað svona.

„Vesturbyggð og Táknafjarhreppur verða friðlýst svæði á Íslandi með lögum þessum. Ágangur manna, íbúðarseta hverskonar er hér með bönnuð með þessum lögum. Brot á þessum lögum eru refsiverð að hámarki 10 ára fangelsi. Öll sú byggð sem núna er í Táknafjarðarhreppi og Vesturbyggð skal leggjast af nú þegar til vendar náttúru Íslands á Vestfjörðum. Þeir sem neita að framfylgja þessum lögum afsala sér skaðabótarétti sem kemur uppá móti tapi vegna húsnæðis og atvinnu. Ennfremur skal sauðfé vera sleppt í fjallið Tákna til vísindalegra rannsókna á Íslandi.“

Það er mjög dæmigert fyrir þröngsýni og heimsku margra íslendinga að geta ekki séð þetta sauðfé í friði vegna þess að lögin segja eitt og annað um búfénað, sem þessar rollur töldust ekki til. Það er ennþá dæmigert fyrir heigulshátt þessara manna sem eru í sveitarstjórn Táknafjarðarhrepps og Vesturbyggðar að gera þetta í „skjóli nætur“ svo að segja. Ég vona að núverandi meirihlutar í sveitarstjórn á þessum stöðum falli með glæsibrag í sveitarstjórnarkosningum núna í vor, enda er ekkert annað gera fyrir það fólk sem þarna þykist stjórna í þessum sveitarfélögum.

Frétt Rúv af þessu hneyksli.

Búið að útrýma villifénu