Hægri-öfgavefurinn AMX í skúffufyrirtæki

Það er merkilegt með þessa öfga-hægri vefinn. Þá sérstaklega vefur sem kallast AMX, en sá vefur hefur aðeins einn tilgang. Sá tilgangur er að henda sem mestum skít og lygum í fólk sem er á móti sjálfstæðisflokknum, sem er núna orðin öfga-hægri flokkur einnig.

Ritstjórn AMX vefsins er aðeins einn maður, eins og einnig á öfga-hægri vefnum Evrópuvaktin. Reyndar skrifa bæði Björn Bjarnarsson og Styrmir Gunnarsson inná þann vef. Hinsvegar er ritstjórn í höndum öfga-frjálshyggjumanns sem heitir Friðbjörn Orri Ketilsson, en hann hefur meðal annars varið siðlausar ákvarðanir Davíðs Oddssonar.

Það fyrirtæki sem rekur þessa vefi, og nokkra aðra heitir Vefmiðlun ehf. Samkvæmt fyrirtækjaskrá, þá er tilgangur Vefmiðlunar ehf að smíða og reka vefi fyrir viðskiptavini. Þegar heimasíða þessa fyrirtækis er skoðuð, þá er ekki hægt að senda þangað tölvupóst og engar upplýsingar að finna um vörur og þjónustu hjá þeim.

Það má því með sanni segja að þarna sé á ferðinni ekkert annað en dæmigert skúffufyrirtæki, sem hefur þann einn tilgang að fela raunverulegt eignarhald á vefum eins og AMX, Evrópuvaktin og fleiri vefjum sem tengjast öfga-frjálshyggjunni á Íslandi, og öðrum sambærilegum öflum tengdum sjálfstæðisflokknum á Íslandi.

Það er ennfremur ekki að sjá að Vefmiðlun ehf hafi neina starfsemi, sem ýtir enn frekar undir þá staðfestingu um að þarna sé um skúffufyrirtæki að ræða. Þeir vefir sem eru tengdir Vefmiðlun ehf eru hýstir hjá Skýrr samkvæmt whois upplýsingum (IP tölu upplýsingar), en þær upplýsingar eru aðgengilegar á internetinu fyrir alla.

Þetta kemur í raun ekki á óvart. Enda er þetta aðals-merki sjálfstæðisflokksins og útrásarvíkingana sem tengjast sjálfstæðisflokknum. Það er að fela hið raunverulega eignarhald í svona skúffufyrirtækjum eins því sem hérna er að finna. Tilgangur AMX er aðeins einn, eins og áður segir og það er að ráðast á alla þá sem standa upp gegn sjálfstæðisflokknum með einum eða öðrum hætti.

Draugar á AMX vefnum og Morgunblaðinu

Það eru draugar á AMX vefnum. Aðalega aðdáendur Davíðs Oddssonar, núverandi endurskoðanda á íslenskri sögu og ritsóði á Morgunblaðinu (Draugablaðinu). Fólk er vinsamlegast beðið um að forðast að lesa viðkomandi blöð og vefsíðu með alvarlegum huga. Þar sem slíkt er talið heilsuspillandi og slæmt fyrir geðheilsu fólks. Sérstaklega þá Morgunblaðið þar sem höfuð draugurinn skrifar sína ruglaða pistla og afneitunar raunveruleikanum öllum stundum, alla dagana ársins.

Það er hættulegt að lesa AMX vegna þess að lestur á þeirri vefsíðu getur valdið lífshættulegum hlátursköstum hjá viðkomandi. Einnig sem að lestur á viðkomandi vefsíðu er einnig að finna pistla sem valda því að fólk tekur brjálæðisköst yfir vitleysunni sem þar er skrifuð.