Staðan á jarðskjálftahrinunni á Tjörnesbrotabeltinu

Hérna eru nýlegar upplýsingar um stöðuna á jarðskjálftahrinunni vestan við Kópasker á Tjörnesbrotabeltinu. Þessar upplýsingar geta orðið úreltar mjög fljótt ef eitthvað gerist.

Jarðskjálftahrinan er ennþá í gangi þegar þessi grein er skrifuð. Síðan á miðvikudaginn hefur ekki komið fram neinn jarðskjálfti sem hefur náð stærðinni 3,0. Stærstu jarðskjálftarnir síðustu 48 klukkutímana hafa náð stærðinni 2,9. Heildarfjöldi jarðskjálfta síðustu 48 klukkutímana er í kringum 567.


Jarðskjálftahrinan vestan við Kópasker. Höfundaréttur þessar myndar tilheyrir Veðurstofu Íslands.

Það hefur hægt og rólega dregið úr þessari jarðskjálftahrinu síðan í gær. Það þýðir þó ekki að þessari jarðskjálftahrinu er lokið. Ef að það verður jarðskjálfti með stærðina 4,0 eða stærri þá mun þessi jarðskjálftahrina aukast aftur.

Styrkir

Ef fólk getur þá getur það stutt mína vinnu hérna með styrkjum. Það hjálpar mér að borga hýsinguna og að kaupa í matinn og fleira. Hægt er að nota PayPal eða bankamillifærslu til þess að styrkja mig. Takk fyrir stuðninginn. 🙂

Nýjustu upplýsingar um jarðskjálftahrinuna á Tjörnesbrotabeltinu

Almannavarnir hafa lýst yfir óvissuástandi á því svæðinu næst jarðskjálftahrinunni vestan við Kópasker. Óvissustig er lægsta viðvörunarstig Almannavarna.

Síðan að jarðskjálftahrinan hófst á laugardaginn þá hafa komið fram um 1800 jarðskjálftar samkvæmt Veðurstofu Íslands. Stærstu jarðskjálftarnir síðustu 24 klukkutímana hafa verið með stærðina 3,8 og 3,0. Þessi tala gæti breyst á næstu klukkutímum þar sem jarðskjálftahrinan er ennþá í gangi.


Jarðskjálftahrinan vestan við Kópasker (grænar stjörnur). Höfundaréttur þessar myndar tilheyrir Veðurstofu Íslands.

Þessi jarðskjálftahrina hefur aukið líkunar á því að þarna verði jarðskjálfti sem er með stærðina 6,0 eða stærri. Þetta er mjög stór jarðskjálftahrina fyrir þetta svæði á Tjörnesbrotabeltinu.

Jarðskjálfti með stærðina 4,2 vestan við Kópasker

Í kvöld klukkan 20:29 varð jarðskjálfti með stærðina 4,2 vestan við Kópasker. Þessi jarðskjálfti varð til þess valdandi að jarðskjálftahrinan jókst í kjölfarið á þessum jarðskjálfta. Í kjölfarið á jarðskjálftanum með stærðina 4,2 kom jarðskjálfti með stærðina 3,3.


Jarðskjálftahrinan vestan við Kópasker (grænar stjörnur). Höfundaréttur þessar myndar tilheyrir Veðurstofu Íslands.

Jarðskjálftahrinan er ennþá í gangi og þessar upplýsingar geta breyst án nokkurs fyrirvara.

Tvær jarðskjálftahrinur á Tjörnesbrotabeltinu

Síðustu daga hafa verið tvær jarðskjálftahrinur á Tjörnesbrotabeltinu. Þessar jarðskjálftahrinur hafa verið á tveim stöðum. Fyrir vestan Kópasker, hin hefur verið austan við Grímsey eins og hefur verið undanfarnar vikur á því svæði. Báðar jarðskjálftahrinur hafa verið litlar og enginn jarðskjálfti stærri en 2,0 hefur átt sér stað. Heildarfjöldi jarðskjálfta er í kringum 146 þegar þessi grein er skrifuð.


Jarðskjálftavirknin á Tjörnesbrotabeltinu. Höfundaréttur þessar myndar tilheyrir Veðurstofu Íslands.

Jarðskjálftahrinan austan við Grímsey er ekki lokið og hefur haldið þar sem jarðskjálftavirkni á þessu svæði hefur ekki náði toppi ennþá. Það er erfiðara að segja til um jarðskjálftahrinuna vestan við Kópasker. Þegar þessi grein er skrifuð þá eru báðar jarðskjálftahrinur í gangi.

Staðan í jarðskjálftahrinunni í Nöfum austan við Grímsey

Hérna er nýjustu upplýsingar um jarðskjálftahrinuna í Nöfum austan við Grímsey (það er engin Global Volcanism Program síða). Í gær (19-Mars-2019) varð jarðskjálfti með stærðina 3,2. Aðrir jarðskjálftar fyrir og eftir þennan jarðskjálfta voru minni að stærð. Það virðist sem að meira en 200 jarðskjálftar hafi orðið í þessari jarðskjálftahrinu.


Jarðskjálftahrinan í gær í Nöfum austan Grímseyjar. Höfundaréttur þessar myndar tilheyrir Veðurstofu Íslands.

Jarðskjálftavirknin hefur stöðvast á þessu svæði núna og það hafa ekki orðið jarðskjálftar síðustu klukkutímana. Miðað við þróunina í fyrra þá varði jarðskjálftavirkni þarna í nokkrar vikur og fór ekki að draga úr jarðskjálftavirkninni fyrr en hámarki var náð. Það er ekki hægt að segja til um það hvað gerist næst í jarðskjálftavirkni á þessu svæði.

Jarðskjálftahrina austur af Grímsey (Tjörnesbrotabeltið)

Síðastliðna nótt (18-Mars-2019) hófst jarðskjálftahrina austan við Grímsey í eldstöðinni sem kallast Nafir (enginn Global Volcanism Program síða). Það eina sem er að finna um þetta svæði á GVP er um elstöðina sem er suður af þessari eldstöð (GVP síða hérna). Eldstöðin Nafir er ekki með neina skráð eldgos síðustu 10.000+ ár. Það er möguleiki á því að þetta sé rangt vegna skorts á rannsóknum. Árið 2018 varð mjög sterk jarðskjálftahrina á þessu sama svæði og hægt er að lesa greinar sem tengjast þeirri jarðskjálftahrinu hérna. Jarðskjálftahrinan þann 19 Febrúar 2018 leit svona út eins og hægt er að sjá í greininni hérna. Sú jarðskjálftavirkni sem er núna að koma fram bendir til þess að hugsanlega verði endurtekning á þessari virkni núna en aðeins tíminn mun leiða það í ljós hvað gerist en vísbendingar eru sterkar í þessa áttina. Jarðskjálftavirkni á þessu svæði er flókin og erfitt að segja til um hvað gerist næst og þessi jarðskjálftavirkni á sér stað í sigdal.


Jarðskjálftavirknin austur af Grímsey. Höfundaréttur þessar myndar tilheyrir Veðurstofu Íslands.

Stærsti jarðskjálftinn sem hefur komið hingað til var með stærðina 3,3 en aðrir jarðskjálftar sem hafa komið fram voru minni að stærð. Eins og stendur hafa 55 jarðskjálftar komið fram. Jarðskjálftahrinan er ennþá í gangi þó svo að fáir jarðskjálftar komi fram eins og stendur.

Styrkir

Ég minni á að hægt er að styrkja mína vinnu hérna. Hægt er að nota PayPal eða millifæra beint inná mig, upplýsingar hvernig skal gera það er að finna á styrkir síðunni. Takk fyrir stuðninginn. 🙂

Jarðskjálftahrina suður af Grímsey á Tjörnesbrotabeltinu

Síðan á Laugardag (10-Nóvember-2018) og þangað til í dag (11-Nóvember-2018) þá hefur verið jarðskjálftahrina sunnan við Grímsey. Stærsti jarðskjálftinn í þessari hrinu var með stærðina 3,0 en aðrir jarðskjálftar sem hafa komið fram voru minni að stærð. Það hafa mælst í kringum 130 jarðskjálftar hingað til. Það hafa ekki komið fram neinar tilkynningar um að þessi jarðskjálftahrina hafi fundist í byggð.


Jarðskjálftahrinan á Tjörnesbrotabeltinu. Höfundaréttur þessar myndar tilheyrir Veðurstofu Íslands.

Þessi jarðskjálftahrina virðist vera ennþá í gangi, jafnvel þó svo að slakað hafi á þessari jarðskjálftahrinu á síðustu klukkutímum. Það er spurning hvort að þessari jarðskjálftahrinu sé lokið eða hvort að áframhald verði á þessari jarðskjálftavirkni næstu klukkutíma eða daga.

Jarðskjálftahrina norður af Gjögurtá (Tjörnesbrotabeltið)

Klukkan 21:10 hófst jarðskjálftahrina norður af Gjögurtá á Tjörnesbrotabeltinu. Stærsti jarðskjálftinn í þessari hrinu hingað til var með stærðina 3,7. Aðrir jarðskjálftar sem hafa komið fram hafa verið minni að stærð hingað til. Það gæti breytst á nokkurar viðvörunar.


Jarðskjálftahrinan á Tjörnesbrotabelinu. Stærsti jarðskjálftinn var með stærðina og er merktur með grænni stjörnu. Höfundaréttur þessar myndar tilheyrir Veðurstofu Íslands.

Það er aðeins um að jarðskjálftar séu rangt staðsettir á sjálfvirku jarðskjálftakorti Veðurstofu Íslands.

Þar sem jarðskjálftamælirinn minn í Böðvarshólum er niðri vegna bilaðrar tölvu og ég hef ekki efni á að kaupa Raspberry Shake jarðskjálftamæli (veðurþolin) þá er eingöngu hægt að sjá stærstu jarðskjálftana á jarðskjálftamælinum í Dellukoti.

Jarðskjálfti með stærðina 3,3 rúmlega 6 km norður af Gjögurtá

Í kvöld klukkan 22:44 varð jarðskjálfti með stærðina 3,3 rúmlega 6 km norður af Gjögurtá í Tjörnesbrotabeltinu. Í kjölfarið á þessum skjálfta hafa síðan komið fram minni jarðskjálftar.


Jarðskjálftavirknin norður af Gjögurtá núna í kvöld. Höfundaréttur þessar myndar tilheyrir Veðurstofu Íslands.

Jarðskjálftavirkni er mjög algeng á þessu svæði. Þarna eru engar eldstöðvar og þarna hafa ekki orðið nein eldgos svo vitað sé til.

Jarðskjálfti ekki langt frá Siglufirði

Jarðskjálfti með stærðina 3,5 varð ekki langt frá Siglufirði núna í kvöld. Á þessari stundu er þetta eini jarðskjálftinn sem hefur komið fram á því svæði þar sem jarðskjálftinn varð.


Jarðskjálftinn sem varð ekki langt frá Siglufirði (græn stjarna). Höfundaréttur þessar myndar tilheyrir Veðurstofu Íslands.

Það er möguleiki á að þarna verði frekari jarðskjálftavirkni á þessu svæði. Hinsvegar er möguleiki á að ekkert frekar gerist á þessu svæði.