Jarðskjálfti með stærðina 4,2 vestan við Kópasker

Í kvöld klukkan 20:29 varð jarðskjálfti með stærðina 4,2 vestan við Kópasker. Þessi jarðskjálfti varð til þess valdandi að jarðskjálftahrinan jókst í kjölfarið á þessum jarðskjálfta. Í kjölfarið á jarðskjálftanum með stærðina 4,2 kom jarðskjálfti með stærðina 3,3.


Jarðskjálftahrinan vestan við Kópasker (grænar stjörnur). Höfundaréttur þessar myndar tilheyrir Veðurstofu Íslands.

Jarðskjálftahrinan er ennþá í gangi og þessar upplýsingar geta breyst án nokkurs fyrirvara.

Posted in Jarðskjálftahrina, TFZ, Tjörnesbrotabeltið, Vöktun | Comments Off on Jarðskjálfti með stærðina 4,2 vestan við Kópasker

Tvær jarðskjálftahrinur á Tjörnesbrotabeltinu

Síðustu daga hafa verið tvær jarðskjálftahrinur á Tjörnesbrotabeltinu. Þessar jarðskjálftahrinur hafa verið á tveim stöðum. Fyrir vestan Kópasker, hin hefur verið austan við Grímsey eins og hefur verið undanfarnar vikur á því svæði. Báðar jarðskjálftahrinur hafa verið litlar og enginn jarðskjálfti stærri en 2,0 hefur átt sér stað. Heildarfjöldi jarðskjálfta er í kringum 146 þegar þessi grein er skrifuð.


Jarðskjálftavirknin á Tjörnesbrotabeltinu. Höfundaréttur þessar myndar tilheyrir Veðurstofu Íslands.

Jarðskjálftahrinan austan við Grímsey er ekki lokið og hefur haldið þar sem jarðskjálftavirkni á þessu svæði hefur ekki náði toppi ennþá. Það er erfiðara að segja til um jarðskjálftahrinuna vestan við Kópasker. Þegar þessi grein er skrifuð þá eru báðar jarðskjálftahrinur í gangi.

Posted in Eldstöð, Jarðskjálftahrina, Nafir-Skjálfandadjúp, TFZ, Tjörnesbrotabeltið, Vöktun | Comments Off on Tvær jarðskjálftahrinur á Tjörnesbrotabeltinu

Staðan í jarðskjálftahrinunni í Nöfum austan við Grímsey

Hérna er nýjustu upplýsingar um jarðskjálftahrinuna í Nöfum austan við Grímsey (það er engin Global Volcanism Program síða). Í gær (19-Mars-2019) varð jarðskjálfti með stærðina 3,2. Aðrir jarðskjálftar fyrir og eftir þennan jarðskjálfta voru minni að stærð. Það virðist sem að meira en 200 jarðskjálftar hafi orðið í þessari jarðskjálftahrinu.


Jarðskjálftahrinan í gær í Nöfum austan Grímseyjar. Höfundaréttur þessar myndar tilheyrir Veðurstofu Íslands.

Jarðskjálftavirknin hefur stöðvast á þessu svæði núna og það hafa ekki orðið jarðskjálftar síðustu klukkutímana. Miðað við þróunina í fyrra þá varði jarðskjálftavirkni þarna í nokkrar vikur og fór ekki að draga úr jarðskjálftavirkninni fyrr en hámarki var náð. Það er ekki hægt að segja til um það hvað gerist næst í jarðskjálftavirkni á þessu svæði.

Posted in Eldstöð, Jarðskjálftahrina, Nafir-Skjálfandadjúp, TFZ, Tjörnesbrotabeltið, Vöktun | Comments Off on Staðan í jarðskjálftahrinunni í Nöfum austan við Grímsey

Jarðskjálftahrina austur af Grímsey (Tjörnesbrotabeltið)

Síðastliðna nótt (18-Mars-2019) hófst jarðskjálftahrina austan við Grímsey í eldstöðinni sem kallast Nafir (enginn Global Volcanism Program síða). Það eina sem er að finna um þetta svæði á GVP er um elstöðina sem er suður af þessari eldstöð (GVP síða hérna). Eldstöðin Nafir er ekki með neina skráð eldgos síðustu 10.000+ ár. Það er möguleiki á því að þetta sé rangt vegna skorts á rannsóknum. Árið 2018 varð mjög sterk jarðskjálftahrina á þessu sama svæði og hægt er að lesa greinar sem tengjast þeirri jarðskjálftahrinu hérna. Jarðskjálftahrinan þann 19 Febrúar 2018 leit svona út eins og hægt er að sjá í greininni hérna. Sú jarðskjálftavirkni sem er núna að koma fram bendir til þess að hugsanlega verði endurtekning á þessari virkni núna en aðeins tíminn mun leiða það í ljós hvað gerist en vísbendingar eru sterkar í þessa áttina. Jarðskjálftavirkni á þessu svæði er flókin og erfitt að segja til um hvað gerist næst og þessi jarðskjálftavirkni á sér stað í sigdal.


Jarðskjálftavirknin austur af Grímsey. Höfundaréttur þessar myndar tilheyrir Veðurstofu Íslands.

Stærsti jarðskjálftinn sem hefur komið hingað til var með stærðina 3,3 en aðrir jarðskjálftar sem hafa komið fram voru minni að stærð. Eins og stendur hafa 55 jarðskjálftar komið fram. Jarðskjálftahrinan er ennþá í gangi þó svo að fáir jarðskjálftar komi fram eins og stendur.

Styrkir

Ég minni á að hægt er að styrkja mína vinnu hérna. Hægt er að nota PayPal eða millifæra beint inná mig, upplýsingar hvernig skal gera það er að finna á styrkir síðunni. Takk fyrir stuðninginn. 🙂

Posted in Eldstöð, Jarðskjálftahrina, TFZ, Tjörnesbrotabeltið, Vöktun | Comments Off on Jarðskjálftahrina austur af Grímsey (Tjörnesbrotabeltið)

Jarðskjálftahrina nærri Presthnjúkum (Langjökull suður)

Í gær (16-Mars-2019) varð jarðskjálftahrina í syðri hluta Langjökuls í eldstöð sem er hugsanlega tengd Presthnjúkum (það er möguleiki á að þessi eldstöð hafi ekki neina Global Volcanism Program síðu). Jarðskjálftahrinan sem kom fram þarna hefur verið mjög hægfara og ekki margir jarðskjálftar átt sér stað.


Jarðskjálftahrinan nærri Presthnjúkum. Höfundaréttur þessar myndar tilheyrir Veðurstofu Íslands.

Stærsti jarðskjálftinn í þessari hrinu var með stærðina 3,0 en aðrir jarðskjálftar sem komu fram voru minni að stærð. Það er óljóst afhverju þessi jarðskjálftavirkni er að eiga sér stað en líklegt er að hérna sé um flekahreyfingar að ræða. Síðasta eldgos í þessari eldstöð var fyrir meira en 5000 árum síðan. Það virðist sem að þessari jarðskjálftahrinu sé lokið en það er alltaf möguleiki á að jarðskjálftavirkni hefjist aftur þarna á þessu sama svæði eða nærri því.

Posted in Eldstöð, Jarðskjálftahrina, Langjökull suður, Prestahnúkur, Vöktun | Comments Off on Jarðskjálftahrina nærri Presthnjúkum (Langjökull suður)

Kröftug jarðskjálftahrina djúpt á Reykjaneshrygg

Í dag (10-March-2019) hófst kröftug jarðskjálftahrina djúpt á Reykjaneshrygg. Fjarlægðin frá Reykjavík er í kringum 840 km. Stærsti jarðskjálftinn í þessari hrinu var með stærðina Mw5,8. (Upplýsingar á vefsíðu EMSC hérna). Það hafa aðeins þrír jarðskjálftar mælist og allir þessir jarðskjálftar voru stærri en 5,0 að stærð. Það er ekki hægt að vita hvort að þarna sé eldgos að eiga sér stað vegna fjarlægðar frá landi. Dýpi á þessu svæði er 3 til 6 km. Það er möguleiki á að það muni koma fram fleiri jarðskjálftar fram á næstu klukkutímum og næstu dögum vegna jarðskjálftans sem var með stærðina 5,8.

Posted in Jarðskjálftahrina, Reykjaneshryggur, Vöktun | Comments Off on Kröftug jarðskjálftahrina djúpt á Reykjaneshrygg

Jarðskjálfti 30 km norð-vestur af Vestmanneyjum

Í dag (5-Mars-2019) klukkan 12:59 varð jarðskjálfti 30,6 km norð-vestur af Vestmannaeyjum. Þessi jarðskjálfti var með stærðina 3,2 og var þetta stakur jarðskjálfti og hafa engir eftirskjálftar komið í kjölfarið á þessum jarðskjálfta.


Jarðskjálftinn 30,6 km norð-vestur af Vestmannaeyjum (græn stjarna). Höfundaréttur þessar myndar tilheyrir Veðurstofu Íslands.

Á þessum stað eru ekki nein þekkt misgengi eða eldstöðvar. Þessi jarðskjálfti er því mögulega innanfleksjarðskjálfti sem verða reglulega á Íslandi en oftast á svæðum þar sem þeir mælast ekki og enginn verður þeirra var.

Posted in Jarðskjálfti, Vestmannaeyjar, Vöktun | Comments Off on Jarðskjálfti 30 km norð-vestur af Vestmanneyjum

Kröftug jarðskjálftahrina í Bárðarbungu (ekki mikill fjöldi jarðskjálfta)

Í morgun (4-Mars-2019) varð jarðskjálftahrina í Bárðarbungu. Stærsti jarðskjálftinn var með stærðina 4,1 (klukkan 05:52), annar stærsti jarðskjálftinn var með stærðina 3,8 (klukkan 05:46), þriðji stærsti jarðskjálftinn var með stærðina 3,3 (klukkan 06:03). Aðrir jarðskjálftar sem komu fram voru minni að stærð.


Jarðskjálftavirkni í Bárðarbungu (grænar stjörnur). Höfundaréttur þessar myndar tilheyrir Veðurstofu Íslands.

Það komu fram samtals átta jarðskjálftar í þessari jarðskjálftahrinu. Þessi jarðskjálftahrina er örlítið óvenjuleg þar sem eingöngu eru tvær vikur síðan jarðskjálfti með stærðina 4,2 átti sér stað í Bárðarbungu. Þessir jarðskjálftar tengjast þenslu í Bárðarbungu og hafa verið í gangi síðan árið 2015 eftir að eldgosinu í Holuhrauni lauk í Febrúar 2015. Þetta ferli mun halda áfram þangað til að næsta eldgos verður í Bárðarbungu. Minnsti tími milli eldgosa er 1 ár en þetta getur farið upp í 104 ár. Ég byggi þessa skoðun mína á gögnum frá Global Volcanism Program og þar er hægt að sjá gögnin um eldgos í Bárðarbungu.

Posted in Bárðarbunga, Eldstöð, Jarðskjálftahrina, Kvika, Vöktun | Comments Off on Kröftug jarðskjálftahrina í Bárðarbungu (ekki mikill fjöldi jarðskjálfta)

Kröftug jarðskjálftahrina 100 km norður af Kolbeinsey

Aðfaranótt 28-Febrúar-2019 og kvöldið 27-Febrúar-2019 varð jarðskjálftahrina 100 km norður af Kolbeinsey. Ég veit ekki hvort að þetta var bara jarðskjálftahrina eða einnig eldgos. Svæðið sem jarðskjálftahrinan var á er langt frá landi. Sjávardýpi á þessu svæði er frá 1 til 3 km og hugsanleg eldgos þarna eru því ósýnileg á yfirborði sjávar.


Jarðskjálftahrinan norður af Kolbeinsey. Höfundaréttur þessar myndar tilheyrir Veðurstofu Íslands.

Stærsti jarðskjálftinn í þessari hrinu var með stærðina 4,3 (klukkan 07:43) og annar stærsti jarðskjálftinn var með stærðina 4,1 (klukkan 07:37). Heildarfjöldi jarðskjálfta sem voru stærri en 3,0 var 16 samkvæmt síðustu niðurstöðum hjá Veðurstofu Íslands. Ég veit ekki hver heildarfjöldi jarðskjálfta var í þessari jarðskjálftahrinu. Vegna fjarlægðar frá landi og SIL mælaneti Veðurstofu Íslands þá mældist ekki mikill fjöldi jarðskjálfta. Það virðist sem að þessari jarðskjálftahrinu sé lokið þar sem ekki hafa komið fram jarðskjálftar síðustu klukkutíma.

Posted in Jarðskjálftahrina, Vöktun | Comments Off on Kröftug jarðskjálftahrina 100 km norður af Kolbeinsey

Jarðskjálfti með stærðina (Mw) 4,2 í Bárðarbungu

Í gær (23-Febrúar-2019) varð jarðskjálfti með stærðina (Mw) 4,2 í Bárðarbungu. Jarðskjálftinn varð í norð-austur hluta öskju Bárðarbungu á svipuðum stað og aðrir jarðskjálftar af þessari stærð sem hafa orðið á undanförnum vikum. Þarna verða flestir jarðskjálftar af þessari stærð í Bárðarbungu. Það varð forskjálfti í þetta skiptið með stærðina 2,7.


Jarðskjálftinn í Bárðarbungu. Höfundaréttur þessar myndar tilheyrir Veðurstofu Íslands.

Ég get því miður ekki útvegað mynd af jarðskjálftanum þar sem aðal jarðskjálftatölvan hjá mér er biluð og ég hef ekki efni á nýrri tölvu fyrr en í sumar (+Windows 10 Pro leyfi). Ég hef einnig ekki efni á því fyrr en í sumar að skipta yfir í Raspberry Shake jarðskjálftamæli.

EMSC/USGS sýna þennan jarðskjálfta með stærðina 4,5. EMSC/USGS eru að nota aðra reikniaðferð en Veðurstofa Íslands.

Uppfærsla

Ég gat náð í jarðskjálftaupplýsinganar frá jarðskjálftamælinum mínum.


Jarðskjálftinn í Bárðarbungu. Þessi myndir er undir Creative Commons Leyfi. Sjá nánar á CC leyfi síðunni.

Grein uppfærð þann 25-Febrúar-2019. Mynd bætt við.

Posted in Bárðarbunga, Eldstöð, Jarðskjálftahrina, Kvika, Vöktun | Comments Off on Jarðskjálfti með stærðina (Mw) 4,2 í Bárðarbungu